TANGAM NAI LEU 3:40 - Khumi Common Language Bible

⁴⁰ Achi ly amychi i tako nai lam dawn pasym iy, Areng teng y ali u teang sina.

TANGAM NAI LEU 3:40 ပူးပေါင်းရင်းမြစ်များ

2 NENG SATANG 30:6

Samrang hawi miteaung kehchi i leu pei nai kamta, savaichi ly palau nai chachi syn u iy, Juda pri hawi Israela pri verei y chei u bo. Palau nai cha ra y, “Aw Israela chengchi awi, nangchi ly Asuria samrang kiu i tleaung nai dei kamthomchi ne. Abraham, Isaka, Jakobchi i Areng Tameuh teng y ali u teang jau; mymy py nangchi teng y ang jeu teang ai mang.

2 NENG SATANG 30:9

Nangchi ly Areng teng y jeu u ali teang baly patiu iy langheng y hawi nai nangmychi i amjo amnauchi ai nichi my pahen ai i, nangchi i pri y vawi hai ali teang ai. Nangchi i Areng Tameuh ly tamen nai hawi pahen nai keung ne. Nangchi ly mymy teng y jeu u ali teang baly, mymy ly nangchi ai kawn ai,” nanaichi abawi nai ne.

SAM 119:59

Kai ly kaimy i amhi amtlau nai dawn pasym teang bo; nang i thui parip nai saichi kamta, katangai ai nai adeu nai ne.

SAM 4:4

Nangchi ly jei hyn naimy kamngo so y ai nai amkyn u; nangchi ly ira salo y nangmychi tlairei dawn amcheng iy, hini ai ka-dawn thiu parai naimy dawn patyp u.

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

Ezekiela 18:28

Ni ly mymy i tamang nai adawn vau iy kamngo sa naichi khai su nai deaungkho y, pipi dei ai ny y, heng jojo ai.

HOSEA 12:6

Hunai deaungkho y Jakob i kangpreangchi awi, nangmychi i Tameuh ai ym iy mymy teng y vawi u teang ba, ka-ym awm u, kahawi so u, nangmychi i Tameuh ai paleung sau parai naimy ajeng u.

HOSEA 5:15

“Kai i khumichi ly mychi i kamngo molam y patang naira avum iy, kai teng y vawi teang nai neng tym nai ryrei, kai ly nichi ai khai su ai. Nichi ly ngari kamtang avum u nai thym khala, kai ai atho sa naimy hau u ai.”

HOSEA 6:1

Khumichi my, “Areng teng y vawi u ali teang sina! mymy ly achi ai tamo kalem nga hai teu i py, tamo tha pa-rei hawi ang sa pi ai. Tamo nga hai teu i py, huni tamo ai bam pi y ai a?

AMTAW 26:20

Jerusalem y py, Judai pri meingtym tleirei y py, Cheng Takhrachi teng y py, uikhei iy Tameuh mang y hi nai uikhei nai amyn ataing ai nai atiti sa ai nai tla, nanai kathuipi nai teu.

I KORINTH 11:28

Hunaibaly khumi ami py amymy ai acham amang sy, huna iy tako cho sy, khau py nei sy.

I KORINTH 11:31

Na i py amychi ai hawihai palai adawn baly achi ai tara ang chih ai nai ny y ai.

II KORINTH 13:5

Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

Leu Thui Nai 4:30

Nangchi ly ngari kamtang avum iy, huna naichi tym nai khala, Areng teng y ahihawi ai i, mymy i leu pei naichi tangai u ai.