TANGAM NAI LEU 2:4 - Khumi Common Language Bible

⁴ Mymy ly paleung ka-e kamta achi ai thailiho hawi ang patyp rym iy, atho nga, amo theu, tahm akhai amlyh nai khumi bawibawichi ai py padei bebe bo. Jerusalem mary theung y achi ly mymy i angveaung nanai kado theu naira avum u bo.

TANGAM NAI LEU 2:4 ပူးပေါင်းရင်းမြစ်များ

2 NENG SATANG 34:21

“Nangchi ly chei u iy, hini cha-iu theung i thui naichi kai i vui hawi Juda pri hawi Israela pri y awm jo rai nai khumichi i vui py Areng teng y deng pi u cham. Achi i amsi pajochi ly Areng i leu tangai u y. Reita cha-iu theung y awm naichi so patawm u y nai deaungkho y, Areng ly achi i tlang tleaung y kado theu nai bo,” napi.

2 NENG SATANG 34:25

Nichi ly kai ai khai su iy, tameuh takhrachi teng y apathyp u bo. Hunai deaungkho y nichi ly mymychi i sa nai atitichi molam y, kai ai kado theu hai ra bo. Kai ly Jerusalem mary ai kado theu hai bo i, huni kado theu nai ly rym ai ny y.

JOBA 19:11

Tameuh ly khri pa-rei kado theu na i, kai ai ly mymy i hawi y keh nai paleung ka-e kamta ang khai.

JOBA 6:4

Ati cheaungkhang sa thai nai Tameuh ly kai ai thailiho chyn hawi ko nai deaungkho y chyn kamtlau ly kai i ngan tlang theung y num be bo. Tameuh ly khri pa-rei jei ai hawi parai nai patangrachi, kai i tlang tleaung y tym hai ai nai khai yb bo.

SAM 37:14

Khumi hawi y naichi ly ngari patang naichi ai padei ai nai py, kateng sa nai khumichi ai tleh ai nai py, haisauchi aphiu iy, thailihochi a-eaung u bo.

SAM 7:13

Dei hai thai nai ateaungchi syn iy mai thailiho ko ai nai pateung yb bo.

ISAIA 42:25

Hunai deaungkho y mymy ly achi i tlang tleaung y mymy i kado theu nai py, khri pa-rei ho nanai tavai takai ka-jeira py, avum hai bo. Mymy i kado theu nai ly mai kamta, Israela pri verei y angveaung bo. Na i py ati mana tym mo, nanai achi pany y. Achi ly hunira i amtiura ati sai py ngo u y nai ne.

ISAIA 63:10

nichi ly tiu iy mymy i phailo kachai ai paleung phra hai bo. Hunai deaungkho y Areng ly nichi ai paleung ka-e palawn i, tiu nai ne.

ISAIA 63:6

Kai ly kaimy i kado theu nai ryrei my, khumi cheng cheaungkhangchi ai ati iy katamyh bo. Nichi i thi ai ly khaileaung y kaleih jawn bo,” napi.

JEREMIA 10:20

Kaichi i taichi ly anawi seaungkhrang iy, thang nai vuichi py leu pawn bo. Kaichi i cho chanau bawibawichi malawn py, kaichi teng i nai preang u pawn bo. Kaichi i taichi sa pi palai teang ai nai leaungrei py by y. Tai kanihchi jang pi ai nai khumi leaungrei py by y bo,” nanai aeu u.

JEREMIA 21:5

Kaimy kypkyp my kaimy i awm nai atho haiho ngierei hawi khrikhri pa-rei kado theu naimy, nangchi ai kang tiu ai.

JEREMIA 30:14

Nangchi ai tamen nai khumichi ly nangchi ai tami pawn veng bo. Nichi ly nangchi ai dawndan u y leang bo. Nangchi i kamngochi ly nawi parai iy, nangchi i hawi y ala nai deaungkho y, kai ly nangchi ai paleung ka-e kamta no nga hai bo. Nangchi i pajeng naira avum nai ly khri pa-rei ty na bo.

JEREMIA 36:7

Areng ly hini khumichi ai kaso tahyn theu ai hawi nanai kado theu naira hawi pajei pahyn nai deaungkho y, khumichi ly mychi i hawi y nairachi khai su iy, Areng teng y chiu sa u tan chiu sa u lym ai,” nanai leu pei bo.

JEREMIA 4:4

Nangchi i Areng, napi nai kai hawi nangchi i Leu Maikawm asa nai ly patawm u. Nangchi Juda mipuichi hawi Jerusalem mary i khumichi awi, kai teng y nangchi i tlang a-au u. Huna nai kamta so y lawh baly nangchi i sa tamang nai kamngo deaungkho y, kai i kado theu naira ly mai kamta angveaung ai. Huni mai pathym ai nai khumi leaungrei py awm ai ny y,” napi.

