TANGAM NAI LEU 2:16 - Khumi Common Language Bible

¹⁶ Nang i paleung ka-e bawibawichi ly nang ai panui hai iy, niu ngai y nai paleung hawimy, khen u kalingie bo. Nichi ly labeaung pi naimy notareang mie iy, “Ni ai achi my taphra veng bo! Hini kani ly achi i ajeng jo nai kani ne he!,” nanai thui u nai ne.

TANGAM NAI LEU 2:16 ပူးပေါင်းရင်းမြစ်များ

SAM 109:2

Khumi aso y naichi hawi tapawp nai khumichi ly kai ai tiu u bo; nichi ly kai i satang ka-chawi naimy thui u nai ne.

SAM 112:10

Khumi aso y naichi ly huni atitichi niu nai khala y kado theu ai i, ho akachai naimy tama u pawn ai; nichi i kangai ly phra ai.

SAM 124:3

nichi ly khrikhri pa-rei kado theu u iy, achi ai kangheng tang my ang pajawm pawn ai.

SAM 22:13

Khrangsichi kamta labeaung ang iy, hang naimy kai ai kei ai nai sa bo.

SAM 35:16

Kai ai no-ei pa-rei panui hai u; niu ngai y i, kai ai khen u ripati na bo.

SAM 35:21

Nichi my, “Ha ha, nang i sa nai kaichi niu,” nanai aeu iy, neng hai nai leu katheu u bo.

SAM 35:25

“Achi i kangai angym bo, ni ai achi my pajau bo!,” nanai nichi thui pajau ai nai pei moh ba.

SAM 37:12

Khumi hawi y nai ly khumi kahawi ai, hawi y nai ka-dawn ly niu ngai y nai paleung hawi khen aliki reng nai ne.

SAM 41:8

Nichi my, “Hini khumi ly deivi pa-rei no nai ne. Ira tleaung i nai mana khala py, ang thau bi pajau ai ny y,” nanai thui u bo.

SAM 56:2

Kai ai ka-jo hau naichi ly kani khengrei kai ai tiu u bo; kai ai tiu nai khumichi ly nawi parai.

SAM 57:3

Mymy ly kani pri mang dengdairei pathang iy, kai ai atleu bo; kai ai ana pumpi nai khumichi ai tiu pajau ai. Tameuh ly mymy i khaw parai nai tamen naira hawi ka-ym awm naira ly kai ai patei pi ai.

ISAIA 49:19

“Nang i pri ly phra seaungkhrang iy, khumi angso savai tlang veng bo. Na i py vai ly awm nai khumichi i vui huni pri ly theang ala veng nai ne. Nang ai phra seaungkhrang hai nai khumichi ly kamlora y tym u veng ai.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 50:17

Areng my, “Israela khumichi ly khrangsichi my kei nai deaungkho y, ahei dan nai beramchi hawi atawm. Angchei y Asuria samrang ly nichi ai tiu bo. Huni bo y Babulon samrang Nebukhadnezar my, nichi i hiuchi taai piupa pawn nai ne.

JEREMIA 50:7

Nichi ly mychi hawi avum nai khumi bawibawichi my tiu nai avum u nai ne. Nichi i paleung ka-echi my, ‘Huni khumichi ly Areng i tlang tleaung y tamang u nai deaungkho y, nichi ai kaichi i sa nai sai ly tamang y; nichi i amsi pajochi ly Areng ai ym nai khumichi ne nai deaungkho y, mymychi kypkyp py mymy i tlang tleaung y ka-ym awm ai tla nai ne,’ nanai thui u bo.

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

TANGAM NAI LEU 1:21

“Kai i tangam nai raawichi tangai pi ba. Kai ai awmnem naira pei pajau nai khumi leaungrei py by y. Nang ly kai ai khri pa-rei ka-jeira avum hai nai deaungkho y, paleung ka-echi amo theu u nai ne. Nangmy i leu adeu nai neng kani tym hai kyh ba. Paleung ka-echi i tlang tleaung y kai kamta, patang naira avum hai kyh ba.”

TANGAM NAI LEU 3:46

“Kaichi ly paleung ka-echi i mei aniu y naimy, panui hai nai avum u.

Ezekiela 23:32

Sa thai naira angym nai Areng my leu pei nai ly “Nang ly ngamjo neampachy i khau nei ai nai tla; huni khau ly len i taku py thiu. Nang ly khumi luteng i thui tamawn nai hawi, panui hai nai avum ai; huni khau ly kawi tup na.

Ezekiela 25:15

Sa thai naira angym nai Areng my, “Philistin pri khumichi ly mymychi deungrei paleung ka-e khai nai Judachi ai pahyp y naimy vawitheung tha iy, niu ngai y nai paleung hawi tamyh u bo.

Ezekiela 25:3

Huni pri i khumichi teng y, sa thai naira angym nai kai, Areng i leu pei nai tangai u; mymy ly hina nai leu pei bo. Nangchi ly kai i Achura yhm chai y vui nai py, Israela pri phra seaungkhrang vui nai, Juda chengchi pri pala naira avum nai niu nai khala amo theu u bo.

Ezekiela 25:6

“Sa thai naira angym nai Areng my leu pei nai ly: nangchi ly kiu tabeang iy amo theu nai sarai u. Israela pri ai paso u nai ne.

Ezekiela 36:3

“Huna nai y sa thai naira angym nai kai, Areng my leu pei nai thui pi. Pri deaungpachi my tiu vui nai khala, khumi luteng my ly Israela chengchi ai panui hai u nai ne.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

HOSEA 8:8

Israela pri ly takhra prichi hawi takhra lawh y. Teaung ai ngo y nai laawm ka-kawi hawi atawm.

MIKHA 4:11

Khumi cheng neangneangchi ly nangchi ai tiu ai nai, jeu achu u bo. Nichi my, “Jerusalem mary taphra u sina! Achi ly mary kaphra niu nai deaungkho y amo theu u ai!,” nanai thui u bo.

AMTAW 7:54

Naibaly nichi ly huni leu thai iy paleung yh-i na i, mymy i tlang tleaung y ho akachai.