TANGAM NAI LEU 4:20 - Khumi Common Language Bible

²⁰ Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

TANGAM NAI LEU 4:20 ပူးပေါင်းရင်းမြစ်များ

ATITI AWM ANGCHEI NAI 2:7

Naibaly Areng Tameuh ly khaileaung salo i khaileaung phyrei la iy khumi myn sa; notareang mang hengra kangho hm pi i, khumi ly heng amteaung bo.

ATITI AWM ANGCHEI NAI 44:30

“Naibaly vai ly areng awi, kai ly bechy tym teang y naimy ngaai teng y vawi teang baly mymy ly kai hawi vanrei bechy ai niu y nai deaungkho y, mymy ly dei takengkei ai. Ngaai ly bechy saho y heng nai ne; mymy ly miteaung mang y paleung si paleung mawn naimy dei ai i, kaichi my padei nai tla ai bo.

2 SAMUELA 1:14

Naibaly Davida my, “Nang ly ati mana nai Areng my khai takhra nai samrang ai padei vam mo?,” napi.

2 SAMUELA 1:21

“Kilabo mawichira y kani nai moh, kadam py tlo moh sy; huni mawichira i li, hlauchi ly deungrei amti amjang thawn moh sy! Ati mana nai mo nabaly, huni meingtym ly tavaimi soraichi i khopuichi taham si iy, Sawla i khupui ei cha naimy awm nai deaungkho y ne.

2 SAMUELA 18:3

Khumichi my, “Nang ly kaichi hawi vanrei chei moh ba; kaichi bawibawi preang pawn lawh teu i py, kaichi theung i ka-hyhrei dei lawh teu i py, paleung ka-echi i vui ly ati sai py ny y leang. Nang ly kaichi khumi leaung meaung kateaungrei hawi ahyh nai ne. Nang ly mary theung y awm iy kaichi ai sabawm nai ly hawi keh ai,” nanai thui u.

2 SAMUELA 19:21

Zeruiah i chapo Abisai my, “Shimei ai ly padei ai nai avo; ati mana nai mo nabaly ni ly Areng my vawi takhra nai samrang ai pasawi lawh nai deaungkho y ne,” napi.

2 NENG SATANG 35:25

Amo Jeremia ly samrang Josia molam y vo khulym harei tajiu iy, khulym kawp nai neampacho, neampachychi my, Josia dei nai i vui y paleung si nai ka-ma-ra, hini khulym thui u. Hina nai khulym thui nai ly Israela chengchi i reita lawm i, huni vo khulym ly vo khulym cha-iu pui theung y abawi nai ne.

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

JEREMIA 39:5

Na i py Babulon tavaimichi ly nichi ai hui nai patiu iy, Jeriko adym sahawi y Zedekiah ai patiu u bo. Hunaibaly ni ai Babulon samrang Nebukhadnezar i awm nai Hamath khu, Riblah mary mang y hawi u bo. Huni mary y Nebukhadnezar ly Zedekiah ai tara chih bo.

JEREMIA 52:8

Na i py Babulon tavaimi risachi ly samrang Zedekiah ai patiu ai nai pareng u i, Jeriko mary sahawi i adymra y kai bo. Zedekiah i tavaimi risa bawibawichi ly ni ai daw su iy preang u pawn bo.

JEREMIA 52:9

Paleung ka-echi ly Zedekiah ai patiu iy samrang Nebukhadnezar awm nai Hamath khu ka-peang, Riblah mary mang y hawi u bo. Huni meingtym y my Nebukhadnezar ly Zedekiah ai tara chih nai ne.

TANGAM NAI LEU 2:9

Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

Ezekiela 12:13

Na i py kai ly py kajang iy huni py ra man hai i, Babulon mary mang y kahawi vui ai. Ni ly huni mary ai niu y naimy, huni mary y dei ai.

Ezekiela 17:18

Huni samrang ly mymy i vaineng abeu nai ai tahm khai y iy ka-lyra leu sumneang akhai nai ai py taphra bo. Mymy ly vaineng abeu chum i py, hina naichi sa nai deaungkho y, ni ly vai law tleaung ai ny y,” napi.