JEREMIA 42:18

“Israela chengchi i Areng Tameuh my, ‘Aikupta pri y nangchi chei u ai nabaly, kai ly kaimy i kado theu naira ai Jerusalem mary i khumichi i tlang tleaung y tym hai nai kamta, nangchi i tlang tleaung y py tym hai teang ai. Khumichi i mo y nangchi ly paso ai nai hawi parai i, nangchi ai panui hai naimy nangchi i amyn ly vaineng tau naira y teaung u ai. Nangchi ly hini meingtym ai, mo mang y mana khala py niu u ali teang ai ny y,’ nanai leu pei bo,” napi.

JEREMIA 7:20

Hunai deaungkho y kai i Areng ly kaimy i khri pa-rei kado theu nai ai, hini Achura yhm y kaleih ai. Khumichi hawi tawnbawichi tlang tleaung y py, dengkeaungchi hawi amti amjangchi salo y py kaleih ai. Kai i kado theu nai ly ami py pathym pajau y nai mai hawi atawm ai.

TANGAM NAI LEU 1:13

“Mymy ly salo mang dengdairei mai pato i, huni mai ly kai i tlang tleaung y angveaung nai ne. Mymy ly kai ai deaung pateung iy patiu i, khaileaung y patlym. Naibaly ang khai su iy kani khengrei, patang naira avum hai bo.”

TANGAM NAI LEU 2:5

Areng ly paleung ka-e kamta, Israela chengchi ai taphra bo. Nichi i amtangrachi hawi samrang i yhmchi py, phra seaungkhrang naimy awm hai bo. Mymy ly Juda pri khumichi i tlang tleaung y, paleung mawn naira tem y pa-rei tym hai na bo.

TANGAM NAI LEU 3:3

pahen y naimy avaw avawrei ang pakhau nai ne.

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

TANGAM NAI LEU 4:11

Areng ly mymy i khri pa-rei kado theu nai haiho angym pa-rei tym hai bo. Mymy ly Zion mary y mai paeng iy, huni mary ai maidym saprawi lawm hai bo.

Ezekiela 13:13

Sa thai naira angym nai Areng my leu pei nai ly “Kai ly kado katheu y huni mary apai panawi ai nai ali kamchai aho hai ai. Kado theu naimy khri pa-rei kani nai hai iy, ji akawichi tla hai ai i, phra hai ai.

Ezekiela 20:34

Nangchi ai pri tlei tleirei hawi, ahei akyhkyh nai pri cheaungkhangra i nai palau ali teang nai neng khala, nangchi i tlang tleaung y atho len parai nai sa thai naira hawi kiu pheu iy, kado theu nai sai patei ai.

Ezekiela 22:22

Tangka ly paheungra y tlawn nai kamta, nichi ly Jerusalem mary y tlawn u ai. Huna nai khala mymychi ly Areng i kado theu naira avum u bo, nanai nichi apany u ai,” napi.

Ezekiela 24:25

Areng my, “Nang khumicho awi, vai kai ly nichi i amlyh ai naira, paleung amo theu ai naira lawm nai khaw parai nai Achura yhm ai nyn kava vui ai. Nichi ly huni Achura yhm khen ai nai hawi, huni Achura yhm mang y chei ai nai ngai u bo. Nichi i cho chanauchi ai py la pi vui ai.

Ezekiela 36:18

Nichi ly khumichi ai padei iy mynchi hawi huni pri y chai hai y nai deaungkho y, nichi i tlang tleaung y kai i kado theu nai tym hai nai ne.

Ezekiela 5:13

Nang ly kai i kado theu nai rym y nai ryrei ly kai i kado theu naira angym pa-rei avum ai. Kai Areng ly nang i ka-ym by y nai molam y kado theu nai ne i, hina nai leu kang pei nai ai nang ly hini atitichi tym nai khala pany thai ai.

Ezekiela 6:12

Kamlo y tym nai khumichi ly no-na y dei u ai i, kang sa i khumichi ly tavai keung y dei u ai. Dei kamthumchi ly kajeu kanglam y dei u ai. Nichi ly kai i khri pa-rei kado thau nai angym pa-rei avum u ai.

Ezekiela 7:14

Tavai atiu amteaung ai nai baw eng bo i, khumi bawibawichi ly angvei u rym bo. Na i py leaungrei py tavai thau u y. Ati mana nai mo na baly Tameuh i kado theu naira ly khumi luteng i tlang tleaung y tym ai nai deaungkho y ne.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

NAHUM 1:2

Areng Tameuh ly mymy ai ka-keng ka-awi sa naichi ai kham pi ai ny y; mymy ly ka-awi sa nai khumichi ai pajeng nai ne. Kado theu iy nichi i tlang tleaung y vawitheung tha bo.

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

Leu Thui Nai 32:22

Kai i kado theu nai ly mai kamta angveaung ai i, khaileaung tleaung y awm nai ngierei kang hai ai. Kado theu nai mai kangveaung ly tavau pri khrairei py, mawi kheutang khrairei py kang hai ai.

1 SAMUELA 28:16

Samuela my Sawla teng y, “Areng ly nang ai ang khai su iy, nang i paleung ka-e lawm vui nai khala y, nang ly ati mana nai kai ai palau mo?