TANGAM NAI LEU 2:7 - Khumi Common Language Bible

⁷ Areng ly mymy i maicham ai py, Achura yhm Kachai ai py, khai su iy paleung ka-echi teng y, Achura yhm dengpangchi panawi pawn ai nai pei. Nichi py achi amo theu parai naimy chiu nai meingtym y, eaung naira nga nai aeu u sau na bo.

TANGAM NAI LEU 2:7 ပူးပေါင်းရင်းမြစ်များ

2 ARENG KEH 25:9

Achura yhm, samrang yhm hawi aly len nai khumi bawibawichi i yhmchi ai, mai leng pawn nai ne.

2 NENG SATANG 36:19

Ni ly Achura yhm hawi mary ai mai leng iy, Jerusalem mary apaichi py taphra bo. Samrang yhmchi hawi vang kateng vawnsaichi hawi vanrei, mai leng pawn nai ne.

SAM 89:39

Nang i miseaung hawi asa nai Leu Maikawm ly taphra vui bo; ni i samrang lukhym py, khaileaung y pala vui bo.

ISAIA 64:9

kaichi i tlang tleaung y kado theu hai ala moh, ti y i py, kaichi i kamngochi ai pany pi jo moh kyh ba. Kaichi ly nang i khumichi ne i, kaichi ai pahen kyh ba.

JEREMIA 21:4

Israela chengchi i Areng Tameuh my Zedekiah teng y leu pei nai ly “Zedekiah awi, kai ly mary katanmeuh nai Babulon samrang hawi ni i tavaimichi ai tiu ai nai, nang i tavaimichi sum hai ai. Tavai ateaungchi ai ly mary umtang y kachu ai.

JEREMIA 26:18

“Juda samrang Hezekia deung y Morise avang i amo Mikha ly khumi bawibawichi teng y ati cheaungkhang sa thai nai keung Areng my, ‘Zion mawi ly li khaileaung kamta, thawn piu nai avum ai; Jerusalem mary ly lengseaung ka-nawi pakheng achu nai lawm iy, Achura yhm mawi py thengreung lawm ai,’ nanai ang thui pi bo.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 32:29

Hini mary ai tiu nai Babulon khumichi ly jeu iy mai leng u ai. Yhm amphuchi salo y Bala tameuh teng y mui katui leng patlum nai molam py, tameuh takhrachi i vui y kreip hang talam nai molam py, khumichi my kai ai kado patheu nai yhmchi hawi vanrei, hini mary verei kang ai.

JEREMIA 39:8

Huna nai thym khala y Babulon chengchi ly samrang i yhm hawi khumichi ai mai leng iy, Jerusalem mary apaichi panawi u bo.

JEREMIA 4:26

Areng i khri pa-rei kado theu nai haiho molam y paitiu khuta hawi nai pri ly tui by y nai daichi ka-vym lawm iy, marychi py phra seaungkhrang veng bo.

JEREMIA 4:27

(Khaileaung bomverei ly daichi ka-vym lawm vui teu i py, phra be ai ny y, nanai Areng my leu pei yb nai ne.)

JEREMIA 50:28

(Babulon pri i dengdairei law tleaung nai tavai kamtangchi ly Jerusalem mary y tym u iy, mymy i Achura yhm ai Babulon khumichi my taphra nai molam y, achi i Areng Tameuh ly nichi ai ati mana vawitheung tha mo, nanai thui pi u bo.)

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

TANGAM NAI LEU 2:1

Ar ly kado theu nai deaungkho y, Zion mary ai kaveng khiu hai vui bo. Huni mary i sareaung hawi nai sai ly kani mang dengdai khaileaung y khrairei tla iy phra seaungkhrang veng bo. Mymy i kado theu nai neng khala y ly mymy i Achura yhm py khai su nai ne.

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

Ezekiela 7:24

Kai ly hawi y keh nai khumi chengchi ai hini meingtym y hawi iy, nangchi i yhmchi ly nichi teng y kapei vui ai. Huni khumichi ai nangchi i chiu nai meingtymchi chainem hai y ai nai kaimy kapei nai khala, nangchi atho len nai khumichi ly paleung phra u ai.

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

Levi 26:44

Na i py huna nai tym hai nai khumichi ly paleung ka-echi i pri y awm nai thym khala, kai ly nichi ai khai su ryp ai ny y, taphra py taphra vui ai ny y. Kaimy nangchi ai khai su lawh teu baly, kai hawi nichi sala asa nai Leu Maikawm ly phra vui ai. Kai ly nichi i Areng Tameuh ne.

AMOS 2:5

Hunai deaungkho y kai ly Juda pri salo y mai kani nai hai iy, Jerusalem mary i amtangra yhmchi ai maidym satlawi palawn vui ai,” napi.

MIKHA 3:12

Hunai deaungkho y nangchi i molam y Zion mary ly thawn piu yb nai li khaileaung kamta lawm ai. Jerusalem mary ly phra nairachi pakheng mang nai meingtym lawm ai. Achura yhm awm nai mawi ly daichi lawm ai.

MATTHAI 24:2

Naibaly mymy ly nichi teng y, “Hunichi bawibawi ly niu u lo-oh? Meitang khyp kang thui pi, panawi y nai lengseaung tleangleang nai ly hi y ha py awm ai ny y,” napi nai pathang.