THEU NAI 11:3 - Khumi Common Language Bible

³ Aikupta chengchi ly Israela chengchi ai tahm khai ai nai Areng my sa pi. Angchi khyp samrang i bangtangchi hawi khumi mipuichi my Mosi ai ly khumi kalen ne, nanai dawn u nai ne.

THEU NAI 11:3 ပူးပေါင်းရင်းမြစ်များ

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 39:21

Na i py Areng my Josepha ai awm hai nai deaungkho y amtheaung hai; naibaly theaung kry nai keung teng y mymy ly meimai kahawi nga nai ne.

2 SAMUELA 7:9

Nang i chei naira tleirei y kaimy kang awm hai iy, nang i paleung ka-echi tlang tleaung y eaung ai nai pei bo. Kai ly nang ai khaileaung pri y amthang keh nai lu leaungrei lawm hai bo.

ESTHER 9:4

Vai ly Modekai ly samrang yhm y sa thai naira awm nai khumi leaungrei ne nai hawi, ni i sa thai naira ly kani tleaung kanirei lenra nai py, empara pri y amthang nai ne.

SAM 106:46

Mymy ly nichi ai ana patang hai nai khumichi i paleung theung y pahen thai nai ka-dawn pakun pi bo.

THEU NAI 12:35

Israela chengchi ly Mosi my thui pi nai kamta Aikupta chengchi teng i muku ateaung, tangka ateaung hawi kanih ateaungchi hnei u bo.

THEU NAI 12:36

Aikupta chengchi my Israela chengchi ai tahm khai ai nai Areng my sa pi nai deaungkho y, nichi hnei nai ngierei pei pi u bo. Hina nai kamta nichi ly Aikupta chengchi i yhmtheaung katuichi syn u bawn nai ne.

THEU NAI 3:21

Kai i chengchi ly Aikupta chengchi teng y meimai nga pa-rei kaimy sa ai i, nangchi theu u nai khala bengtlairei theu u ai ny y.

ISAIA 60:14

Nangchi ai pahyp y naimy ana nai khumichi i kangpreangchi ly nangchi teng y jeu iy, lu meung naimy ang chiu u ai. Vaichi khala y nang ai khumi aniu y nai khumi bawibawichi ly nang i kheu keung y ambeu iy chiu u ai. Nichi ly nang ai, ‘Israela chengchi i chai parai nai Areng i mary pui Zion mary,’ nanai py palau u ai.

AMTAW 7:22

“Naibaly Mosi ai ly Aikupta pri khumichi i cheng naira bawibawi patiu i, mymy i leu y hawi atiti sa naira y py khrikhri pa-rei ham na.

Leu Thui Nai 34:10

Israela cheng theung y Areng hawi mo atha leungtang iy leu arum nai Mosi ka-tawm amo ly amthawn y leang bo.

Leu Thui Nai 34:11

Mosi ly Areng my pato nai y Aikupta samrang, ni i bangtang miteaung kehchi hawi, khumi mipuichi mo y, takhra amochi my py patei vai y nai, lyh ai hawi naichi hawi, rengrang ka-ma-rachi patei pi bo.

JOSUA 4:14

Huni kani y Areng i atiti sa pi nai molam y Israela chengchi ly Josua ai lu sa pi nai keung kalen keh, nanai tahm khai u bo. Nichi ly Mosi ai tahm khai nai kamta, Josua ai py mymy heng nai ryrei tahm khai u nai ne.

AMTENG HAI NAI 3:9

Khen cham, Juda tatang ny y naimy, ka-chawi thui iy Juda angam nai Setan i achu nai kamkawmchi ai ly, khen cham, nichi kypkyp ai ly nang teng y katym hai iy, nang i kheu keung y ambeu hai ai i, nang ai katamen, nanai nichi ai kang pany hai ai.