TANGAM NAI LEU 2:11 - Khumi Common Language Bible

¹¹ Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 2:11 ပူးပေါင်းရင်းမြစ်များ

JOBA 16:13

khuteng taki palyh dengdairei, thailiho hawi ang ko; Huni thailiho chynchi ly kai ai prileu na pa-rei, tamo nga hai bo. Na i py mymy ly kai ai pahen y leang rai.

JOBA 30:27

Kai i paleung pathym bi nai kamtang hawi my, paleung ama na bo. Kai ly ngari kamtangchi kani tlei tleirei avum.

SAM 119:82

“Kai ai mana khala sabawm ai mo?,” nanai kang deng nai khala y, nang i adeu nai ai ajeng nai ly kai i meichi khohai na bo.

SAM 22:14

Kai i atho ly khaileaung y beu nai tui kamta phuirawm veng bo. Kai i hiu bawibawichi ly athlengthlai pawn bo. Taku theung i paleung pakawi ly tlawn vui nai phajeaungdeng kamta lawm bo.

SAM 31:9

Kai ly patang naira avum nai deaungkho y, aw Areng, kai ai pahen kyh ba. Kai ly khri pa-rei kavo nai deaungkho y, kai i mei ly pachau na bo. Kai i hiuchi malawn py raw be bo.

SAM 38:8

Kai ly paleung ka-dawn akawm i, atho bai nai khikhe na bo. Kai ly paleung akawm naimy no patang nai y, tangam nai ne,

SAM 6:7

Paleung ka-echi molam y vo nai ly kai i meichi bau na bo. Khen i py hawihai palai niu pajau y leang bo.

SAM 69:3

Sabawmra nga ai nai ka-eu nai deaungkho y, kai ly atho bai na bo; kai i tao ly no bo. Nangmy sabawm ai nai angdeang ala nai deaungkho y, meichi py khohai na bo.

ISAIA 22:4

Vai ly kai ai, kaimy tlairei khrikhri pa-rei kavo ai nai pei kyh. Kai i khumi neangneangchi ly dei u pawn lawh bo i, kai ai paleung pahawi ai nai atho so moh jau ba.

ISAIA 38:14

Kai i raawi ly ahyn thlyhthlyh na; kai ly buhu kamta katangam bo. Kani mang y khen angdeang nai nawi ala nai deaungkho y, kai i mei khohai na bo. Aw Areng, hini patangra i nai kai ai atleu pi kyh ba.

ISAIA 51:20

Nang i khumichi ly atho di nai molam y, lam sangum tleirei y atlym u bo. Nichi ly mawi sara i pyra y man nai sisiu kamta atawm ai. Nichi ly Tameuh i kado theu nai haiho avum u ai.

JEREMIA 14:17

Kai i paleung mawn nai sai khumichi teng y, hina nai thui pi ai nai Areng my leu pei nai ne. “Kai i meichi ly vum kani avaw y naimy, meikatui tlo na sy. Kai i chengchi ly khri pa-rei tamo kalem nga iy, khri pa-rei no patang nai deaungkho y, mana khala py vo nai anawn y naimy awm sy.

JEREMIA 4:19

Kai i paleung pathym no-ei na! kham pajau y na pa-rei no-ei na! Kai i paleung khri pa-rei ahyn thlyhthlyh na! Kasa them nai bo! Kai ly awm py thai y bo. Baw eng nai katyn hawi tavai tiu aeu nai raawichi py kathai bo.

JEREMIA 44:7

“Hunai deaungkho y Israela chengchi i Tameuh, ati cheaungkhang sa thai nai keung kai, Areng my, nangchi ly ati mana nai y nangmychi i tlang tleaung y hina nai ka-jeira tym pa-rei, hawi y naichi sa u lawh mo? Nangchi ly nangchi i cheng myh ai nai neampacho, neampachy, deaungdichi hawi, kanu nei thym naichi ai tama hai ai nai ngai u lawh mo?

JEREMIA 8:19

Tangai u! Khri pa-rei palo parai nai pri takhra y awm nai kai i khumichi i vo hang nai raawi kathai bo. “Areng ly Zion mary y awm y lawh a? Zion mary i samrang ly huni mary y awm y lawh a? Nichi i samrang Areng my, “Nangchi ly ati mana nai y mynchi hawi cheng takhrachi i tameuhchi ai chiu nai hawimy kai ai kado patheu u lawh mo?,” napi.

TANGAM NAI LEU 1:11

Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

TANGAM NAI LEU 1:16

“Hunai deaungkho y kai i meichira i, mei katuichi leaung bo. Kai ai ami py awmnem naira pei pajau y. Ami py paleung atho ham pa-rei pei pajau y. Paleung ka-echi ly kaichi ai ang pajau u vui bo. Kai i khumichi teng y py, yhmtheaung katui ati sai py by y leaung bo.”

TANGAM NAI LEU 1:20

“Aw Areng, Kai i paleung bi paleung mawn nai py, kai i paleung phailo khri pa-rei patang naira avum nai py, khen cham. Kai ly kaimy i kamngo nai molam y, paleung mawn nai ne. Lam y khumi ai padei nai avum; yhm angtheung y py, deira avum nai bo.”

TANGAM NAI LEU 5:17

Kaichi ly paleung phra iy meikatui angdeang nai deaungkho y, kaichi i mei ly khen nai niu pajau y na bo.

LUKA 23:29

Khen cham, neng tym ai i, huni kani y ly, ‘Neampachy teng naichi hawi, deaungdi aneng vai y nai kajeuchi hawi, deaungdi nei vai y nai kanuchi ly tahm hawi,’ napi ai.

1 SAMUELA 30:4

Davida hawi my i khumichi ly atho bai nanai pa-rei vo u bo.