TANGAM NAI LEU 3:19 - Khumi Common Language Bible

¹⁹ Kai i patang nai hawi, kai i yhm hlau amny y nai sai ka-dawn pasym baly, hawi y keh nai dei asi nei nai hawi atawm.

TANGAM NAI LEU 3:19 ပူးပေါင်းရင်းမြစ်များ

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

JOBA 7:7

Aw Tameuh, kai i heng nai ly taho kathiu taho kalau nai ryrei khyh, nanai pany pi ba. Kai ly mo mang y amo theu bi ai nai ny y leang bo.

SAM 132:1

Aw Areng, samrang Davida hawi ni i ngari kamtang avum nai ngiereichi ai pany jo pi kyh ba.

SAM 89:47

Kai i heng nai ly mana tanrei deung dawi mo, nanai pany pi jo kyh ba; nang ly dei nai amjy napi nai kaichi bawibawi ai sa nai ne, nanai pany pi jo kyh ba.

SAM 89:50

Nang i miseaung kai ly mana tanrei khumi aniu y naira avum na mo, nanai py, Tameuh by y nai khumichi my kai ai pasawi naichi ai mana tanrei kakham pi mo, nanai py, tami pi vui moh kyh ba.

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

JEREMIA 9:15

Hunai deaungkho y nichi i tlang tleaung y Israela chengchi i, ati cheaungkhang sa thai nai keung kai, Areng my mana kang sa ai mo, nanai tangai cham. Kai ly kaimy i khumichi ai kho nai dona keung pacho iy, dei asi abawi nai tui nei hai ai.

TANGAM NAI LEU 3:15

Mymy ly kai i tlang tleaung y no patang naira ai, teicha teinei kamta ang pacho.

TANGAM NAI LEU 3:5

Mymy ly kai ai paleung sangri nai hawi, paleung bi patang naira theung y ang pakheng cheng nai ne.