TANGAM NAI LEU 2:12 - Khumi Common Language Bible

¹² Nichi ly kajeu alam, tui ahai nai deaungkho y, amhmchi teng y vo u. Nichi ly tamochi nga nai kamta, lamchira y atlym u i, amhmchi i paleung tleaung y dei u dudu bo.

TANGAM NAI LEU 2:12 ပူးပေါင်းရင်းမြစ်များ

JOBA 30:16

Vai, kai ly deivi na bo. Kai i avum nai no patangra ly hawi kyh naira by y.

SAM 42:4

Amo theu khulym thui naimy Tameuh ai palo iy, Tameuh i yhm mang y chei nai khumi mipuichi awi, kaimy kapahawi nai pany jo nai khala, kai ly paleung ama nai ne.

SAM 62:8

Khumichi awi, Tameuh ai ly ym u jojo; nangchi i patang naira bawibawi ai, mymy teng y amti pi u; mymy ly achi i abyhra ne.

ISAIA 51:20

Nang i khumichi ly atho di nai molam y, lam sangum tleirei y atlym u bo. Nichi ly mawi sara i pyra y man nai sisiu kamta atawm ai. Nichi ly Tameuh i kado theu nai haiho avum u ai.

ISAIA 53:12

Hunai deaungkho y kai ly ni ai tahm asang nai khumi, sa thai naira awm nai khumichi hawi vanrei, tahm teng nai meingtymra y pei ai. Ni ly mymy i tlang ai pasai y naimy apei iy, khumi hawi y naichi i taham si nai kham pi. Ni ly kamngo sa naichi i jeng y huni khumichi hawi ataing nai kamngo amtym pi iy, nichi i kamngo lawi ai nai chiu sa pi bo,” napi.

JEREMIA 5:17

Nichi ly nangchi i thengthaichi hawi teicha teineichi cha nei iy, nangchi i cho chanauchi ai tleh u ai. Nichi ly nangchi i beram kanghu hawi si kanghuchi cha u ai. Nangchi i kreip keungchi hawi thaidu keungchi taphra pawn ai. Nichi i tavaimi kamkawm ly nangchi i a-ym nai amtangra mary kakhawchi taphra pi pawn ai.”

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

TANGAM NAI LEU 4:4

Nichi ly mychi i kanu kanei deaungdichi ai, biu kanglam tui kanghai khai iy, dei hai bo. Cho deaungdichi ly teicha teinei hnei u teu ly nichi ai ami py pei pi y leang.

Ezekiela 30:24

Hunaibaly Babulon samrang ai atho len hai ai i, ni i kiu y kai i haisau au ai. Na i py Aikupta samrang i kiuban ai ly kakhei vui ai. Ni ly vo tangam naimy mymy i paleung ka-echi i mo y dei ai.