TANGAM NAI LEU 4:22 - Khumi Common Language Bible

²² Zion mary ly my i kamngo vang apei nai tem bo; Areng ly achi ai pri pala naira avum hai ai ny y leang bo. Na i py Edom pri awi, Areng ly nang ai pajeng ai; nang i sa nai kamngo pany hai pi ai.

TANGAM NAI LEU 4:22 ပူးပေါင်းရင်းမြစ်များ

SAM 137:7

Aw Areng, Jerusalem mary ai peang vui nai neng khala y, Edom khumichi i sa nai sai pany pi jo kyh ba. “Hini mary ai khaileaung hawi angeng pa-rei panawi vui,” nanai huni khumichi i thui nai leu ai pany pi jo kyh ba.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 52:1

Jerusalem mary awi, nang ly atho alo teang ly lo-pa teang jau ba! Tameuh i mary pui kachai awi, nangmy ai phum-ang hawi khiu ba! Pri takhra chochi ly mo mang y mana khala py, nang i apai pa-kho theung y kun u ai ny y.

ISAIA 60:18

Khrukhra nai katyn katengchi theu ai ny y leang bo. Nang i pri py phra naira avum bi ai ny y. Kai ly mary apai kamta nang ai ama hai iy kang kry ai. Nang py nangmy ai atleu nai molam y kai ai palo ai.

JEREMIA 32:40

Kai ly nichi hawi deungtasarei Leu Maikawm asa ai. Nichi ai amtheaung hai jojo ai. Nichi ly kai ai mana khala py khai su y ai nai, nichi i paleung theung y kai ai jei kaji naimy tahm khai nai paleung ka-dawn nga hai ai.

JEREMIA 33:7

Kai ly Israela pri hawi Juda pri y nang chawn hai ai. Huni prichi ai jangni i kamta, kasa pi palai teang ai.

JEREMIA 33:8

Khumichi my kai i tlang tleaung y sa tamang nai kamngochi paju pachai pi ai. Nichi i kamngochi hawi nichi i tiu naichi molam y kapahen pi ai.

JEREMIA 49:10

Na i py kai ly Esaw kangpreangchi teng i awm nai vawnsai ngiereichi la pi veng ai. Nichi aheu bi ai nai ngo y pa-rei, nichi i aheura meingtymchi patheaung pawn ai. Edom pri khumi bawibawichi ai katamyh veng bo. Nichi ly leaungrei py by y leang bo.

JEREMIA 50:20

Huni neng tym nai khala kai ly kaimy heng ai pei nai khumichi i kamngochi kapahen pi ai i, Israela pri y sa tamang nai kamngo ati sai py avum ai ny y. Juda pri y py tamang nai ati sai py niu ai ny y. Hini ly kai, Areng i thui nai leu ne,” napi.

TANGAM NAI LEU 4:21

Edom pri hawi Uz pri y awm nai khumichi awi, panui u; nangchi amo theu pajau nai neng y, amo theu naimy awm u. Nangchi avum ai nai patang nairachi py, ang tym ai mang; nang py ateaung by y naimy atlym khikha iy, kangji nga ai.

TANGAM NAI LEU 4:6

Kai i khumichi ly Tameuh i kiu y vaimy phra seaungkhrang naira avum nai, Sodom mary tleaung y pajeng naira avum.

Ezekiela 37:28

Kai ly nichi theung y kai i Achura yhm awm hai jojo nai khala, kai ly Israela chengchi ai kaimy chai hai bo, nanai khumi cheng cheaungkhangchi my pany u ai,” napi.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

OBADIA 1:10

“Nang ly nangmy i amjo amnauchinapi nai Jakob i katu chanauchi ai lawm iy padei nai deaungkho y, taphra nai avum ai. Deungtasarei kangji nga ai.

MALAKHI 1:3

Esaw hawi ni i katu chanauchi ai ly niu ngai y. Kai ly Esaw i mawi aheung khu ka-peang phra hai iy, kasuichi i vui khai su bo,” nanai pathang.

MALAKHI 1:4

Esaw i katu chanau Edom khumichi my, “Kaichi i mary ly phra pawn teu i py, hunichi ai kaichi my palum teang ai,” nanai thui u lawh teu baly, ati cheaungkhang sa thai nai Areng ly” Nichi so u palai teang teu sy; huni marychi ai kaimy taphra teang ai. Khumichi ly huni khumichi ai “Kamngo chochi” nanai py, Areng my kado theu hai jojo nai chengchi, nanai py palau ai,” napi.