TARA CHIH NAI KEUNGCHI 3:3 - Khumi Common Language Bible

³ Huni pri theung y awm jo rai nai khumi chengchi ly Philistinchi i mary pangrei ra i Philistin khumi, Kanan khumi bawibawichi, Sidon khumichi hawi Bala Heramon dengdairei, palo parai nai Hamath mawi aleaung mang y khrairei awm nai, Lebanon mawi y awm u nai Hivit khumichi ne.

TARA CHIH NAI KEUNGCHI 3:3 ပူးပေါင်းရင်းမြစ်များ

ATITI AWM ANGCHEI NAI 49:13

“Zebulun ly pangli peang y awm ai. Mymy i tuivum ly samphochi khen naira apu parai nai tuivum lawm ai. Mymy i pri ly Sidon mary y khrairei kau ai.

2 SAMUELA 24:7

Naibaly yhm ka-sang awm nai Turu mary mang y chei iy Hivit chengchi hawi Kanani chengchi awm nai marychi mang py, kangkhym y Juda pri tokalawi mang y awm nai Beraseba mary mang py chei u nai ne.

1 ARENG KEH 8:65

Huni Achura Yhm y Solomon hawi Israela cheng bawibawichi ly Taichy pawi kani saryhrei sa u bo. Khumi humchi ly tosyh mang Hamath mawi aleaung dengdairei, tokalawi mang Aikupta pri khujyhra khrairei, khumi mipui ka-teng ka-tang ny y na naichi jeu u achu nai ne.

1 ARENG KEH 9:20

Solomon ly kanan pri ai Israela chengchi my peang nai thym khala, padei be y nai kanan cheng khumichi ai miseaung kamta kalop sa naira y teaung nai ne. Nichi theung y Amori, Hiti, Perizi, Hivit hawi Jebusi chengchi py abawi u. Nichi i katu chanauchi ly vaini khrairei miseaung y awm jo nai ne.

Ezekiela 47:20

“Nidym ngan mang khujyh ly Mrethe pangli ryrei ne iy, tosyh ngan mang y awm nai Hamath mawi aleaung lam nidym ngan mang y khrairei ne.

Kati Nai 13:29

Amalek khumichi ly huni pri i tokalawi mang y awm; Hiti cheng, Jebusi cheng hawi Amori chengchi ly mawi aheung y awm; Kanan chengchi ly mrethe pangli peang hawi Jordan tavo jawnbai jeungreira y awm u nai ne,” napi u bo.

Kati Nai 34:8

Hu i dengdairei Hamath mawi aleaung mang py kan prei iy, hu i bi baly Zedad mang py,

Leu Thui Nai 1:7

Tai aphrei iy khuleaung amso u jau. Amori chengchi awm nai mawitleaung pri hawi, huni sahawi i mawitleaung pri, adym angdeang, Jordan tavo jawn, tokalawi khu hawi Mrethe pangli mang y chei u. Hunaibaly Kanan pri mang y chei u, hu i bo baly Lebanon mawi lem iy Euphrat tavo tym pa-rei chei u.

Leu Thui Nai 3:9

(Heramon mawi ai ly Sidon chengchi my Sirion, nanai palau, Amori chengchi my ly Senira, nanai palau.)

JOSUA 11:19

Israela chengchi ly Kibeon mary y awm nai Hivit chengchi hawi naini, ka-dyh ka-dawi leu sumneang akhai u; takhra marychi ai ly tiu iy peang vui bo.

JOSUA 11:3

Huni bo y ni ly Jordan tavo peang y awm nai Kanan chengchi, Amori chengchi, Perizi chengchi, mawitleaung pri y awm nai Jebusi chengchi, Mizapa pri Heramon mawi kheutang y awm nai Hivit chengchi teng y py satang thai hai bo.

JOSUA 13:3

tokalawi mang y awm nai Avim chengchi i peang nai khu verei ai, peang vui ai nai awm rai nai ne. (Aikupta pri khujyh theung y awm nai Shihor micheaung dengdairei, tosyh mang Ekron khujyh tym pa-rei kau nai khu ka-peang ly Kanan chengchi awm nai khu ka-peang ne. Philistia samrangchi ly kaza mary, Arzu mary, Esakalon mary, Kath mary hawi Ekron marychira y peang nai ne.)

