TANGAM NAI LEU 2:15 - Khumi Common Language Bible

¹⁵ Mary aki aleaung nai khumichi ly mei aniu y nai sa iy kiu tabeang u. Nichi ly lu heang naimy Jerusalem mary kaphra ai panui hai paryp u bo. “Khrei ai hawi parai nai mary ly hini mary lawh a? Khaileaung pri i vui tahm awm hai nai mary ly hini mary a?,” nanai panui hai.

TANGAM NAI LEU 2:15 ပူးပေါင်းရင်းမြစ်များ

2 ARENG KEH 19:21

Areng my leu pei nai ly “Nang Sennakheri awi, Jerusalem mary ly nang ai khen iy panui hai bo.

2 NENG SATANG 7:21

“Vai hini Achura yhm ly khri pa-rei tahm awm nai ne i py, huna nai khala ly sahawi mang tako nai khumichi ly lyh parai naimy, ‘Areng ly ati mana nai hini pri hawi hini Achura yhm ai, hina nai sa lawh mo?,’ nanai deng u ai.

SAM 109:25

Khumichi ly kai ai niu nai khala y, panui hai u bo; nichi ly lu heang u naimy, tahm khai u y nai ne.

SAM 22:7

Kai ai niu nai khumi lutengchi my ang panui hai bo. Nichi ly palai pathu hai iy, lu heang u nai ne.

SAM 48:2

Tameuh i mawi pui napi nai Zion mawi ly asang iy, apu parai nai ne; nang parai nai samrang i mary pui ly khaileaung pri khumichi ai amo theu hai bo.

SAM 48:3

Huni mary pui i amtangrachi theung i mymy teng y chymme naira awm, nanai Tameuh my patei pi bo.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 64:8

Nichi i thui u nai leusaichi molam y, mymy ly nichi ai padei iy tama hai ai; nichi ai niu nai khumi bawibawichi ly lu heang u ai.

ISAIA 28:21

Areng ly Perazim mawi hawi Kibeon leaunghawira y sa nai kamta tavai thau ai. Mymy ly mymy i sa ai awm nai kalop amcheang pa-rei sa ai. Huni kalop ly aneng parai nai ne.

ISAIA 37:22

Areng my, “Aw Senakheri, Jerusalem mary ly nang ai khen i, ang panui hai bo.

ISAIA 64:11

Nang ai kaichi i amsi pajochi my palo nai, apu parai nai meingtym kachai Achura yhm ly mai y kang veng bo. Kaichi i khrei nai yhm hlau ngiereichi py, phra seaungkhrang veng bo.

JEREMIA 18:16

Nichi ly hini pri y khumi angso savai tlang nai pri hawi, amso ngai hawi jojo nai pri lawm hai bo. Huni sahawi mang tako prei nai khumi bawibawichi ly dawn tamang tyh iy mychi i lu heng u ai.

JEREMIA 19:8

Kai ly hini mary tlang tleaung y ka-jei awm parai naichi tym hai iy, huni sahawi mang tako nai khumichi ly huni mary i taham si nai niu u panui u ai. Paleung hawi y iy mynkym u ai.

JEREMIA 25:18

Juda samrangchi, miteaung kehchi hawi vanrei, Jerusalem mary hawi Juda mary i awm nai ngiereichi ly niu nai khumichi i vui y kaso theu jei hyn ai hawi nai khutaha daichi ka-vym lawm bo. Huni khumichi i amynchi py khumichi my pasawi patau naira y teaung nai leu lawm hai nai, huni kado theu nai hang nei u bo. Vai khrairei huni marychi ly hunai kamta awm jo nai ne.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 26:6

Nangchi ly tangai y veangveang lawh baly, kai ly huni Achura yhm ai Siloh kamta lawm hai ai. Khaileaung pri y awm nai khumi cheng cheaungkhangchi py, pasawi patau naira y hini mary i amyn teaung u ai, nanai amti pi,” napi.

JEREMIA 29:18

Kai ly tavai atiu nai, takang theu nai hawi no kanghawichi katym hai ai i, kapatang hai ai. Hunai deaungkho y khaileaung pri i khumi cheng cheaungkhangchi ly nichi ai niu iy, jei nai kaso theu u ai. Nichi ai ahei hai nai meingtym tleirei y, huni khumichi ly nichi i patang nai niu i, jei nai kaso theu u ai. Nichi ai py panui hai iy nichi i amyn ai py, vaineng abeu nai leu saichira y teaung u ai.

JEREMIA 48:27

Aw Moba pri, Israela pri khumichi ai nangmy mana tanrei panui hai mo, nanai pany jo ba. Nang ly nichi ai kangviu sara, damra kamkawm hawi vanrei patiu nai palawn iy ana nai ne.

JEREMIA 51:37

Huna nai khala Babulon mary ly daichi mawichi awm naira, yhm hlau kaphrachi lawm ai. Huni ly kaso tahyn theu ai hawi naira lawm iy, khumi angso savai tlang naira lawm ai.

