TARA CHIH NAI KEUNGCHI 17:3 - Khumi Common Language Bible

³ Ni ly huni tangka ai amhm teng y pei ali teang bo. Huna nai khala amhm my ni teng y, “Deang awi, amsawi lawi y ai nai kaimy huni tangka ly Areng teng y talam ai; tangka hawi mawm nai dengkeaung myn harei sa naira y, huni tangka teaung ai i, nang ai kang pei teang ai,” napi.

TARA CHIH NAI KEUNGCHI 17:3 ပူးပေါင်းရင်းမြစ်များ

2 NENG SATANG 33:7

Ni ly Achura yhm theung y myn khai nai ne. Huni Achura yhm molam y Tameuh my Davida hawi chapo Solomon teng y, “Israela theaung holai nyhreichi i khu ka-peang ngiereichi theung i, kaimy vawi takhra nai Jerusalem mary i hini Achura yhm theung y, kai ai chiu u jojo ai nai tla.

THEU NAI 20:23

Nangchi ly kai ai naini chiu ai nai tla khyh; nangmychi i vui muku, tangkachi hawi tameuh mynchi sa iy chiu u moh.

THEU NAI 20:4

“Kani khusangra i heng nai amjy, khaileaung salo i heng nai amjy, khaileaung anui tui theung i heng nai amjychi ka-tawm mynchi ly nangmychi i vui so u moh.

THEU NAI 34:17

“Tamo ngan hawi tameuh mynchi sa iy chiu u moh,” napi.

ISAIA 30:22

Nangchi ly tangka hawi sa nai mynchi, muku hawi paleaung nai mynchi la iy, “Kaichi mei keung i nai theu u la!,” nanai thui iy chainem y nai kamta aphi vui ai.

ISAIA 66:3

“Khumichi ly mychi i kangai sa u reng nai ne. Mychi i vui si tleh iy apathyp nai ly khumi ai padei iy apathyp nai hawi atawm. Beram pathyp nai hawi ui pathyp nai py vanrei ne. Amti amjang talam nai ly eu thi talam nai hawi atawm. Mui katui leng patlum iy talam nai ly myn ai chiu nai hawi atawm teang. Nichi ly amso ngai ai hawi chiu sa naichira y amo theu u lawh nai ne.

JEREMIA 10:8

Nichi bawibawi ly ka-khum hawi khumi aso y naichi ne. Dengkeaung mynchi my ly nichi ai ati amtiu naira pei pajau ai mo?

Levi 19:4

“Kai ai khai su iy mynchi ai chiu moh. Tamo ngan hawi sa nai myn ai chiu moh. Kai ly nangchi i Areng Tameuh ne.

JOHAN 16:2

Nangchi ai achura yhm i nai ang patheu ai; ne, ami py nangchi ai ang padei ai nai ngierei ly Tameuh i vui y atiti kahawi sa, nanai adawn ai: huna nai neng tym ai;

Leu Thui Nai 12:3

Nichi i maichamchi panawi iy, nichi i tameuh leungchengchi py taphra pawn ai nai tla. Nichi i chiu nai tameuh nu Aserah i leungchengchi py mai veang pawn ai nai tla. Nichi i mynchi ai pakhau piupa pawn ai nai tla. Hina nai kamta sa iy huni meingtymchira i, huni tameuhchi ai chiu nai tama ai.

Leu Thui Nai 27:15

“Lengseaung, dengkeaung, tamo hawi mynchi sa iy, hunichi ai ka-vym y chiu nai khumichi ly Tameuh teng i amsawi lawi ai. Areng ly myn chiu nai ai paso nai ne,’ nanai vaineng tauh nai khala, “Khumi bawi bawichi my ‘Amen!’ nanai pathang u sy.

TARA CHIH NAI KEUNGCHI 17:13

Mikha my, “Vai, kai ly Levi theaung khumi leaungrei ai, kaimy i pathyp pi nai keung kalop sa ai nai kanga bo; hunai deaungkho y Areng ly cheaungkhangra y kai ai lo-pa kau haiai,” nanai thui bo.

TARA CHIH NAI KEUNGCHI 17:2

Ni ly my i amhm teng y, “Nei, nang i tangkacho sang atlo chungvairei tama vui nai khala y, nang i pasawi nai ly kai thai khyp nai ne. Khen cham, huni tangka ly kai teng y awm; kai la nai ne,” napi. Ni i amhm my, “Deang awi, Areng ly nang ai amtheaung hai sy!,” napi.

TARA CHIH NAI KEUNGCHI 17:4

Chapo my huni tangka lo y naimy, amhm teng y pei pi ali teang bo. Hunaibaly amhm ly tangkacho chungvai nyhrei ai, tangka thip kawp nai keung teng y pei i, dengkeaung hawi myn harei sa hai iy, tangka hawi mawm hai typ bo. Huni myn ly Mikha i yhm y khai nai ne.

TARA CHIH NAI KEUNGCHI 18:30

Dan cheng theaungchi ly Mikha i sa nai myn ai tahm khai iy chiu u bo. Mosi i katu, Kerashom i chapo Jonathan ly Dan cheng theaungchi i vui, pathyp pi nai keung kalop sa. Ni i kangpreangchi py Israela chengchi ai langheng hawi nai neng ryrei, pathyp pi nai keung kalop sa pi.

TARA CHIH NAI KEUNGCHI 18:5

Huna nai khala nichi my, “Kaichi ly hini khuleaungra y eaung naira nga ai mo, ngo y ai mo, nanai Tameuh teng y deng pi kyh cham,” napi u.