TANGAM NAI LEU 2:10 - Khumi Common Language Bible

¹⁰ Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

TANGAM NAI LEU 2:10 ပူးပေါင်းရင်းမြစ်များ

2 SAMUELA 13:19

Tamar ly my i lu y maidym aphui i, ateaung py sei iy meimai y kiu hawi atamym naimy, vo nai tarawi y theu jo bo.

ISAIA 15:3

Lamchira y awm nai khumichi ly paisiu akhiu u nai ne. Khaileaung ka-hochi hawi yhm amphuchi salo y py, paleung si nai patei iy vo u bo.

ISAIA 3:24

Nichi ly rimui kamui amseaung y naimy, kaveaung kamui amseaung ai. Apu parai nai khobaichi jeng y, vuinawnchi teaung u ai nai tla ai. Khen apu parai nai samteungchi jeng y, lu tabiuliu nai awm u ai. Apu parai nai ateaung alangchi jeng y, ateaung kamawnchi ateaung u ai nai tla ai. Nichi i khrei ai hawi parai nai areaung py, kangji awm nai mang y amtlau vui ai!

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 36:22

Naibaly Elijakim, Shebana hawi Joahchi ly paleung si paleung mawn naimy, mychi i ateaungchi sei iy Asuria tavailu areng i leu ai, samrang teng y chei iy amti pi bo.

ISAIA 47:1

Areng my, “Aw, Babulon mary napi nai neampachy awi, nang ly samrang atehra tleaung i dengdairei satla iy, khaileaung y ateh. Vaichi khala nang ly phrumai avum vai y nai anglo lengmyn, sum vai y rai nai mary ne. Na i py vai, nang ly paleung nau nem nai khumi ny y leang bo! Vai, nang ly miseaung lawm veng bo!

ISAIA 47:5

Areng my Babulon mary teng y, “Tyn teng y nai vengra y ateh. Khumichi ly nang ai, khumi cheng cheaungkhangchi i samrangnu, nanai palau u bi ai ny y!

JEREMIA 8:14

Tameuh i khumichi my, “Achi ly ati mana nai y ateh u tliu lawh mo? Jeu u ly amtangra marychi mang y angpreng iy, achi dei u sina. Achi i Areng Tameuh ly achi ai dei hai bo. Achi ly mymy i tlang tleaung y kamngo sa nai deaungkho y, mymy ly achi nei ai nai dei asi abawi nai tui panei bo.

TANGAM NAI LEU 1:1

Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 1:4

Khai takhra nai pawi neng kani khala, chiu sa ai nai Achura yhm y chei nai khumi py by y. Achura yhm y khulym thui nai anglochi py, paleung si paleung mawn naimy awm u bo. Naibaly pathyp pi nai keungchi py, vo tangam nai ny y baly ati sai py so u thai y. Mary katheuchi ly khumi savai angau na bo. Zion mary ly patang naira avum bo.

TANGAM NAI LEU 3:28

Achi patang naira avum nai thym khala kham tanga iy, amy tlairei tym teang y naimy, ateh jo ai nai tla.

TANGAM NAI LEU 4:16

Areng ly nichi ai dawndan pi y nai deaungkho y, mymy ly nichi ai ahei hai phro nai ne. Kaichi i pathyp pi nai keungchi hawi lu sa nai keungchi ai py tahm khai y, meimai khen y leang bo.

TANGAM NAI LEU 4:5

Teicha teinei kahawi kehchi cha nei u reng nai khumichi ly lamchira y kajeu alam naimy dei u. Tlamsa naimy tleaungri acheang u naichi py, anyn angso theung y kiu hawi kalai iy, teicha hau u bo.

TANGAM NAI LEU 5:12

Paleung ka-echi ly kaichi i luchi ai patiu iy, akaeura y bang u bo; nichi ly miteaungchi ai py, tahm khai u y.

TANGAM NAI LEU 5:14

Miteaungchi ly mary apai pa-kho sahawi y ateh u y leang bo. Thawndeang deaungdichi py, katyn kapauchi beu u y leang bo

Ezekiela 27:30

Nichi ly mymychi i lu tleaung y spryhchi aphui iy speung y jawn u i, nang i vui khrikhri pa-rei vo tangam u bo.

Ezekiela 27:31

Nichi ly nang i tlang tleaung y tym nai sai niu u i, sam avau biu iy paleung si paleung mawn nai ka-ma-ra y paisiu apam u. Nichi ly paleung si nai khrikhri pa-rei vo hang u bo.

Ezekiela 7:18

Nichi ly paisiu akhiu iy ngan tlang verei kaso tahyn theu u ai. Lu tabiuliu iy kangji kangai nga u ai.

JOELA 1:8

Nangchi khumichi awi, angam yb nai juvo dei pi veng nai deaungkho y vo tangam nai anglo kamta, vo tangam u.

AMOS 5:13

Hina tanrei hawi y nai deung y, khumi kahawi i leu amkyn vui nai ly lyh ai nai by y.

AMOS 8:13

Huni kani y no-na by y iy atho awm nai thawndeang hawi anglochi malawn py, tui ahai phi nai deaungkho y atlym u ai.

AMOS 8:3

Huni kani y samrang yhm i khulym thui nai raawichi ly vo nai raawichi mang y lawm vui ai. Meingtym tleirei y kadei veuchi awm ai i, huni veuchi ai kangviu y aphi u ai,” nanai leu pei bo.

JONA 3:6

Huni satang ai Ninevi samrang my thai nai khala y, samrang atehra i nai ang thau i, samrang ateaung aleng vui iy paisiu amchiu bo. Naibaly maidym theung y ateh nai ne.

JOSUA 7:6

Josua hawi Israela lu sa naichi ly paleung bi nai y, mychi i ateaungchi sei u i, Areng i Leu Maikawm Pawm mo y paleung si nai, mychi i lu y spryh aprawn u naimy, kani dym pa-rei ambeu u bo.

AMTENG HAI NAI 18:19

Naibaly nichi ly lu y spryh athi iy vo nai hawi paleung mawn naimy, ‘Huni avang pui ly taham si! taham si! Hunira y ly pangli paleaung keung ngiereichi ly huni i nang naira deaungkho y nang ra nang ra veng bo! Tanarei sala chy y huni ly ati sai py ny y nai palawn na ly,’ nanai aeu u bo.