Ezekiela 31:17

Hunichi ly vaichi khala aheang nai keungchi hawi avum ai nai saitleang keung hawi vanrei, tavau pri y ang vum ai. Huni saitleang keung i ka-khui y abyh u nai khumichi ly khumi cheng cheaungkhangchi theung y ahei seaungkhrang pawn ai,” napi.

DANIELA 4:12

Huni dengkeaung i changpichi ly apu parai i, athai py pasu nai deaungkho y, khaileaung pri vereichi cha ai nai nga. Amso tawnbawichi ly huni dengkeaung ka-khui y anawn u. Tavochi ly changpichira y tabu sa u. Heng nai amjy bawibawichi ly huni keung i athaichi cha u nai ne.

HOSEA 13:10

Nangchi ly samrang hawi lu sa nai keungchi ai, kaichi ai pei ba, nanai hnei u bo. Na i py hini khumichi ly pri atleu pajau na a?

TARA CHIH NAI KEUNGCHI 9:15

Aleng phreung my ly ‘nangchi ly kai ai meitang khyp, nangchi i tlang tleaung y samrang sa ai nai ngai hai nabaly, kai i ka-khuira jeu iy abyh u; huna nai abyh y lawh baly kai i changpichi sala mang maikhyh theu iy, Lebanon Seda keungchi ai kang hai pawn ai,’ nanai pathang.

1 SAMUELA 12:3

Vai, kaimy awm nai thym khala y, sa tamang nai kamngo saisairei awm lawh teu baly, Areng i mo y py, mymy khai takhra pi nai samrang i mo y py, nangchi ly kai ai neng hai iy thui pi u; kai ly ami i si kala vui nai awm mo? Ami i keaungngo kano kasau ai, teng y naimy kala vui lawh mo? Kai ly khumi leaungrei ai li-tapawp nai mo, ana nai mo kasa vai a? unchi kala vai a? hina nai saisairei kasa nai awm lawh baly, kai ly hunichi kape teang ai,” napi.

1 SAMUELA 12:5

Samuela my, “Kai i tlang tleaung y ati sai py kamngo by y leang, nanai nangchi niu nai ly Areng my pany; mymy i khai takhra pi nai samrang py pany nai ne,” nanai thui pi baly, mipuichi my, “Ne mang, Areng ly kaichi i pany hai nai keung ne,” nanai thui u bo.

1 SAMUELA 16:6

Nichi tym u nai khala y Samuela ly Jesai i chapo Eliaba ai niu baly, “Areng i mo y angdo nai, hini khumi ly mymy i vawi pi takhra nai ne ngaw khyh,” nanai adawn.

1 SAMUELA 24:10

Areng ly vaimy nang ai, kai i kiu y au bo, nanai nangmy niu pajau nai ne. Kai i khumi phyreichi my, nang ai padei vui ai nai ang napi. Na i py kai ly nang i vui paleung hawi y nai deaungkho y, nang ai ka-jeira maidenreichy py tym hai ai nai ngai y. Ati mana nai mo nabaly nang ly Areng my khai takhra nai samrang ne nai deaungkho y ne.

1 SAMUELA 24:6

Hunai deaungkho y mymy i khumichi teng y, “Areng my khai takhra nai samrang, kai i yhmkeung ai dei ai nai pa-rei so y ai nai, Areng my kai ai paka sy! Samrang ly Areng my khai takhra nai samrang ne nai deaungkho y, kai ly ni i tlang tleaung y ka-jeira maidenreichy py, tym hai ai nai avo y!,” napi.

1 SAMUELA 26:16

Abana awi, nang ly nangmy i kalop ai hawihai so y lawh ly! Areng my samrang y khai nai, nang i areng ai nang ly kry y nai deaungkho y, nangchi bawibawi dei ai nai avo, nanai heng nai keung Areng i amyn y kai vaineng abeu bo. Khen cham! samrang i tivi ly ma y awm mo? My i luleung y khai nai tui adym ly ma y mo?” napi.

1 SAMUELA 26:9

Na i py Davida my, “Nang ly samrang ai padei ai nai avo y! Areng ly mymy i khai takhra nai samrang ai padei nai khumi ai ly pajeng takengkei ai.