TANGAM NAI LEU 3:25 - Khumi Common Language Bible

²⁵ Areng ly mymy ai ym nai khumi lutengchi teng y ly hawi hai reng.

TANGAM NAI LEU 3:25 ပူးပေါင်းရင်းမြစ်များ

ATITI AWM ANGCHEI NAI 49:18

“Aw Areng, kai ly nang i atleu naira ajeng jo nai ne.

1 NENG SATANG 28:9

Naibaly Solomon teng y, “Deang awi, nang ly nangmy i ampo chiu nai Tameuh ai pany hai iy, ym thai y nai by y naimy paleung apanem nai hawi chiu ai nai kai ly nang ai kalop kang pei nai bo. Mymy ly achi i dawn tau naichi hawi aly ngai nai ngiereichi ai pany pi nai ne. Nang ly mymy teng y ahihawi baly, mymy ly kawn ai. Na i py nang ly mymy ai nithun thun lawh baly, mymy ly nang ai deungtasa ang khai su ai.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 19:3

Na i py nang ly khumichi chiu nai Asherah tameuhnu i tamkhawn bawibawichi taphra pawn iy, Areng i kangai atho sa nai deaungkho y, nang teng y hawi nai sai maidenrei awm rai,” napi.

2 NENG SATANG 30:19

“Aw kaichi amsi pajochi i Areng Tameuh, huni khumichi ly kachai aso y teu i py, nang ai paleung hawi verei chiu naichi ne nai deaungkho y, nang ly neaung hawi parai nai saho y, nichi ai ly pahen pi kyh ba,” nanai chiu sa bo.

2 NENG SATANG 31:21

Ni ly Achura yhm i vui sa nai kalopchira py, Reita leu pei nai ai kry naira py, mymy i Tameuh teng y paleung hawi tlang apei naimy sa nai deaungkho y eaung naira nga nai ne.

EZARA 8:22

Achi i Tameuh ly mymy ai ym nai khumi bawibawichi ai amtheaung naira pei iy, mymy ai nithun thun nai khumichi ai ly niu ngai y iy pajeng reng, nanai samrang teng y amti pi bo. Huna nai y kai ly khuleaung lam y paleung ka-echi ai paka pi ai nai samrang teng i keaungngo tavaimi kasabawmra hnei ai nai ly kaji ai nai hawi parai.

SAM 105:3

Mymy ly achi ai peang nai deaungkho y amo theu u; mymy ai chiu nai bawibawichi awi, amo theu u.

SAM 119:2

Mymy i thui parip naichi ai sa patawm iy, leu pei naichi ai paleung hawi verei tangai nai khumichi ly taham hawi.

SAM 22:26

Khumi kamawnchi ly kajeu kawi pa-rei cha ai nai nga u ai. Tameuh teng y ahihawi nai khumichi ly mymy ai palo u ai. Nichi ly deungtasarei hawi naira nga u ai!

SAM 25:8

Areng ly neaung hawi nai deaungkho y, kamngo sa tamang nai khumichi ai, tako ai avo nai lam patei pi bo.

SAM 27:14

Areng ai ly ym ba. Paleung phra moh; ym naira awm. Areng ai ly ym.

SAM 27:8

“Kai teng y ahihawi iy chiu ba,” nanai nangmy leu pei nai kamta, aw Areng, kai ly nang teng y ahihawi ai.

SAM 37:34

Areng ai athang khai naimy reita leu pei naichi ai atyp ba. Mymy ly nang ai pri amtym ai nai pei iy, tahm pasang ai. Nang ly khumi hawi y naichi ai pri pala nai niu ai.

SAM 37:7

Mymy i sa pi nai ai kham tanga naimy ajeng; nang chawn nai khumichi molam py, khumi hawi y naichi i katau eaung nai molam py, paleung bi moh.

SAM 39:7

Hunai deaungkho y aw Areng, kai ly mani ai athang khai pajau ai mo? Kai ly nang ai athang khai nai ne.

SAM 61:1

Aw Tameuh, kai i aeu nai raawi tangai pi kyh ba; kai i chiu sa hnei takeng nai tangai pi kyh ba!

SAM 61:5

Aw Tameuh, nang ly kai i adeu nai leu ai tangai pi bo; mymy i nang parai nai sai ai palo u nai khumi teng y, pei pi nai yhmtheaung katui ly kai ai pei ba.

SAM 69:32

Hina naichi niu nai khala y ana naira avum nai khumichi ly amo theu u ai; Tameuh ai chiu nai khumichi ly atho nga u ai.

SAM 71:14

Kai ly nang ai ajeng jojo ai; nang ai avaw avawrei kang palo ai.

ISAIA 25:9

Hini atitichi tym nai khala y khumi bawibawichi my, “Mymy ly kaichi i Tameuh ne lawh ly! Kaichi ly mymy ai ym nai deaungkho y, mymy py kaichi ai atleu bo. Mymy ly Areng ne. Kaichi ly mymy ai kaym u nai ne. Mymy ly kaichi ai atleu pi nai ne i, vai kaichi ly amo theu seu naimy atho kanga u bo,” nanai thui u ai.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 30:18

Na i py Areng ly nangchi ai pahen iy sabawm ai nai ajeng nai ne. Mymy ly ka-dyh ka-dawi sa pi jojo nai ne i, nangchi ai pahen pi ai nai ajeng rym bo. Areng ai ym nai khumichi ly taham hawi nai ne.

ISAIA 40:31

Na i py Areng i kasabawmra ai ym nai khumichi ly atho kangtha nga u ai. Nichi ly ahmtlau kamta akheang thai ai. Angpreng i py akawm u ai ny y. Khuleaung chei i py paha u ai ny y.

ISAIA 55:6

Areng ly vai, nangchi sahawi y awm; mymy mang y hi iy hnei takeng u.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

TANGAM NAI LEU 3:26

Hunai deaungkho y achi ai atleu ai nai, mymy ai paleung sau parai naimy ajeng nai ly achi i vui hawi keh.

HOSEA 10:12

Kai my, ‘Nangchi i vui khaileaung kangthara thawn iy, leu meitang adyh adawi nai ti hei u ba, kai i tlang tleaung y ka-ym awm nai amti amjang tyn u, nangchi i Areng teng y ali teang ai nai neng tym bo. Kai py kang jeu iy nangchi ai amtheaung hai ai’ napi.

ZEPHANIAH 3:8

Areng my, “Ajeng u jo; khumi cheaungkhangchi ai kai ang thau iy, thui tamawn nai neng kani ajeng. Kai i kado theu nai haiho avum ai nai, khumi cheaungkhangchi hawi pri tleitleireichi ai kachu ai nai, kai ly leu pacheang yb veng bo. Khaileaung pri verei ly kai i kado theu nai mai hawi kang iy phra veng ai.

I THESALONIKA 1:10

mynchi mang i nai Tameuh mang y hi u pawn nai sai py pany hai u reng nai ne.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.