TANGAM NAI LEU 3:29 - Khumi Common Language Bible

²⁹ Athang khai naira awm py awm lym ai i, achi ly ahui naimy khaileaung y lu meung ai nai avo.

TANGAM NAI LEU 3:29 ပူးပေါင်းရင်းမြစ်များ

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

JOBA 16:15

Kai ly paisiu kanih amchiu iy, vo tangam bo; sum naimy khaileaung spryh theung y ateh ai nai tla bo.

JEREMIA 31:17

Nang ly mo mang i vui athang khai naira awm; Nang i cho chanauchi ly yhm y vawi u ali teang ai. Hini ly kai, Areng i thui nai leu ne.

Ezekiela 16:63

Nangmy i sa tamang nai ngiereichi ai kaimy kang pahen pi nai khala, nang ly huni tamang nairachi ai adawn vau iy, kaji nai deaungkho y labeaung malawn py ang vam y na pa-rei kangji nga ai,” napi. Hini ly sa thai naira angym nai Areng i thui nai leu ne.

JOELA 2:14

Nangchi i Areng Tameuh ly paleung amtlau tan amtlau lym ai i, nangchi ai amti amjang neangneangchi hawi amtheaung hai ai. Huna nai khala nangchi ly mymy teng y chohpui chomaw hawi, kreip hang katalamrachi talam u pajau ai.

JONA 3:9

Huna khala naini Tameuh ly paleung amtlau tan amtlau lym ai. Kado theu nai py rym tan rym lym ai. Achi py tlang hengra nga pajau ai!” napi.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

LUKA 18:13

Na i py akeu cheaung nai keung ly palo paraira y angdo i, kani mang y py dengtheang vam y nai, ‘Aw Tameuh, kai khumi kamngo ai pahen kyh,’ nanai paleung y atum ryry lawh.

ROM AVANGCHI TENG Y PAWLA I CHA PA NAI 3:19

Hunaibaly labeaung cheaungkhang ai amkym hai me thai ai nai hawi, Tameuh my khaileaung pri bawibawi tara chih thai ai nai py, Reita my ati py thui nai ngierei ly Reita i anui y awm naichi teng y thui nai ne, na nai achi pany;