TARA CHIH NAI KEUNGCHI 7:2 - Khumi Common Language Bible

² Areng my Kideon teng y, “Nang teng y abang nai khumichi ly vuikanai nawi ala nai deaungkho y, Midian chengchi ai eaung ai nai kang pei y; kang pei lawh baly, nichi ly mychi i atho hawi eaung nai teu nanai athang khai ai i, kai i saho y, nanai palawn y ai.

TARA CHIH NAI KEUNGCHI 7:2 ပူးပေါင်းရင်းမြစ်များ

ATITI AWM ANGCHEI NAI 46:2

Huni vum ni i paleung mei y niu nai Tameuh my, “Jakob, Jakob!” nanai palau. “Areng awi, kai ly hi y awm,” nanai pathang.

2 NENG SATANG 14:11

Asa ly Areng Tameuh teng y, “Aw Areng, nang ly atho awm nai tavaimi kamkawm ai sabawm nai kamta, atho di nai tavaimi kamkawm ai py sabawm pajau. Aw kaichi i Areng Tameuh, kaichi ly nang ai paleung pado naimy nang i amyn y a-ym iy, hini khri pa-rei nawi nanai tavaimi kamkawm ai tiu ai nai theu u nai ne. Aw Areng, nang ly kaichi i Tameuh ne. Nang ai ly ami my py tiu pajau y leang,” nanai chiu sa bo.

ISAIA 10:13

Asuria empara samrang my, “Hini kalop ai kaimy sa nai ne. Kai ly atho awm; cheng naira awm iy pany thai nai ne. Pri khujyhchi taphra iy nichi i pateung achu nai cha nei vawnchi la pi veng bo. Huni prichira y awm nai khumichi ai, kai ly si my chiu nai kamta, kachiu piupa bo.

ISAIA 2:11

Khumichi i haiho jum nai neng, paleung len am-e naira dyhp nai neng tym ai. Huna nai khala Areng leaungrei naini, tahm asang naira avum ai.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

JEREMIA 9:23

Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

Ezekiela 28:17

Nang ly nangmy i mo-cha kahawi ai amlyh iy nangmy i amyn amthang naimy ly khumi ka-khum kamta lawm hai bo. Huna nai y kai ly khaileaung y khrairei tahm panem iy samrang takhrachi pany pa-rei amtiura lawm hai ai.

Ezekiela 28:2

Mymy ly “Nang khumicho awi, “Turu samrang teng y sa thai naira angym nai kai, Areng i leu pei nai amti pi ai nai ly: nang ly paleung len amlyh naimy nangmy ai tameuh ne na iy, pangli my katanmeuh nai samrang atehra tleaung y tameuh kamta ateh ai nai nga, nanai thui bo. Nang ly tameuh kamta cheng naira awm, nanai athang khai teu i py, nang ly tameuh ny y, khumicho teu.

DANIELA 4:30

mymy ly angdeang i, “Babulon mary ly khri pa-rei len parai na ly! Hini mary y kaimy i sa thai naira, kaimy i nang parai naira patei ai nai, kaimy sa nai mary pui ne,” nanai thui bo.

HABAKKUK 1:16

Nichi ly mychi i paleupychi saho y, cha nei ai nai molam avaw y nai deaungkho y, huni paleupychi ai chiu u iy, kapathyprachi malawn py talam u nai ne.

ZEKHARIAH 12:7

“Kai, Areng ly Juda tavaimichi ai eaung naira pei manme ai. Hinai kamta Davida i katu chanauchi hawi, Jerusalem mary i khumichi nga ai nai tahm awm nai ly takhra Juda chengchi i tahm awm nai tleaung y asang ai ny y.

ZEKHARIAH 4:6

Kani pri amtaw thau naimy kai teng y, “Nang ly Zerubabela teng y Areng my pei nai hini satang thai hai ba. Mymy ly ni teng y, nang ly nangmy i sa thai naira haiho hawi py, tavaimi kamkawm atho hawi py, hina nai sa ai ny y. Na i py kai i phailo atho hawi naini sa pajau ai.

Kati Nai 31:4

Tavai atiu ai nai Israela cheng theaung theung i, theaung harei y khumi leaung sangrei thau ai nai tla,” napi.

ROM AVANGCHI TENG Y PAWLA I CHA PA NAI 11:18

nang ly amlyh teu iy py nang ly tangjyn ai kry nai keung ny y i, tangjyn ly nang ai ang kry nai keung ne lawh veng.

ROM AVANGCHI TENG Y PAWLA I CHA PA NAI 3:27

Hunaibaly amlyh naira ly ma mang y awm mo? Huni ai ly angam mang y kho hai tawp veng bo. Mani reita my sa nai mo? Atiti sa nai reita my a? Ny y leang, ym naira reita y teu.

II KORINTH 4:7

Na i py khri pa-rei atiti sa thai naira ly kaimychi teng i ny y naimy, Tameuh teng i ne lawh thai ai nai, kaichi ly hini yhmtheaung katui ly alai laawm y awm nai ne.

EPHESI 2:9

atiti sa nai deaungkho y ny y leang, ti y baly ami my am-e lawh na.

Leu Thui Nai 32:27

Na i py nichi i paleung ka-echi ly mymychi i haiho saho y kai i khumichi ai eaung nai ne, nanai amlyh am-e ai nai kapei ai ny y.’

Leu Thui Nai 8:17

Hunai deaungkho y nangchi i sa thai naira hawi yhmtheaung katuichi nang nai ne, nanai athang khai u moh.

Leu Thui Nai 8:18

Nangchi i Areng Tameuh my pei nai sa thai naira y naini yhmtheaung katuichi nang nai tei, nanai pany u. Huna nai sa thai naira ang pei nai ly mymy ly nangchi i amsi pajochi hawi asa nai leu Maikawm ai vaini khrairei, khaw hai nai deaungkho y ne.

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.