THEU NAI 1:7 - Khumi Common Language Bible

⁷ Na i py Israela cheng kangpreangchi ly cho chanau neangneang tapen iy, khri pa-rei peung nai deaungkho y, Aikupta pri verei y kawi na bo.

THEU NAI 1:7 ပူးပေါင်းရင်းမြစ်များ

ATITI AWM ANGCHEI NAI 1:20

Naibaly Tameuh my, “Tui theung y heng nai amjy cheaungkhangchi kawi sy, ali theung y akheang nai tavochi py awm sy,” napi i, awm ryp bo.

ATITI AWM ANGCHEI NAI 1:28

Nini ai amtheaung hai i, “Cho chanau neangneang so, nangni i kangpreangchi ly khaileaung pri verei y peung u sy; khaileaung pri py peang u. Nangchi i anui y awm ai nai daichi mawichi, tavochi hawi ngochi ai peang u,” napi.

ATITI AWM ANGCHEI NAI 12:2

Kaimy nang ai kangpreang neangneang peung hai iy khumi cheng kalen lawm hai ai. Kaimy nang ai amtheaung hai ai i, nang i amyn asang nai deaungkho y, khumichi ly nang i saho y amtheaung naira nga u ai.

ATITI AWM ANGCHEI NAI 13:16

Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y!

ATITI AWM ANGCHEI NAI 15:5

Areng my Abram ai angam mang y theu hai i, “Kani mang y angdeang ly ka-sichi ai kati cham; nang i kangpreangchi ly hunai kamta nawi teang ai,” napi.

ATITI AWM ANGCHEI NAI 17:16

Kaimy ni ai amtheaung hai ai, nimy nang i vui chapo tapen pi ai. Kaimy ni ai amtheaung hai ai i, mymy ly khumi cheng cheaungkhangchi i amhm lawm ai; mymy i kangpreangchi theung i nai samrangchi theu ai,” napi.

ATITI AWM ANGCHEI NAI 22:17

nang i kangpreangchi ly pangli spryh hawi kani mang i ka-sichi kamta kang peung hai ai. Nang i kangpreangchi ly mychi i paleung ka-echi ai eaung pajau ai.

ATITI AWM ANGCHEI NAI 26:22

Mymy ly hu i nai asyh vui iy tuikan harei tai bi; hu y ly a-ei nai by y leang bo; hunai deaungkho y huni tuikan ai ly “Tlamsa naira,” nanai amyn pathi. Mymy ly “Areng my hini pri y tlamsa naimy awm ai nai ang pei bo i, hini meingtym y achi ly nang chawn u ai,” napi.

ATITI AWM ANGCHEI NAI 26:4

Nang i kangpreang ai kani mang i ka-si kamta peung hai iy, nichi ai hini khu ka-peang bawibawi kapei ai. Nang i kangpreangchi ai kaimy amtheaung hai nai kamta, khaileaung pri i khumi cheng cheaungkhangchi py, kai teng i amtheaung naira hnei u ai.

ATITI AWM ANGCHEI NAI 28:14

Nang i kangpreangchi ly khaileaung salo y spryh kamta peung u ai. Nangchi i khu ka-peang ly tosyh tokalawi, nidym nisi tym pa-rei kau ai; kai ly nang hawi nang i kangpreangchi i saho y khaileaung pri y awm nai khumi bawibawichi ai amtheaung hai ai.

ATITI AWM ANGCHEI NAI 35:11

Naibaly Tameuh my ni teng y, “Kai ly ati cheaungkhang sa nai Tameuh ne; cho chanau neangneang peung sy. Nang i dengdairei khumi cheng cheaungkhang angpreng ai i, nang ly samrangchi i amsi sangum lawm ai.

ATITI AWM ANGCHEI NAI 46:3

Tameuh my, “Kai ly Tameuh ne, ngampo i Tameuh ne: nang ly Aikupta pri mang y chei ai nai jei moh; hu y nang i kangpreangchi ai kaimy khumi cheng kalen lawm hai ai.

