TANGAM NAI LEU 4:16 - Khumi Common Language Bible

¹⁶ Areng ly nichi ai dawndan pi y nai deaungkho y, mymy ly nichi ai ahei hai phro nai ne. Kaichi i pathyp pi nai keungchi hawi lu sa nai keungchi ai py tahm khai y, meimai khen y leang bo.

TANGAM NAI LEU 4:16 ပူးပေါင်းရင်းမြစ်များ

ATITI AWM ANGCHEI NAI 49:7

Myni i kado theu rawn nai ly amsawi lawi sy: kai ly myni i kado theu nai molam y, Israela pri verei y ahei hai ai. Mymy ni i khumichi theung y taprei vui ai.

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

SAM 106:27

nichi i katu chanauchi ai Tameuh by y nai khumichi theung y ahei hai iy, pri takhra y dei hai ai, nanai py, leu pei kheng bo.

SAM 106:44

Na i py nichi aeu u nai khala y Areng ly thai i, nichi i ngari kamtang py pahen pi bo.

ISAIA 24:2

Pathyp pi nai keung hawi khumi mipui, miseaung hawi yhmkeung, vang nai khumi hawi jo nai khumi, kalai la nai khumi hawi alai pi nai khumi, khumi kanang hawi khumi kamawn, khumi bawibawichi ly khym taham harei hawi avum u ai.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

JEREMIA 15:4

Juda pri y Hezakia i chapo samrang Manase my peang nai thym khala, Jerusalem mary y atitichi sa nai molam y, kai ly khaileaung pri verei i khumi bawibawichi my hunichi niu khala ly kaso theu hai ai.”

JEREMIA 24:9

Kai ly khaileaung pri y awm nai khumi cheng cheaungkhangchi kaso tahyn theu na pa-rei ka-jei awm parai nai, nichi i tlang tleaung y tym hai ai. Nichi i satang ai ly amnui tabu lawm hai ai. Nichi ai ahei hai nai meingtym ngiereichira y py, nichi i amyn y teaung iy, pasawi patau u ai.

JEREMIA 52:24

Huni bo y py samrang i tamcheaung tavailu areng Nebuzaradan ly pathyp pi nai keung kalen keh Seraiah, ni i bangtang pathyp pi nai keung Zephaniah hawi takhra aly len nai Achura yhm miteaung keh leaung thomreichi ai langheng y hawi vui bo.

TANGAM NAI LEU 2:20

Aw Areng, khen cham rai! Nang ly kaichi ai, ati mana nai y hina tanrei pajeng lawh mo? Neampachychi ly mychi i khrei nai cho chanauchi i ngan cha u bo he! Pathyp pi nai keungchi hawi amochi ai py, Achura yhm theung y padei u pawn na bo ly!

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

TANGAM NAI LEU 5:12

Paleung ka-echi ly kaichi i luchi ai patiu iy, akaeura y bang u bo; nichi ly miteaungchi ai py, tahm khai u y.

Ezekiela 5:10

Naibaly Jerusalem mary i amhm ampochi ly mymychi i cho chanauchi ngan cha u ai; cho chanauchi my py mychi i amhm ampochi i ngan cha u teang ai. Nangchi i dei kamthumchi ai py kai ly pajeng iy, meingtym tleirei y ahei hai ai.”

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 32:26

Kai ly nichi ai katamyh keng ai i, khumi ami py nichi ai pany jo ai ny y leang bo.

HEBRAI 8:9

Mymychi i amsi pajochi ai Aikupta pri i dengdairei pahawi ai nai Nichi i kiu y kapatawn nai kani y, Nichi teng y kai i leu maikawm khai nai kamta ny y; Ati mana nai mo nabaly nichi ly kai i leu maikawm y awm u jo y; Hunaibaly nichi ai ly kadawn hai y bo, Areng my napi.