TANGAM NAI LEU 4:5 - Khumi Common Language Bible

⁵ Teicha teinei kahawi kehchi cha nei u reng nai khumichi ly lamchira y kajeu alam naimy dei u. Tlamsa naimy tleaungri acheang u naichi py, anyn angso theung y kiu hawi kalai iy, teicha hau u bo.

TANGAM NAI LEU 4:5 ပူးပေါင်းရင်းမြစ်များ

2 SAMUELA 1:24

“Israela neampachychi awi, Sawla i vui vo tangam u! Ni ly nangchi ai tahm awm nai ateaung hawi amthyp hai iy, vang kateng lengseaung, muku ateaungchi hawi ateaung hai bo.

2 ARENG KEH 18:27

Huni khumi my, “Empara samrang ly nangchi hawi nangchi i samrang teng y naini, hini leuchi thui pi ai nai kai ai pato nai ne, nanai athang khai u moh. Kai ly mary apai salo y ateh nai khumichi teng y py thui pi nai ne. Nangchi kamta nichi py, amy i ei pajun cha nei u ai,” napi.

JOBA 24:8

Mawi mang i nai nai kani my sui i, lengseaungchi sala y abyh u bo.

LEU KACHENG 31:21

Ni ly kadam tla nai neng khala, paleung mawn y leang. Ati mana nai mo nabaly mymy i yhm dengtheungchi ly bi-um nai ateaungchi awm nai deaungkho y ne.

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

LUKA 15:16

Naibaly eu i cha nai keu hawi mymy i kajeu apakawi ai nai khrikhri pa-rei ngai; naibaly ami py ni ai ati sai py pei y.

LUKA 16:19

“Naibaly khumi kanang ami mo leaungrei awm: mymy ly kanih kamsen jeaung hawi, kanih mai ka-syn akhiu i, kani tleirei tlamsa jojo.

LUKA 7:25

Ny y baly ati khen ai nai chei u nai kha? Ateaung kanem amthyp nai khumi ai a? Khen cham, ateaung nang parai amthyp naichi hawi, tlamsa nai khumichi py samrang i yhm y awm veng.

I TIMOTHEI 5:6

na i py amo theu naira y apei nai neampachy lumai my ly heng nai thym khala y py dei nai ne.