TANGAM NAI LEU 2:8 - Khumi Common Language Bible

⁸ Areng ly Zion mary apaichi panawi vui ai nai dawn yb nai deaungkho y, hunichi phra takengkei pawn ai nai siju hawi pata. Vai ly lengseaung yhm ka-sangchi hawi mary apaichi ly phra seaungkhrang mei bo.

TANGAM NAI LEU 2:8 ပူးပေါင်းရင်းမြစ်များ

2 SAMUELA 8:2

Naibaly Samrang ly Moba khumichi ai tiu nai pajau i, patiu naira i nga nai khumichi ai khaileaung y atlym hai iy, phy thomrei y phy nyhreichi ai padei hai bo. Hunai deaungkho y Moba khumichi ly Davida i anui y awm i, kahm pei u nai ne.

2 ARENG KEH 21:13

Samari mary hawi Israela samrang Ahaz hawi katu chanauchi ai pajeng nai kamta, Jerusalem mary y kapajeng ai. Tamui changpyn iy pakhiu meuh nai samtang kamta, Jerusalem mary theung y khumi leaungrei py by y na pa-rei katamyh ai.

JOBA 13:21

Huni nyhrei ly kai i tlang tleaung y kamngo pajengra i nai anawn pi ai nai hawi, ka-jeirachi kai ai pajei pahyn y ai nai kang takeng.

ISAIA 22:5

Hini neng ly paleung mei y niu nai ka-jeira, sum naira hawi ahei phrophra nairachi tym nai neng ne. Ati cheaungkhang sa thai nai keung Areng my py, kaichi ai huni neng avum hai nai ne. Kaichi i mary apaichi ly taphra naira avum veng bo. Kasabawmra ngai nai khumichi i aeu nai raawichi ly mawi aheungchi mang y katyn avah na veng bo.

ISAIA 28:17

Huni langdeng i vui adyh adawi nai suju vuinawn, kataw kateng pata nai vuinawn palawn iy teaung ai. Naibaly kai ly ali pui khu pui kamta nangchi a-ym nai li-tapawp nairachi paleang pi pawn ai. Tavo tui leaung nai kamta nangchi i chymme nai py, phra hai pawn ai.

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 34:11

Huni pri ly beaungkuchi hawi o-achi awm naira lawm ai. Khaileaung palum y rai nai khala i kamta, Areng ly huni pri ai khaileaung ka-keu pui lawm hai ai.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

JEREMIA 14:2

“Juda pri ly vo tangam naimy awm; Juda marychi ly paha naimy awm bo. Huni mary i khumichi ly paleung mawn nai deaungkho y, khaileaung y jawn u na bo. Jerusalem mary ly aeu iy kasabawmra hnei u bo.

JEREMIA 5:10

Kai ly paleung ka-echi ai kapato iy, nichi i kreip akhochi taphra hai ai. Na i py kreip keungchi myh pa-rei ly taphra hai ai ny y. Kreip changpichi ly kaimy peang y nai deaungkho y, hunichi ateng pawn ai nai paleung ka-echi teng y kaimy leu pei ai.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

TANGAM NAI LEU 2:17

Kangkhym y ly Areng ly mymy i leumo pei yb nai kamta, sa pi khyp bo. Mymy ly jangni i ka-so ang pany hai nai kamta khyp, achi ai pahen y naimy ang taphra be bo. Mymy ly achi i paleung ka-echi ai eaung naira pei i, achi atlym nai molam y amo theu hai bo.

TANGAM NAI LEU 2:18

Aw Jerusalem mary, nang i mary apaichi ly Areng ai palau u sy! Nang i mei katuichi ly vum kanithun leaung nai kamta leaung sy. Nang ly paleung si vo tangam naimy, nangmy ai atho bai hai sy!

TANGAM NAI LEU 2:2

Areng ly pahen y naimy Juda avang bawibawichi ai taphra pawn iy, Juda pri ai khaw hai nai amtangrachi py, panawi seaungkhrang vui bo. Mymy ly hu y peang nai keungchi hawi, pri ai py tahm anem hai vui bo.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

Ezekiela 20:22

Na i py avum hai y; huna nai avum hai lawh baly Israela chengchi ai Aikupta pri i dengdairei kapahawi nai ai niu nai khumichi i mo y, kai i amyn phra ai nai deaungkho y ne.