TANGAM NAI LEU 5:3 - Khumi Common Language Bible

³ Kaichi i ampochi ai ly paleung ka-echi my padei be bo i, amhmchi ly lumaichi lawm u bo.

TANGAM NAI LEU 5:3 ပူးပေါင်းရင်းမြစ်များ

THEU NAI 22:23

Nangchi ly huni khumichi ai ana nai deaungkho y, nichimy kai teng y kasabawmra hnei lawh baly, Kai Areng my pathang pi ai.

THEU NAI 22:24

Kai ly kado theu nai deaungkho y, nangchi ai tavai keung y dei hai ai. Naibaly nangchi i ajuchi ly neampachy lumai lawm ai i, nangchi i chanauchi py nuro nukai cho lawm u ai.

JEREMIA 15:8

Kai ly nangchi i neampachychi ai lumai lawm hai i, pangli spryh tleaung y py nawi bo. Kai ly deaungdichi ai hawi thym khala my kapadei pawn nai deaungkho y nichi i amhmchi ly vo tangam u bo. Nichi ly vaimy kaso theu u i, paleung bi, paleung mawn u nai ne.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

HOSEA 14:3

Asuria samrang ly kaichi ai mana khala py atleu pajau y. Tavai keaungngochi ly kaichi ai amo hai pajau y. Kaimychi kiu hawi sa nai mynchi ai, kaichi i Tameuh, nanai thui ali bi y ai. Aw Areng, nang ly awmra jeaungmang nai khumichi ai pahen nai ne”