TARA CHIH NAI KEUNGCHI 5:3 - Khumi Common Language Bible

³ Samrangchi awi, tangai u! Pri peang nai keungchi awi, adawn u patyp! Israela chengchi i Areng Tameuh i nang parai nai sai palo ai nai kai ly khulym thui naimy taro beu ai.

TARA CHIH NAI KEUNGCHI 5:3 ပူးပေါင်းရင်းမြစ်များ

ATITI AWM ANGCHEI NAI 6:17

Kaimy khaileaung i heng nai cheaungkhangchi tamyh ai nai khaileaung pri y tuibai tuitleng theu hai ai; naibaly khaileaung i heng nai cheaungkhang ly dei bebe ai.

ATITI AWM ANGCHEI NAI 9:9

“Vai kai ly nang hawi py, nang i kangpreangchi hawi py Leu Maikawm asa ai;

1 ARENG KEH 18:22

Naibaly Elija my, “Areng i amochi theung y kai leaungrei awm khyh bo. Na i py bala i amo ly leaung 450 rei awm.

1 ARENG KEH 19:10

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u bo. Kai leaungrei naini tleaung i, nichi my kai ai padei ai nai hau u bo!” napi.

1 ARENG KEH 19:14

Elija my, “Aw ati cheaungkhang sa thai nai Areng Tameuh, kai ly nang leaungrei ai naini avawrei kang chiu nai ne. Na i py Israela mipuichi ly nang hawi asa nai Leu Maikawm ai taphra iy, nang i maicham ai panawi nai hawi nang i amo bawibawichi ai py padei u. Kai leaungrei naini tleaung i, nichi my kai ai padei ai nai hau u bo,” napi.

EZARA 7:21

“Kai samrang Artazeret ly kani pri mang y awm nai Tameuh i Reita leu kawp nai pathyp pi nai keung hawi khumi kacheng Ezara i hnei nai bawibawi ai pei u kaliki ai nai Euphrat tavo pui nidym ka-peang i, tangka kry keung bawibawichi teng y leu kang pei.

SAM 119:46

Kai ly nang i thui parip nai saichi ai, samrangchi i mo y pany hai ai; kai ly kangji kangai nga ai ny y.

SAM 146:2

Kai ly heng nai ryrei mymy ai palo ai; kaimy deungrei ly kai i Tameuh ai palo nai khulym thui ai.

SAM 27:6

Hunai deaungkho y kai ly kai ai ang takimeuh nai paleung ka-echi ai eaung naira nga ai. Kai ly amo theu aeu naimy Achura yhm y apathyp ai. Khulym thui naimy Areng ai palo ai.

SAM 61:8

Hunai deaungkho y kai ly kaimy i adeu nai leu ai kani tleirei atyp iy, nang ai kang palo nai khulym thui jojo ai.

THEU NAI 31:6

Kai ly ni ai sabawm ai nai Dan theaung theung i, Ahisama i chapo Aholiaba ai kavawi yb bo. Kaimy leu pei nai ngiereichi sa thai ai nai, takhra kupe kakawp bawibawichi ai py, khri pa-rei sa thai naira kapei nai deaungkho y,

Levi 26:28

kai ly kado theu kang tlau ai i, vaichi khala i tleaung y ty keh nai pajeng naira phy tlen saryhrei kang tym hai panawi bi ai.

Leu Thui Nai 32:1

“Kani khusang hawi khaileaung bom vereichi awi, kai i thui nai ngiereichi ai hawihai palai tangai.

Leu Thui Nai 32:3

Kai ly Areng i amyn palo ai; mymy i khumichi my ly mymy i nang parai nai sai thui u ai.

TARA CHIH NAI KEUNGCHI 5:7

Israela pri i marychi ly avang jimeung lawm veng bo; Kai Deborah ly Israela chengchi i amhm kamta lawm y rai khala, huni marychi ly avang jimeung lawm yb veng bo.