JOSUA 13:5

Kebala chengchi i pri, Heramon mawi tokalawi mang y awm nai Balakat mary dengdai Hamath mawi aleaung ryrei, nisi mang y awm nai Lebanon pri bawibawichi ai peang ai nai awm asai rai nai ne.

JOSUA 19:28

Ebron mary, Rihob mary, Hammon mary, Kanah marychi dengdairei, Sidon mary ryrei tym.

JOSUA 9:7

Huna nai khala Israela chengchi my, “Nangchi ly kaichi sahawi y awm u nai ne lym ai. Huna nai ne baly nangchi hawi ati mana nai ka-dyh ka-dawi sumneang asa lawh ai mo?” napi u.”

TARA CHIH NAI KEUNGCHI 10:12

Sidon cheng, Amalek cheng hawi Meon chengchi ly nangchi ai ana nai khala, nangchi ly kai teng y vo hang naimy ahui u bo. Kaimy py huni khumichi kiu i nai, nangchi ai atleu pi nai ny y a?

TARA CHIH NAI KEUNGCHI 10:7

Hunai deaungkho y Areng ly Israela chengchi tlang tleaung y kado theu i, Philistia chengchi hawi Ammon chengchi anui y awm hai bo.

TARA CHIH NAI KEUNGCHI 14:4

Na i py Areng ly Philistia chengchi ai tiu ai nai neng kahawi hau nai deaungkho y, Samson ai hina nai sa hai nai ne, nanai ly ni i amhm ampo ly pany y. Huni neng ly Israela chengchi tlang tleaung y, Philistia chengchi my pajau nai neng ne.

TARA CHIH NAI KEUNGCHI 18:7

Naibaly huni khumi leaung pangreichi ly Laisa mary mang y chei u bo. Huni mary i khumichi ly Sidon mary i khumichi kamta, awmnem naimy awm u nai ne nanai py, ami hawi py ka-jo ka-thui awm vai y nanai py, nichi ngai nai ngierei nga u nanai py, nichi ly Sidon mary i khumichi hawi khri pa-rei palo naira y awm nai ne iy khumi takhrachi hawi py amkawm u y nanai py pany u bo.

TARA CHIH NAI KEUNGCHI 3:2

Mymy huna nai kamta sa nai ly Israela cheng kangthau tleireichi ai tavai leaungsai amtiu ai nai dawn hai nai ne. Vaichi khala tavai keung y abawi vai y nai khumichi ai patiu pi ai nai dawn hai patyp bo.

TARA CHIH NAI KEUNGCHI 4:2

Hunai deaungkho y Areng ly Hazor mary ai peang nai keung, Kanan khumichi i samrang Jabin ai tavai eaung hai bo. Huni samrang i tavailu ly cheng takhra khumichi awm nai Haroset mary i Sisera ne.

1 SAMUELA 13:5

Philistia chengchi ly Israela chengchi ai tiu ai nai akachu u. Nichi teng y keaungngo ka-ri 30,000 rei, keaungngo atang nai risa leaung 6,000 reichi hawi, pangli peang i spryh kamta kati pajau y na pa-rei, nawi nanai tavaimi risachi awm. Nichi ly amsa u i, Bethavan nisi mang i Mikhama mary y tai u bo.

1 SAMUELA 29:2

Philistia samrang leaung pangreichi ly mychi i tavaimi leaung chungvairei kamkawm, leaung sangrei kamkawmchi hawi tavai amsa u bo. Davida hawi my i khumichi ly nithun mang Akhisa samrang hawi vanrei abang u.

1 SAMUELA 6:16

Philistia samrang leaung pangreichi ly huni leaungsaichi khen u chum baly, huni kani y my Ekron mary y vawi u bo.

1 SAMUELA 6:18

Nichi ly muku paju myn ai py, Philistia samrangchi i peang nai khaw parai nai marychi hawi avangchi i vui, mary ha harei y harei tha pi u bo. Beth Sheme mary Josua i li y, Areng i Leu Maikawm Pawm khai nai lengseaung pui ly huni neng khala y avum nai saichi ly pany hai nai ne i, vaini khrairei awm.

1 SAMUELA 6:4

Philistia miteaung kehchi my, “Kaichi ly ati katalamrachi talam ai mo?,” nanai deng u. Naibaly nichi my, “Nangchi ly samrang leaung pangreichi ai, leaungrei y muku uisalu myn pangrei hawi, muku paju myn pangrei talam u ai nai tla. Samrang leaung pangreichi hawi nangchi bawibawi ly no mi amjy harei avum u nai ne.