TARA CHIH NAI KEUNGCHI 7:7 - Khumi Common Language Bible

⁷ Areng my Kideon teng y, “Kai ly tui ai palai hawi palei iy nei nai khumi leaung chungvai thomreichi hawi, nang ai atleu iy Midian chengchi ai eaung hai ai. Takhra khumi bawibawichi ai, yhm mang y vawi ai nai leu pei,” napi.

TARA CHIH NAI KEUNGCHI 7:7 ပူးပေါင်းရင်းမြစ်များ

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.

TARA CHIH NAI KEUNGCHI 7:6

Naibaly kiu hawi bei iy palai hawi palei nai khumichi ly leaung chungvai thomrei awm; huni bo i khumichi ly kheukhu di iy meung naimy nei u naichi ne.

TARA CHIH NAI KEUNGCHI 7:8

Hunaibaly Kideon ly teicha teineichi hawi, bawchi syn nai khumi leaung chungvai thomreichi bo i, takhra Israela chengchi ai ly yhm y vawi hai bo. Midian chengchi i tai ly ka-nem mang leaunghawi theung y awm nai ne.

1 SAMUELA 23:4

Hunai deaungkho y Davida ly Areng teng y hnei takeng bi nai ne. Areng my ni teng y, “Keilah mary y chei ly tiu; kai ly nang ai Philistia chengchi tlang tleaung y eaung hai ai,” napi.