TANGAM NAI LEU 1:9 - Khumi Common Language Bible

⁹ Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

TANGAM NAI LEU 1:9 ပူးပေါင်းရင်းမြစ်များ

2 SAMUELA 16:12

Areng ly kai i patang nai niu nai deaungkho y, huni khumi i pasawi nai jeng y, amtheaung naira ang pei tang ang pei lym ai,” napi.

2 ARENG KEH 14:26

Areng ly Israela chengchi avum nai khri pa-rei ngari patang nai niu bo. Nichi ai sabawm ai nai khumi leaungrei py by y.

NEHEMIA 9:32

“Aw Tameuh, kaichi i Tameuh, nang ly khri pa-rei tahm asang parai na ly! Khri pa-rei jei hyn ai nai hawi iy, sa thai naira len parai na ly! Nang ly nangmy i Leu Maikawm molam adeu naichi ai ka-ym awm naimy kry bo. Kaichi ly kaimychi teng y Asuria samrangchi my ana kali kachi nai neng dengdairei, vaini khrairei ngari kamtang ka-vum u na bo ly! Kaichi i samrangchi, lu sa naichi, pathyp pi nai keungchi, amochi, kaimychi i amsi pajochi hawi mipui bawibawichi ly ngari kamtang avum u bo. Kaichi mana tanrei ngari kamtang avum mo, nanai pany pi jo kyh ba!

SAM 119:153

Kai i patang nai saichi khen pi cham ly atleu kyh ba; ati mana nai mo nabaly kai ly nang i reita leu dawn y naimy awm ai ny y.

SAM 140:8

Aw Areng, khumi aso y naichi i kangai angym hai moh kyh ba; nichi i katau hawi y naichi ly eaung ai nai pei moh kyh ba.

SAM 25:18

Kai i avum nai rai nairachi hawi patang nairachi pany pi iy, kai i kamngochi pahen pi kyh ba.

SAM 69:21

Kai kajeu alam nai khala y, paleung ka-echi ly dei asi pacho u bo; tui ahai nai khala y, kreip hang katho panei u bo.

THEU NAI 3:17

Kai ly nangchi ana naira avum nai Aikupta pri i dengdairei nangchi ai pahawi iy, Kanan cheng, Hiti cheng, Amori cheng, Perizi cheng, Hevit cheng hawi Jebusi chengchi i awm nai pri y pahawi ai. Huni pri ly khaileaung hawi iy teicha teinei avaw y nai ne, nanai amti pi.

THEU NAI 3:7

Naibaly Areng my, “Kai i khumichi ly Aikupta pri y ngari kamtang avum nai kaniu khyp bo. Nichi ai kalop sa hai nai keungchi my ana patang hai nai kham pajau y nai deaungkho y, nichi vo hang iy, kasabawmra hnei nai raawi kai ly thai bo. Kai ly nichi i patang nai kaniu angchi khyp bo.

THEU NAI 4:31

nichi ly thui pi nai ngiereichi ym u bo. Areng ly nichi teng y jeu iy, nichi i tlang tleaung y ana patheng nai sai pany pi bo, nanai thai nai khala, nichi ly Areng ai lu meung iy chiu u nai ne.

Parip nai leu 4:1

Naibaly kai ly hini khaileaung pri i adyh adawi y nai sai kakhen lawh bo. Ana patang naira avum nai khumichi ly vo u; nichi ai sabawm ai nai khumi leaungrei py by y. Ati mana nai mo nabaly nichi ai ana nai khumichi ly sa thai naira awm nai deaungkho y ne.

ISAIA 3:8

Jerusalem mary ly taham si lawh ly! Juda pri py phra lawh bo ly! Nichi i sa nai ngiereichi hawi, thui nai ngiereichi ly Areng hawi ka-awi naini lawm nai ne. Nichi ly Tameuh kypkyp ai mei aniu y nai sa nai ly amthang leaung na bo.

ISAIA 37:17

Aw Areng, vai kaichi i hnei nai tangai pi kyh ly kaichi ai khen ba. Tameuh kangheng napi nai nang ai thui tamawn nai keung Senakheri i thui nai ngiereichi tangai cham.

ISAIA 37:23

Nang ly ami ai cheh nai mo, nanai nang pany a? Israela chengchi i chai parai nai kai, Tameuh ai tahm khai y nai ne.

ISAIA 37:29

Nang i kado theu nai, amlyh am-e naichi ai kai ly kapany nai ne. Hunai deaungkho y kai ly nang ai notareang pakau iy labeaung pakau chum baly, jeu nai lam mang kang vawi hai ali teang ai.”

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 40:2

Jerusalem mary i khumichi ai atho pei u. Nichi ly ngari kamtang kra parai pa-rei avum nai deaungkho y, nichi i kamngochi ai vai, kaimy pahen pi bo, nanai nichi teng y thui pi u. Kai ly nichi i kamngo nai ai pajeng nai tym angym hai bo,” napi.

ISAIA 47:7

Mymy ly samrangnu lawm jo naimy awm ai, nanai athang khai i, hini atitichi dawndan y. Hunichi ati mana tem ai mo, nanai py dawn y.

ISAIA 51:19

Nang ly ka-jeira phy nyhrei avum bo. Nang i pri ly tavai takai molam y phra pawn bo. Nang i mary i khumichi py, teicha teinei alam u bo. Nang ai tamen nai paleung ang khai nai leaungrei py by y.

ISAIA 54:11

Areng my, “Aw Jerusalem mary, patangra tym iy jeaungmang nai mary ne nai, awm hai nem nai keung leaungrei py by y nai mary awi, kai ly langdengchi ai, vang kateng lengseaungchi hawi sa palai teang ai.

