TANGAM NAI LEU 3:24 - Khumi Common Language Bible

²⁴ Areng ly kai i vui ne nai deaungkho y, kai ly mymy ai athang khai.

TANGAM NAI LEU 3:24 ပူးပေါင်းရင်းမြစ်များ

1 NENG SATANG 5:20

Huna nai khala nichi ly Tameuh ai ym i, sabawm ai nai chiu sa u. Tameuh my py pathang pi nai deaungkho y, nichi ly Hakara theaungchi hawi nichi ai sabawm nai tavaimichi ai eaung vui bo.

JOBA 13:15

Kai i vui ly athang khai naira by y bo i, Tameuh my kai ai dei hai teu i py, ati sai py ny y ai. Kai ly kaimy i sa nai sai, mymy teng y pany hai ai.

JOBA 22:25

Ati cheaungkhang sa thai nai Tameuh ai nang i muku, nang i tangka pai pui pateung nai lawm hai ba.

SAM 119:57

Aw Areng, kai ly nang ai naini kadeaung nai ne; nang i reita leu pei naichi tangai ai nai adeu bo.

SAM 130:7

Aw Israela, Areng i tamen naira ly khaw parai nai ne i, mymy ly atleu ai nai neng tleirei awm yb nai deaungkho y, mymy ai ym u.

SAM 142:5

Aw Areng, sabawmra nga ai nai kai ly nang ai kang palau bo; aw Areng, nang ly kai ai ama hai nai keung; vai heng nai deung y nang leaungrei ai naini kai ly kadeaung nai ne.

SAM 16:5

Aw Areng, kai i abyhra ly nang leaungrei awm khyh; kai i ngai nai ngiereichi ai py nangmy pei bo. Kai i momang i vui ly nang i kiu tleaung y awm.

SAM 31:24

Areng ai ajeng nai khumi bawibawichi awi, paleung khaw parai naira awm iy, vam nai paleung awm u.

SAM 33:18

Areng ly mymy ai jei kaji nai hawi khaw parai nai tamen naira ai ym nai khumichi ai kry nai ne.

SAM 42:11

Kai ly ati mana nai y hina tanrei paleung atho di ai mo? Ati mana nai y paleung bi paleung mawn ai mo? Kai ly Tameuh ai athang khai ai; kai i atleu keung, kai i Tameuh ai kapalo bi ai.

SAM 42:5

Kai ly ati mana nai y paleung ama lawh mo? Ati mana nai y paleung bi paleung mawn lawh mo? Kai ly Tameuh ai athang khai naimy kaawm ai. Kai i atleu keung, kai i Tameuh ai kapalo bi ai.

SAM 43:5

Kai ly ati mana nai y hina tanrei paleung atho di ai mo? Ati mana nai y paleung bi, paleung mawn mo? Kai ly Tameuh ai athang khai ai; kai ai atleu keung, kai i Tameuh ai kapalo bi ai.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

SAM 71:14

Kai ly nang ai ajeng jojo ai; nang ai avaw avawrei kang palo ai.

SAM 73:26

Kai i tlang hawi paleung ly atho di ai; na i py Tameuh ly kai i ham naira ne; kai ly nang ny y baly ami ai py aly ngai y.

SAM 84:12

Ati cheaungkhang sa thai nai keung Areng, nang ai ym nai khumichi ly khri pa-rei taham hawi nai ne!

SAM 94:19

Kai ly paleung mawn naimy ka-dawn hawi y nai tym nai khala y, nang ly kai ai paleung awmnem naira pei iy amo theu hai bo.

JEREMIA 10:16

Jakob i Tameuh ly mynchi kamta ny y. Mymy ly ati cheaungkhang sa nai keung ne. Israela chengchi ai mymy i khumi kypkyp lawm ai nai vawi takhra bo. Mymy i amyn ly ati cheaungkhang sa thai nai keung Areng ne.

JEREMIA 51:19

Jakob i Tameuh ly mynchi kamta ny y; mymy ly ati cheaungkhang sa nai keung ne iy, Israela chengchi ai mymy i khumi palawn ai nai vawi takhra bo. Mymy i amyn ly ati cheaungkhang sa thai nai keung Areng ne.

TANGAM NAI LEU 3:21

Na i py athang khai naira nga hai ali teang nai sai ly anui mang ichi ai kapany nai ne.

MIKHA 7:7

Na i py kai ly Areng ai ajeng ai. Kai ai atleu ai nai Tameuh ai ym naimy ajeng ai. Kai i Tameuh ly kai i chiu sa nai tangai pi ai.

ROM AVANGCHI TENG Y PAWLA I CHA PA NAI 15:12

Naibaly Isaia my ly, Jesai i tangjyn theu nai, Cheng Takhrachi ai peang ai nai jeu nai keung ly theu ai: mymy ai ly Cheng Takhrachi my athang khai ai,” napi bi.

Leu Thui Nai 18:2

Nichi ly kalang theaungchi kamta, mychi i vui khu by y; nichi i vui nga ai nai phy ly Areng my adeu pi kamta, Areng i vui pathyp pi nai keungchi lawm hai patyp nai ne.

I PETERA 1:21

mymy deaungkho y ni ai kadeichi theung i dengdairei pathau nai hawi, nang parai naira pei nai keung Tameuh ai nangchi ly ym nai ne; hunaibaly nangchi i ym naira hawi athang khai naira ly Tameuh mang y awm bo.

1 SAMUELA 30:6

Davida i khumichi ly mychi i cho chanauchi chau pawn nai molam y paleung si naimy, Davida ai lengseaung hawi aphi ai nai pahyn nai deaungkho y, Davida ly rai naira avum bo. Na i py ni ly mymy i Areng Tameuh teng i dengdairei atho nga nai ne.