THEU NAI 13:12 - Khumi Common Language Bible

¹² nangchi i tapen nai chapo chalu ngierei ly Areng teng y talam u ai nai tla. Nangchi i tawnbawi cho chalu katai ngierei py Areng i vui talam ai nai tla;

THEU NAI 13:12 ပူးပေါင်းရင်းမြစ်များ

NEHEMIA 10:36

Reita leu pei nai cha-iu theung y dawn hai nai kamta, kaichi ly Tameuh teng y talam ai nai molam y kaimychi i chapo chalu ai py, kaimychi i si, beram, mi-ichi i tapen nai cho chalu ai py, Achura yhm i pathyp pi nai keung teng y syn pi ai.

NEHEMIA 10:37

Kaichi saneng tlei tleirei tyn man nai choh chalu hawi sa nai tako dei, takhra katalamra kreip hang, olive asitui hawi thengthai cheaungkhangchi ai, Achura yhm pathyp pi nai keungchi teng y syn pi ai. Li hlau sa nai avangchira y horei y harei talam nai ai cheaung u nai Levi theaungchi teng y kaichi ly kaimychi li hlaura i amti amjang phy ho phyrei syn pi ai.

THEU NAI 13:1

Areng ly Mosi teng y,

THEU NAI 13:2

“Chapo chalu ngierei ly kai i vui khai takhra ai nai tla; Israela chengchi i chapo chalu ngierei hawi tawnbawi cho chuluchi ngiereichi py kai i vui ne,” napi.

THEU NAI 22:28

“Nangchi ly Tameuh ai thui tamawn rumrang moh; nangchi i cheng lu sa nai keung ai pasawi moh.

THEU NAI 22:29

“Nang i amti amjang hawi thengthai chaluchi py, kreip hang py, olive asitui py, kai teng y talam ai nai tla. Nangchi i chapo chaluchi py kai teng y talam ai nai tla.

THEU NAI 34:19

Chapo chalu, tawnbawi cho chalu ly kai i vui ne.

THEU NAI 34:20

Na i py keaungngo kano kasau cho chalu ne lawh baly, beramcho harei hawi atleu ai nai tla. Atleu ai nai ngai y lawh baly, keaungngo kano kasau i kaneaung khei ai nai tla. Nangchi i chapo chalu ngiereichi ai ly atleu ai nai tla. Amimi py katalamra syn y naimy, kai teng y jeu u moh sy.

Ezekiela 16:20

“Hunaibaly nang ly kai hawi nga nai cho chanauchi ai la i, tawnbawi palawn iy mynchi teng y apathyp bo. Nang ly kai i tlang tleaung y ka-ym by y nai khyh chang y i, paleung anyp y naimy,

Ezekiela 44:30

Pathyp pi nai keungchi ly amti amjang chalu hawi keh nai hawi, kai teng y talam nai takhra kapathypra ngireichi amtym u ai. Khumichi ly tako paawp nai tleirei pathyp pi nai keung ai, paawp angchei nai tako talam pi ai nai tla. Huna nai khala kai i amtheaung naira ly nichi i yhmchira y tym ai.

Levi 27:26

Tawnbawi tapen man nai cho chalu ly Areng i vui ne nai deaungkho y, amimi py hunichi ai paleung kangai katalamra palawn iy, Areng teng y talam ai nai avo y. Si cho, beram cho, mi-i cho, hunichi ly Areng i vui ne;

Kati Nai 18:15

“Israela chengchi my kai teng y talam nai chapo chalu hawi, tawnbawi cho chaluchi ly nangchi i vui ne. Na i py chapo chalu py ne sy, reita y chai y nai tawnbawi cho chalu py ne sy, tangka hawi atleu teang ai nai tla.

Kati Nai 3:12

“Levi theaungchi ly kai i kai i khumichi ne. Kai ly Aikupta khumichi i chapo chalu bawibawichi ai padei nai thym khala, Israela cheng yhm dengtheung tleirei i chapo chalu hawi tawnbawi cho chalu ngiereichi ai ly kaimy i vui vawi yb nai ne. Vai ly Israela chengchi i chapo chaluchi i jeng y, Levi theaungchi ai kaimy vawi takhra bo. Nichi ly kai i khumichi ne i, Kai ly Areng ne,” napi.

Kati Nai 8:17

Kai ly Aikupta khumichi i chapo chalu bawibawichi ai kapadei nai neng khala, Israela cheng yhm dengtheungchi i chapo chalu hawi tawnbawi cho chaluchi ai kaimy i vui kavawi takhra yb bo.

LUKA 2:23

(Areng i Reita y, “Chalu y neampacho tapen nai ngierei ly Areng i vui y Khai Takhra Nai ne napi ai nai tla,” nanai tajiu nai kamta;)

Leu Thui Nai 15:19

“Nangchi i si hawi beram cho chalu katai bawibawichi ly nangchi i Areng Tameuh i vui y khai takhra ai nai tla; si chaluchi ai kalop so hai moh, beram chalu ai py mui takip moh.