THEU NAI 1:17 - Khumi Common Language Bible

¹⁷ Na i py Shiphrah hawi Puah ly Tameuh ai jei kaji nai deaungkho y samrang i leu pei nai kamta so hawi vam y i, nini ly neampacho deaungdichi ai padei y bo.

THEU NAI 1:17 ပူးပေါင်းရင်းမြစ်များ

ATITI AWM ANGCHEI NAI 20:11

Abraham my, “Hini meingtym i khumichi ly Tameuh ai jei y nai hawi tahm khai y nai deaungkho y, Kai i aju ai la vui iy, kai ai padei veng ai, nanai dawn i hina nai kasa nai ne.

ATITI AWM ANGCHEI NAI 42:18

Pa-thom kani y Josepha my nichi teng y, “Kai py Tameuh ai jei iy tahm khai nai khumi ne; naibaly hina nai sa baly nangchi lawira nga ai nai kang sa pi ai.

2 SAMUELA 24:4

Na i py samrang ly Juaba hawi tavai luchi teng y, my i leu pei nai kamta sa hai. Nichi ly Israela cheng khumi vuikanai la ai nai, mymy teng i nai theu u bo.

NEHEMIA 5:15

Kai ny y rai khala i peang nai samrang i bangtang kalenchi ly mipuichi ai myn ji hai bo. Nichi teng i cha nei vawn hawi kreip hang i vui kanirei y tangka chang vui palyhrei hnei nai ne. Huni samrang i bangtang kalenchi i miseaungchi malawn py, mipuichi ai pahyp y naimy ana u bo. Na i py kai ly Tameuh ai jei kaji naimy tahm khai nai deaungkho y, huna nai kamta kaso y.

ESTHER 3:3

Samrang yhm theung i takhra miteaungkehchi my ni teng y, “Nang ly ati mana nai y samrang i leu pei nai tangai y lawh mo?” nanai deng i,

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

THEU NAI 1:18

Hunai deaungkho y samrang ly deaungdi syn pi keung ni ai palau hai i nini teng y, “Ati mana nai kai i leu pei nai kamta so hawi y lawh? Ati mana nai y neampacho ka-so ngiereichi ai padei hawi y lawh mo?” nanai deng.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 8:13

Areng ai jei kaji naimy tahm khai nai ly hawi y naira ai amso ngai nai py ne. Kai ly paleung len nai hawi amlyh nai, hawi y nai lam y tako nai hawi ka-chawi thui nai leuchi ai niu ngai y nai ne.

Parip nai leu 12:13

Hina nai kathui chum baly thui bi ai nai leaungsai harei awm khyh bo. Nang ly Tameuh ai jei kaji naimy tahm khai iy, mymy i reita leu pei naichi kry ba; ati mana nai mo nabaly hini leaungsaichi sa hai ai nai Tameuh ly khumi ai sa nai ne.

Parip nai leu 8:12

Khumi kamngo ly tlen chungvairei hawi y nai sa teu i py, heng thai nai ne. Khumichi my, “Tameuh i leu tangai nai khumi i vui ly cheaungkhangra y hawi ai;

DANIELA 6:13

Naibaly nichi ly samrang teng y, “Juda pri i langheng y hawi naichi theung i, khumi leaungrei Daniela ly samrang nang ai tahm khai y. Nang i patheu nai leu pei nai ai py tangai y. Ni ly kanirei y tlen thomrei, reita kamta chiu sa jojo nai ne,” napi u.

HOSEA 5:11

Israela chengchi ly ana naira avum u bo. Nichi ly kasabawmra pei pajau y nai mynchi teng i, kasabawmra hnei ai nai paleung apei u keh nai deaungkho y, mychi i khaileaung meingtym chau vui bo.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

LUKA 12:5

na i py nangchi ly ami ai jei ai nai tla mo, nanai kang thui pi rym ai; padei nai bo y py ngari angawm y aphi bi pajau ai nai keung ai phai jei u; ne, huni ai phai jei u, kang napi kai ly.

AMTAW 5:29

Na i py Petera hawi amtaw thau naichi my ly, “Kaichi ly khumi i leu tleaung y ly Tameuh i leu tangai keh ai nai tla.

1 SAMUELA 22:17

Naibaly mymy sahawi y angdo nai tamcheaung risachi teng y, “Areng i pathyp pi nai keungchi ly Davida hawi ka-dawn vanrei ne nai deaungkho y, Davida preang nai pany i py kai ai thui pi y i, padei u,” nanai leu pei. Na i py tamcheaung risa leaungrei py, Areng i pathyp pi nai keungchi ai, padei ai nai kiu pheu u vam y.