TANGAM NAI LEU 2:9 - Khumi Common Language Bible

⁹ Mary apai katheuchi ly atleangra tleu piupa iy, anyn angso theung y a-up jo bo. Samrang hawi samrang i cho chanauchi ly vai ly pri takhra y pri pala naira avum u. Reita leu pei naichi amtiu nai py by y nai deaungkho y, amochi ly Areng i paleung mei y amteng pi naichi niu vai y leang bo.

TANGAM NAI LEU 2:9 ပူးပေါင်းရင်းမြစ်များ

2 ARENG KEH 25:7

Zedekiah i chapochi ai my i mei ka-niu y padei chum baly, Nebukhadnezar my Zedekiah i mei hmchi tha piu vui iy sengkry hawi pakheng i, Babulon pri mang y hawi jo bo.

2 NENG SATANG 15:3

Israela chengchi teng y Tameuh meitang awm pi jo y, thui parip ai nai pathyp pi nai keungchi by y, reita py by y.

NEHEMIA 1:3

Nichi my kai teng y, dei kamthum mychi pri y tym u nai khumichi ly khri pa-rei patang naira avum nai hawi, tengpang sahawi i cheng takhrachi my tahm khai y naira avum nai satangchi py ang thui pi. Naibaly Jerusalem mary apaichi phra naimy awm jo nai py, apai katheuchi py mai my kang nai khala i dengdai vaini khrairei palum teang y rai nai satangchi py ang thui pi.

SAM 74:9

Kaichi i reita leaungsai ka-ma-ra bawibawichi py by y bo; amochi py by y pawn bo; huna nai tym nai ly mana tanrei kra ai mo, nanai ami py pany khyp pajau y.

ISAIA 24:12

Mary ly anawi seaungkhrang naimy awm bo. Mary apai katheu pa-khochi py tleu pawn veng bo.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 39:2

Zedekiah i samrang y atheng nai holai harei saneng, palyh lo, kani takawrei kani y mary apaichi anawi bo.

JEREMIA 39:8

Huna nai thym khala y Babulon chengchi ly samrang i yhm hawi khumichi ai mai leng iy, Jerusalem mary apaichi panawi u bo.

JEREMIA 51:30

Babulon tavaimi risachi ly tavai atiu u y naimy, mymychi i amtangrachi theung y naini awm u bo. Nichi ly paleung phra atho di naimy, neampachychi kamta lawm u nai ne. Mary apai katheuchi ly anawi pawn iy, yhmchi py mai y kang bo.

JEREMIA 52:14

Ni i risachi my py mary apaichi panawi u bo.

TANGAM NAI LEU 1:3

Juda pri mipuichi ly pri pala naira avum iy, kajeaung kamangnaira avum i, miseaung achei u bo. Nichi ly yhm hlau meingtym amny y naimy, pri takhra y awm u nai ne. Paleung ka-echi my katanmeuh nai y, tleaungra by y leang bo.

TANGAM NAI LEU 4:15

Khumi mipuichi my, “leh u pawn! Nangchi ly chainem y, kaichi ai abi u moh, nanai aeu u. Hunai deaungkho y nichi ly mychi ai sabawm nai keung by y i, pri harei i nai pri harei mang y ajau u joja nai ne.

TANGAM NAI LEU 4:20

Nichi ly Areng my vawi takhra nai samrang, achi ai hengra pei nai keung, paleung ka-e bawibawichi kiu tleaung i, ama hai ai nai kaichi i ym nai keung ai patiu u vui bo.

Ezekiela 12:13

Na i py kai ly py kajang iy huni py ra man hai i, Babulon mary mang y kahawi vui ai. Ni ly huni mary ai niu y naimy, huni mary y dei ai.

Ezekiela 17:20

Kai ly musy i mawipy hawi ni ai kapatiu iy Babulon mary y hawi iy hu y ni ai kapajeng ai. Ati mana nai mo na baly ni ly kai i tlang tleaung y ka-ym by y nai deaungkho y ne.

Ezekiela 7:26

Patang nairachi ly harei bo y harei ang tym ai i, nangchi ly satang hawi y nai avawrei thai u jojo ai. Nangchi ly amochi teng y nichi i paleung mei y niu naichi thui pi ai nai takeng u ai. Pathyp pi nai keungchi py khumichi ai thui parip ai nai ati sai py nga ai ny y. Miteaungchi py ati sai py tau pei u thai ai ny y.

HOSEA 11:6

Nichi i marychi ly tavai takai avum u iy, mary apai katheuchi ly phra ai. Kai i khumichi ly mychi i kangai sa u nai deaungkho y, tamyh nai avum u ai.

HOSEA 3:4

Huna nai kamta Israela khumichi ly samrang by y, lu sa nai keung by y, apathyp nai by y, chiu ai nai lengseaung leng naichi by y, leung khen nai khala teaung nai mynchi by y naimy, neng kakra awm u ai.

AMOS 1:5

Kai ly Damaska mary apai katheuchi ai taphra vui iy, Avan leaunghawi hawi Betheden mary ai peang naichi ai tamyh ai. Suria khumichi ai Kira pri mang y langheng hawi vui ai,” napi.

Leu Thui Nai 28:36

“Areng ly nangchi hawi nangchi i samrang ai, nangchi hawi nangchi i amsi pajochi tym vai y nai pri takhra mang y ang hawi pawn ai; nangchi ly huni pri y dengkeaung, lengseaung hawi sa nai tameuhchi ai chiu u ai.

Leu Thui Nai 28:63

Areng ly nangchi ai nang chawn hai ai nai py, khumi neangneang peung hai ai nai py, nangchi ai paleung anyp nai kamta, nangchi ai tamyh naira py, nangchi ai phra hai naira py, paleung anyp ai. Nangchi peang ai nai pri i dengdairei nangchi ai patheu vui ai.

1 SAMUELA 28:6

mymy ly mana sa ai mo, nanai Areng teng y deng bo. Na i py Areng ly amang mang py, Urim hawi Thummim hawi py, amochi hawi py, pipi pathang pi y.