TANGAM NAI LEU 1:21

“Kai i tangam nai raawichi tangai pi ba. Kai ai awmnem naira pei pajau nai khumi leaungrei py by y. Nang ly kai ai khri pa-rei ka-jeira avum hai nai deaungkho y, paleung ka-echi amo theu u nai ne. Nangmy i leu adeu nai neng kani tym hai kyh ba. Paleung ka-echi i tlang tleaung y kai kamta, patang naira avum hai kyh ba.”

TANGAM NAI LEU 1:8

Ni i tahm awm nai ly tama vui bo; ni ly tlang ka-keu hawi amso ngailai nai lawm bo. Ni ly tangam i, kaji nai deaungkho y, my i meimai tamym bo. Jerusalem mary ly hawi y keh nai kamngo sa nai deaungkho y, mymy ai mymy naimy chai hai y nai ne.

TANGAM NAI LEU 2:16

Nang i paleung ka-e bawibawichi ly nang ai panui hai iy, niu ngai y nai paleung hawimy, khen u kalingie bo. Nichi ly labeaung pi naimy notareang mie iy, “Ni ai achi my taphra veng bo! Hini kani ly achi i ajeng jo nai kani ne he!,” nanai thui u nai ne.

TANGAM NAI LEU 2:6

Mymy ly achi i chiu nai Achura yhm ai ly deihpiu pa-rei taphra vui. Mymy ly reita pawi kanichi hawi, anawn kanichi ai tem hai vui bo. Samrang hawi pathyp pi nai keungchi ly vanrei naimy mymy i kado theu nai avum u nai ne.

Ezekiela 16:13

Nang ly muku tangkachi ateaung iy, kanih mai ka-syn ateaung, kaseaung pau mawi thun nai ateaung hawi, vang kateng ateaung alangchi ateaung jojo ai nai nga bo. Nang ly hawi keh nai tako dei hawi sa nai tako, khawi hang hawi olive asitui cha ai nai nga bo. Nang i mo-cha hawi nai ly sadipa-la nanai y, nang ly samrangnu lawm bo.

Ezekiela 16:14

Kai ly nang ai mo-cha khri pa-rei kahawi palum pi nai deaungkho y, nang ly cheh ai naira amjy tariurei by y pa-rei mo-cha hawi na. Huna nai nang i mo-cha hawi nai ly pri tleirei y amthang bo,” napi. Hini ly sa thai naira angym nai Areng i thui nai leu ne.

Ezekiela 23:32

Sa thai naira angym nai Areng my leu pei nai ly “Nang ly ngamjo neampachy i khau nei ai nai tla; huni khau ly len i taku py thiu. Nang ly khumi luteng i thui tamawn nai hawi, panui hai nai avum ai; huni khau ly kawi tup na.

Ezekiela 25:6

“Sa thai naira angym nai Areng my leu pei nai ly: nangchi ly kiu tabeang iy amo theu nai sarai u. Israela pri ai paso u nai ne.

Ezekiela 5:15

“Kai ly nang i tlang tleaung y khri pa-rei kado theu hai iy, no-ei pa-rei kang pajeng nai khala, tengpang sahawi i khumi cheng cheaungkhangchi ly jei athengra naimy, nang i amso ngai nai niu iy ang panui hai ai.

DANIELA 9:16

Aw Areng, nang ly vaichi khala y kaichi ai kry nai ne. Hunai deaungkho y Jerusalem mary ai kado theu hai bi moh kyh ba. Huni mary ly nang i mary, nang i mawi kachai ne. Kaichi i kamngochi hawi amsi pajochi i sa tamang nai molam y, saleaung deaungpa prichira i khumi bawibawichi ly Jerusalem mary hawi nang i khumichi ai khen nau nai ne.

MIKHA 6:16

Nangchi ly samrang Omari hawi, ni i chapo samrang Ahab nini i hawi y sa nai nithun abang u nai deaungkho y, huni phra naira avum u ai. Khumi lutengchi my nangchi ai thui tamawn u ai. Khumi cheaungkhangchi ly nangchi ai panui hai ai,” napi.

NAHUM 3:19

Nang i angvawi i vui asi by y. Nang i tamo kalemchi ai py hawi pa-rei so thai y. Nang i phra nai satang thai nai khumi bawibawichi ly amo theu naimy kiu tabeang u bo. Amimi py, pata pajau y na pa-rei nang i ana pumpi nai sai avum y nai ha py by y.

ZEPHANIAH 2:15

Hini ly amymy ai sa thai naira awm bo, nanai py, chymme naira awm bo, nanai py, athang khai nai mary i avum ai nai khym taham ne. Huni mary i khumichi ly mymychi i mary ai, khaileaung pri y len keh, nanai athang khai u bo. Huni mary ly daichi tawnbawichi anawnra lawm iy, mana tanrei khumi angso savai tlang na ai mo? Huni sahawi mang tako nai khumi bawibawichi ly athengra iy, nithun mang y anaw u vui na ai.

MATTHAI 27:39

Naibaly aleaung nai khumichi my ly lu thiu hai iy,

MARKA 15:29

Naibaly aleaung nai khumichi my ly lu thiu hai iy, “Ha! Nang, achura yhm kalen pui aphrei iy kani thomrei nai sala y sa teang nai keung,