TANGAM NAI LEU 3:7 - Khumi Common Language Bible

⁷ Mymy ly kai ai sengkrychi hawi ang pakheng cheng bo. Kai ly theaung tla nai khumi ne i, lawira nga ai nai athang khaira by y.

TANGAM NAI LEU 3:7 ပူးပေါင်းရင်းမြစ်များ

JOBA 19:8

Tameuh my lam paka khyp nai deaungkho y, kai tako prei ai nai ngo y. Mymy ly kai i lam veng hai cheng bo.

JOBA 3:23

Tameuh ly nichi i mo mang i vui tamym pi vui iy. nichi ai paka pi vui nai ne.

SAM 88:8

Nang ly kai ai ahawichi my khai su hai bo; nang ly kai ai nichi i mo y angji ngailai hai bo. Kai ai ang paeung u cheng i, law tleaung pajau y bo.

SAM 88:9

Kai ly patang nai deaungkho y, mei phrawnja na bo. Aw Areng, kai ly kani tleirei nang ai kang palau iy, kiu pheu naimy nang teng y chiu kasa bo.

JEREMIA 38:6

Hunai deaungkho y bangtangchi ly kai ai pahawi iy, samrang yhm apai theung y awm nai samrang i chapo Malakhia i tuikan theung y, vuinawn hawi pala kathiu bo. Huni tuikan theung y ly tui by y, aneaung kapan awm khyh nai deaungkho y, kai ly aneaung kapan theung y a-up nai ne.

JEREMIA 40:4

Vai ly nang i kiu lengngiera i sengkrychi kaimy su pi ai. Nang ly kai hawi vanrei, Babulon mary mang y abang ai nai ngai baly abang. Nang ai hawihai palai kang kry ai. Abang ai nai ngai y baly awm pajau. Pri verei y nangmy ngai nai meingtym chei pajau,” napi.

TANGAM NAI LEU 1:14

“Mymy ly kai i kamngo bawibawichi pany pi jo nai ne. Hunichi ai pateungchup iy, kai i kaneaung y awi hai i, kai ly kamngo myn ji parai nai deaungkho y, atho bai na bo. Areng ly kai ai paleung ka-echi teng y au bo; kaimy py nichi ai tlau teang pajau y.

TANGAM NAI LEU 3:9

Kai ly lam tako nai khala y, atlym khikha na. Kai amhi nai tleirei y lengseaung apaichi my ang patleang khyp.

TANGAM NAI LEU 5:5

Kaichi ly keaungngo kano kasauchi hawi kula-iuchi kamta, nithun mang athorei my pakhau nai avum u bo. Kaichi ly khri pa-rei paha i py, anawn ai nai ngo y.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

HOSEA 2:6

Hunai deaungkho y kai ly ni theu thai y ai nai cheaungmei apai sa iy, lam niu pajau y ai nai lengseaung apai akawm khyp ai.