JEREMIA 13:27

Areng ly mymy i amso ngai naichi ai nangchi sa nai niu. Nangchi ly yhm deaungpa i aju ai ngai tahau nai kamta, keaungngo nu ai keaungngo katai my po chiu nai kamta, mawi aheungchi hawi adym angdengra y kangji nang y naimy, bima kalop sa u bo. Jerusalem mary i khumichi awi, nangchi ly taham si! Nangchi ly mana khala y chai u ai mo?

JEREMIA 16:7

Nangmy tamen nai khumi leaungrei dei nai molam y paleung awmnem hai ai nai ami py sikeung hawi vanrei cha nei ai ny y. Amhm ampo dei nai khumichi malawn py, ami py pahen naira amteng pi ai ny y.

JEREMIA 2:34

Yhm ateng vau iy paviu nai molam y nangchi my patiu ai nai ngo y i py, huni khumi kamawnchi, kamngo by y nai khumichi i thi hawi, nangchi i ateaungchira y abawi hai u nai ne.

JEREMIA 48:26

Areng my, “Moba pri ly kai Areng ai tiu nai deaungkho y, huni pri ai pavui hai u. Ni ly my i amleura y jawn tlawntlan ai. Khumichi my py ni ai panui hai ai.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

JEREMIA 50:29

“Babulon mary y tiu ai nai thailiho pa nai khumichi ai thui pi u. Thailiho teaung kawp nai khumi ngiereichi ai pato u. Mary ai katan u meuh; leaungrei py tleaung moh sy. Huni mary i khumichi ai vawitheung tha u. Nichi ly khumi takhrachi ai sa nai kamta, nichi ai py so u teang. Ati mana nai mo nabaly nichi ly Israela chengchi i chai parai nai keung kai ai amlyh am-e naimy ka-awi sa u nai ne.

TANGAM NAI LEU 1:17

“Kai ly kaimy i kiuchi jaha teu i py, kai ai sabawm ai nai khumi leaungrei py by y. Areng ly kai ai tiu ai nai, tengpang sahawi tleirei mang i paleung ka-echi ai palau bo. Nichi ly kai ai amso ngailai ai nai hawi, nanai dawn u.”

TANGAM NAI LEU 1:21

“Kai i tangam nai raawichi tangai pi ba. Kai ai awmnem naira pei pajau nai khumi leaungrei py by y. Nang ly kai ai khri pa-rei ka-jeira avum hai nai deaungkho y, paleung ka-echi amo theu u nai ne. Nangmy i leu adeu nai neng kani tym hai kyh ba. Paleung ka-echi i tlang tleaung y kai kamta, patang naira avum hai kyh ba.”

TANGAM NAI LEU 2:13

Aw Jerusalem mary, kai khrei keh nai mary, kai ati kathui ai mo? Awmnem naira mana kapei ai mo? Ami py huna nai kamta patang naira ly avum vai y leang. Nang i patang naira ly suida pangli kamta, pata ai nai by y na pa-rei kau parai; athang khai naira py by y leang bo.

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

TANGAM NAI LEU 5:1

Aw Areng, kaichi teng y tym naichi ly ati mana nai leaungsaichi mo, nanai pany pi jo kyh ba. Kaichi ai khen kyh ly kaichi i tahm anem nai sai niu pi kyh ba.

HOSEA 2:14

Hunai deaungkho y kai ly ni ai daichi ka-vym mang y hawi ali teang iy, huni meingtym y kai teng y ali teang ai nai, tamen nai leu hawi kapahawi ai.

ZEPHANIAH 2:10

Huna nai kamta Moba hawi Ammon khumichi ly mymychi i paleung len nai, amlyh am-e nai hawi ati cheaungkhang sa thai nai Areng i khumichi ai, mei aniu y nai molam y pajeng naira avum u ai.

JOHAN 11:19

Hunaibaly mymy i ampro dei nai deaungkho y nini ai awm hai nem ai nai, Judachi neangneang ly Mari nini Martha teng y tym bo.

Leu Thui Nai 26:7

Huna nai khala kaichi ly amsi pajochi i Areng Tameuh teng y kasabawmra nga ai nai aeu naimy takeng u nai ne. Mymy ly kaichi i takeng nai pathang pi iy, kaichi i patang nai hawi ngari tla naichi ang niu pi bo.

Leu Thui Nai 32:27

Na i py nichi i paleung ka-echi ly mymychi i haiho saho y kai i khumichi ai eaung nai ne, nanai amlyh am-e ai nai kapei ai ny y.’

Leu Thui Nai 32:29

Nichi ly ati mana nai y tavai sum u nai mo, nanai pany u y; ati mana nai deaungkho y mo, nanai py dawn pajau y.

I PETERA 4:17

Tara chih ai nai ly Tameuh i dengtheungchi theung y amteaung ai neng veng bo; naibaly achi teng y malawn py amteaung man baly, Tameuh i Satang Kahawi patawm y naichi i tem naira ly mana tanrei awm ai mo?

1 SAMUELA 1:11

Hannah my, “Ati cheaungkhang sa thai nai Areng, nang i miseaung kai ai khen kyh; nang ly kai i patang nai sai pany pi kyh! kai ai tami mo kyh ba! Nang ly nang i miseaungnu teng y chapo pei ai nabaly, ni ai heng nai ryrei nang teng y kang-au ai; ni i sam mana khala py vau hai y ai,” nanai vaineng abeu naimy adeu bo.