TANGAM NAI LEU 4:7 - Khumi Common Language Bible

⁷ Achi i samrang i chapochi ly chai y naira by y, ji kamta kaleung pyn na. Nichi ly ngan tui suirau iy, noso hawi naimy atho ham u nai ne.

TANGAM NAI LEU 4:7 ပူးပေါင်းရင်းမြစ်များ

JOBA 28:16

Muku tangcheng, vang kateng lengseaungchi hawi tau cheng naira ly vang pahyh pajau y.

JOBA 28:18

Tau cheng naira ly koral lengseaung, khawisaleng lengseaung, ti y baly amia hawi katheung ai nai ngo y.

SAM 144:12

Kaichi i chapochi ly thawndeang nai thym khala y, keung cheangryh cheangryh nai keung dichychi kamta lawn sy. Kaichi i chanauchi ly samrang i yhm takichira y ka-pu leng nai lengseaung yhm mawnchi kamta lawn sy.

SAM 51:7

Kai i kamngo nawi su pi veng ba; hunaibaly kai ly chai ai. Kai ai paju pachai pi kyh ba; hunaibaly kai ly ji tleaung y kaleung ai.

THEU NAI 24:10

Nichi ly Israela chengchi i Tameuh ai niu u bo. Mymy i kheu keung y kani khusang kamta pangau nai saphire lengseaung padai nai atawm.

Solomon i khulym 5:10

Kai i khrei nai keung ly mo-cha hawi iy atho py awm; khumi leaung meaung kateaungreichi theung y, ni ka-tawm leaungrei awm khyh.

Solomon i khulym 5:15

Ni i phaichi ly muku pachiu tawp nai leungtau kangleung yhmmawmchi hawi atawm. Ni ly asang parai nai saitleang keungchi prau nai Lebanon mawichi kamta apu parai nai ne.

DANIELA 1:15

Neng tym nai khala y nichi ly samrang i cha nei kahawi cha nei nai khumichi tleaung y, tleungtlang atho awm nai niu.

LUKA 1:15

Ati mana nai mo nabaly ni ly Areng khi y ly khumi kalen ne ai i, kreip athai hang hawi mhm ly den py nei y ai:amhm taku theung i ka-so Phailo Kachai my kawi ai.

TARA CHIH NAI KEUNGCHI 13:5

Nang ly chapo tapen chum baly ni i sam mana khala py, vau pi vui moh. Ati mana nai mo nabaly, huni deaungdi ly tapen khyp khala i dengdairei Nazarikamkawm lawm i, Tameuh teng y au yb nai khumi ne nai deaungkho y ne. Ni ly Israela chengchi ai, Philistia chengchi kiu i nai atleu nai amteaung ai,” napi.

TARA CHIH NAI KEUNGCHI 13:7

Na i py kai ly deaungdi aniu ai i, chapo tapen ai naini kai teng y ang thui pi angchi khyp bo. Huni deaungdi heng nai sala ryrei ly Nazari kamkawm lawm ai i, Tameuh teng y au nai khumi lawm ai. Kai ai kreip hang py, mhm-rah py nei y ai nai hawi jah ai avo nai teicha teinei ngiereichi ai amkyn ai nai ang thui pi,” napi.

TARA CHIH NAI KEUNGCHI 16:17

Hunai deaungkho y kangkhym y ly “Kai i sam ly tlenrei py avau vai y; kai ai tapen khyp khala i dengdairei, naziri khumi lawm ai nai Tameuh teng y au nai ne. Kai i sam vau vui lawh baly kai ly atho jum ai i, takhra khumichi kamta atho di vui teang ai,” nanai kateng khyp thui pi bo.

1 SAMUELA 16:12

Hunai deaungkho y Jesai ly palau ai nai khumi pato; ni ly mo-cha hawi iy no-na by y nai thawndeang deaungdi leaungrei ne; ni i mei py a-ai chei na. Areng my Samuela teng y, “Kai i vawi takhra nai khumi ly hini ne; hini khumi ai asitui leih ba!,” napi.