TANGAM NAI LEU 2:22 - Khumi Common Language Bible

²² Nang ly paleung ka-echi ai kaichi i tengpang sahawi y, ka-jei awm parai nai pawi sa ai nai palau bo. Nang i kado theu nai huni neng kani y ly amimi py tleaung pajau ai ny y. Nichi ly kaimy khrei iy, pacho panei nai cho chanauchi ai tleh u bo.

TANGAM NAI LEU 2:22 ပူးပေါင်းရင်းမြစ်များ

2 NENG SATANG 36:17

Hunai deaungkho y Areng ly Babulon samrang ai tiu hai nai ne. Huni samrang ly Juda thawndeang deaungdichi ai Achura yhm theung y tleh bo. Tameuh my miteaung deaungdi, neampacho neampachy, no naichi, no y naichi ai pahen y naimy, Babulon samrang i kiu y au nai ne.

SAM 31:13

Paleung ka-echi i kamsyh y arum nai leu kai ly thai bo. Kai i sahawi y ka-jei hawi parai naichi kawi na. Paleung ka-echi ly kai ai padei ai nai tau u bo.

ISAIA 28:19

Nichi ly nangchi ai khawn tleirei, ang tiu taleang ang tiu taleang bi ai. Nangchi ly vum kanithun patang u ai. Tameuh i leu pei nai tleirei y, jei hyn naimy awm u ai.

JEREMIA 11:11

Hunai deaungkho y nichi i tlang tleaung y kaimy tym hai ai nai ka-jeira i nai, nichi ly law tleaung u ai ny y, nanai kai Areng my pany hai bo. Kasabawmra nga ai nai nichi aeu u nai khala py, kaimy pathang pi ai ny y.

JEREMIA 14:19

Aw Areng, nang ly Juda pri ai khai su angchi khyp nai bo a? Kaichi i no-na hawi sa ai nai ngo y na pa-rei nang ly ati mana nai y kaichi ai khri pa-rei tamo kalem nga hai lawh mo? Kaichi ly amo theu naira kadeaung u teu i py, atyhtyh teu bo. No-na hawi ai nai athang khai u teu i py, jei hynra naini avum u nai ne.

JEREMIA 20:3

Khawn pa-nyh y Pashura ly kai ai sengkry su pi i kaimy,” Areng ly nang ai Pashura, nanai amyn pei y, ‘meingtym tleirei y khrukhra hai nai khumi’, nanai amyn pathi bo.

JEREMIA 21:7

Tavai takai, tahum takang hawi no kanghawi y dei bawi y nai Juda samrang Zedekiah, ni i bangtangchi hawi khumichi ly mychi ai padei ai ngai nai paleung ka-echi hawi Nebukhadnezar i kiu y patiu hai ai. Nebukhadnezar my py nichi ai padei hai ai. Ami ai py kangheng khai ai ny y, ami ai py pahen pi ai ny y. Hini ly kai, Areng i thui nai leu ne,” napi.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

JEREMIA 46:5

Na i py Areng my, “Kai i niu nai ly ati mana nai mo? Nichi ly jei i nithun mang y anaw u bo. Nichi i tavaimi risachi ly sum u nai ne. Nichi ly khri pa-rei jei u nai deaungkho y nithun mang y khen y naimy, athorei my angpreng u kaliki na bo,” napi.

JEREMIA 6:25

Paleung ka-echi ly tavai ateaungchi pa iy, ka-jeira my ang katanmeuh nai deaungkho y, kaichi ly daichi daireang y theu vam y, lamchira py aleaung vam y bo,” napi u.

Leu Thui Nai 28:18

“Areng ly nangchi teng y cho chanau sa nai di hai nai py, nangchi i amti amjang theu nai di hai vui ai nai py, si, beram peung hai y ai nai py nangchi ai amsawi lawi hai ai.