ATITI AWM ANGCHEI NAI 47:27

Israela chengchi ly Aikupta pri Kosen meingtym y awm u i, nang py nang, peung py peung u nai ne.

ATITI AWM ANGCHEI NAI 48:16

Kai ai vaini khrairei ang typ nai keung Tameuh, rai naira cheaungkhang i nai kai ai atleu nai keung Angel my nini ai amtheaung hai sy! Nichi ly kai i amyn hawi, amsi Abraham, kai i ampo Isaka nini i amyn khaw hai jo sy! Nini ly chanau neangneang sa iy, kangpreang neangneang peung u sy,” napi.

ATITI AWM ANGCHEI NAI 48:4

Mymy ly kai teng y, ‘Kaimy nang ai cho chanau neangneang kang peung hai ai i, nang i kangpreang dengdairei khumi cheng neangneang lawm ai; kaimy nang i kangpreangchi teng y hini pri amtym jo ai nai pei pi ai,” napi.

ATITI AWM ANGCHEI NAI 9:1

Tameuh my Nova hawi chapochi ai amtheaung hai nai leu ly “Nang i kangpreangchi ly khaileaung pri verei y kawi ai nai cho chanau neangneang so u,” napi.

NEHEMIA 9:23

Nang ly nichi ai kani mang i ka-sichi kamta, nawi parai nai cho chanauchi pei pi bo; naibaly nichi i amsi pajochi teng y nangmy i adeu nai pri peang hai iy, huni pri y awm hai nai ne.

SAM 105:24

Areng ly mymy i khumichi ai cho chanau neangneang peung hai i, paleung ka-echi tleaung y malawn py atho awm hai bo.

SAM 107:38

Mymy ly mymy i khumichi ai amtheaung naira pei nai deaungkho y, nichi ly cho chanauchi neangneang nga u; mymy ly nichi i si kanghuchi ai py, peung ai nai kry pi bo.

THEU NAI 1:12

Na i py Aikupta chengchi my Israela chengchi ai ana ra, peung ra i, pri verei y kawi na bo. Aikupta chengchi ly Israela chengchi ai jei u nai ne.

THEU NAI 12:37

Israela chengchi ly Ramese mary dengdairei Sukkoth mary mang y tako u amteaung bo. Neampachychi hawi deaungdichi ai kati y naimy, neampacho ka-cheang leaung 600,000 rei awm vi na.

THEU NAI 5:5

Nangchi cheng ly Aikupta chengchi tleaung y nawi keh bo. Vai nangni ly nichi ai kalop anawn hai ai nai tau hawi lawh ly!” napi.

Ezekiela 16:7

Tamokalem by y nai dengkeaung di kamta, tleaungri kang cheang hai. Mo-cha hawi nai anglo ka-cheang lawm bo. Nang i kanu kasangchi amteng iy sam py sau ryh bo. Na i py nang ly tlang ka-keu jo rai.

AMTAW 13:17

Hini Israela chengchi i Tameuh ly achi i amsi sangumchi ai vawi i, khumichi Aikupta pri y awm nai khala y ly nichi ai tahm pasang iy, salo keh i kiu my hu i dengdairei nichi ai pahawi bo.

Leu Thui Nai 10:22

Nangchi i amsi pajochi ly Aikupta pri y tym nai khala, leaung vui saryhrei awm khyh. Na i py vai ly nangchi i Areng Tameuh my nangchi ai kani mang i ka-sichi tanrei ang peung hai bo.

Leu Thui Nai 26:5

Hunaibaly nang ly Areng i mo y: ‘Kai i amjo amnauchi ly yhm hlau jeaungmang nai Aramean cheng ne; ni ly my i yhm dengtheungchi ai hawi iy Aikupta pri y awm ai nai chei nai khumi ne. Huni pri y tym nai thym khala khumi di parai teu i py, kangkhym y ly khumi neangneang peung iy sa thai naira haiho len nai cheng lawm u bo.