TANGAM NAI LEU 4:17 - Khumi Common Language Bible

¹⁷ Kaichi ly mana khala py sabawm naira tym pajau y nai kasabawmra ajeng u bo. Kaichi ly mana khala py sabawm naira pei pajau y nai pri i, kasabawmra ajeng u jojo nai ne.

TANGAM NAI LEU 4:17 ပူးပေါင်းရင်းမြစ်များ

2 ARENG KEH 24:7

Aikupta samrang hawi ni i tavaimichi ly mana khala py Aikupta pri i dengdairei theu ai nai ngo u y bo. Ati mana nai mo nabaly Euphrat tavo dengdairei Aikupta pri tosyh ngan khu ka-peang tym pa-rei, Aikupta khu ngierei ai Babulon samrang my peang vui nai deaungkho y ne.

ISAIA 20:5

Ethiopia pri ai ym iy, Aikupta pri satang kamlyh leu katheu u nai khumichi ly athang khai naira tama ai i, paleung phra u ai.

ISAIA 28:18

Nangchi ly dei areng hawi amsawi amnai asa nai taphra iy, tavau pri hawi ka-lyra nga nai py, taphra pawn ai nai tla. Ka-jeira ang tym nai khala y nangchi ly sum u ai.

JEREMIA 2:18

Vai, nang ly Naing tavo tui nei ai nai Aikupta pri y chei nai ly kamran awm ai, nanai athang khai a? Euphrat tavo tui nei ai nai Asuria pri y chei nai ly kamran awm ai, nanai athang khai a?

JEREMIA 2:36

Nangchi ly pri takhra tameuhchi ai ahihawi nai molam y, amymy ai tahm anem hai nai Asuria pri ly nang ai sabawm y nai kamta, Aikupta pri my py sabawm y ai.

JEREMIA 2:37

Nang ly kangji nga naimy kaneaung akhei ngawm iy, Aikupta pri i dengdairei vawi ali teang ai. Kai Areng ly nang i paleung pado nai khumichi ai khai su bo. Nichi teng i nai nang ly ati kamran py nga ai ny y.”

JEREMIA 8:20

Khumichi my py, “Kanipui kheih iy amti amjang pakym nai neng katlen vui teu i py, achi ly atleu naira ngo y rai,” nanai aeu u bo.

TANGAM NAI LEU 1:19

“kai ly kaimy i amsawi amnaichi teng y kasabawmra hnei teu i py, nichi ly akhi u nai ne. Pathyp pi nai keungchi hawi mary i lu sa nai keungchi ly mymychi heng ai nai i vui y teicha teinei hau u nai thym y, lamchira y dei u bo.”

TANGAM NAI LEU 1:7

Vai ly phra vui bo i, ahawi by y leang bo. Jerusalem mary ly jangni deung y, my i apu nai saichi ai aawi ali teang nai ne. Paleung ka-echi i kiu tleaung y tym nai thym khala, ni ai sabawm ai nai khumi leaungrei py by y. Ni ai tiu i pajau nai khumichi ly ni i jy nai sai ai panui pachem hai bo.

TANGAM NAI LEU 5:6

Kaichi ly kaimychi heng ai nai i vui y, teicha teinei aleu pa-rei nga ai nai molam py, Aikupta pri hawi Asuria pri mang y chei iy cheaung ai nai tla bo.

Ezekiela 29:16

Israela chengchi ly nichi teng y mana khala py abyh u ai ny y. Huna nai abyh lawh nai deaungkho y, mymychi ly mana tanrei tamang na mo, nanai Israela chengchi teng y Aikupta pri i avum nai khym taham my pany hai ali teang ai. Huna nai khala kai ly sa thai naira angym nai Areng ne, nanai Israela chengchi pany u ai,” napi.