TARA CHIH NAI KEUNGCHI 1:4 - Khumi Common Language Bible

⁴ Juda cheng theaungchi hawi vanrei, tavai keung y thau u bo. Areng my py nichi ai kanan pri khumichi hawi Perizi khumichi tlang tleaung y eaung hai nai deaungkho y, nichi ly Perizi mary y paleung ka-e tavaimi leaung 10,000 reichi ai tiu i eaung vui nai ne.

TARA CHIH NAI KEUNGCHI 1:4 ပူးပေါင်းရင်းမြစ်များ

1 ARENG KEH 22:15

Mikha ly samrang i mo y tym nai khala samrang my, “Mikha awi, samrang Jehoshapha hawi kai ly Ramoth mary y tiu ai nai avo a, avo y a?,” nanai deng. Mikha my, “Ramoth mary ai tiu, eaung ai! Areng my nangni ai eaung hai ai,” napi.

1 ARENG KEH 22:6

Hunai deaungkho y Ahab ly amo leaung 400 virei ai palau iy, “Kai ly Ramoth mary y tiu ai nai avo a, avo y a?,” nanai deng. Amochi my, “Huni mary ai tiu ba; Areng my nang ai eaung hai ai mang,” napi u.

SAM 44:2

Nangmy naimy cheng takhra khumichi ai patheu vui iy, nang i khumichi ai hini pri y meingtym pala pi nai py, cheng takhra khumichi ai kamngo pajeng iy, nangmy i khumichi ai lo pa, nang chawn hai nai satang py thui pi bo.

SAM 78:55

Mymy i khumichi jeu u nai khala, hu y athum ai nai pri y, awm yb nai khumichi ai patheu pi pawn bo; Israela cheng theaungchi teng y, huni pri ai phy paji pi chum baly, huni meingtym tleirei y khuteng cha hai bo.

Leu Thui Nai 7:2

Nangchi i Areng Tameuh ly hini khumichi ai nangchi i kiu y au iy, nichi ai nangchi my eaung nai khala, nichi bawibawi ai tamyh pawn ai nai tla. Nichi hawi amkawm moh ly nichi ai pahen py pahen moh.

Leu Thui Nai 9:3

Na i py nangchi i Areng Tameuh ly nangchi i mo mang len parai nai mai kangveaung kamta tako nai ly nangmychi my vai niu u ai. Nangchi tako nai thym khala mymy ly nichi ai sum hai nai deaungkho y adeu yb nai kamta, nangchi ly huni khumichi ai patheu vui iy taphra u praw ryp pajau ai.

TARA CHIH NAI KEUNGCHI 1:3

Juda cheng theaungchi my Simeon cheng theaungchi teng y, “Kaichi i vui khai pi yb nai khu ka-peang theung y kaichi hawi vanrei abang ba. Kaichi ly kanan pri khumichi ai tiu ai. Huni bo y kaichi ly nangchi i vui phy pi yb nai khu ka-peang mang y kang hui ai,” napi u. Hunaibaly Simeon cheng theaungchi ly

TARA CHIH NAI KEUNGCHI 1:5

Huni mary y nichi ly Adonibezed samrang ai niu i, tiu nai deaungkho y,

TARA CHIH NAI KEUNGCHI 11:32

Hunaibaly Jephetha ly tavo angpeang iy, Ammon chengchi ai tiu i, Areng ly ni ai tavai eaung hai bo.

TARA CHIH NAI KEUNGCHI 3:5

Hunai deaungkho y Israela chengchi ly Kanan chengchi, Perizi chengchi, Amori chengchi, Hiti chengchi, Hivit chengchi, Jebusi chengchi hawi vanrei awm u nai ne.

1 SAMUELA 11:8

Sawla my nichi ai Bezek mary y angym hai i, Israela pri i khumi leaung 300,000 rei hawi, Juda pri i leaung 30,000 rei nga.

1 SAMUELA 14:10

Na i py nichi my, mychi teng y ani ai jeu hawi ang napi baly, ani ly nichi awmra y chei ai. Ati mana nai mo nabaly hini ly Areng my, achi ai ang eaung hai ai nai ka-ma-ra ne pajau,” napi.

1 SAMUELA 14:6

Jonathan my thawndeang teng y, “Tameuh by y nai Philistia chengchi i tai naira mang y kun hawi sina; Areng my ani ai sabawm lym ai; mymy ang sabawm lawh baly, ani ly khumi di parai teu i py eaung naira nga ai,” napi.