TANGAM NAI LEU 1:6 - Khumi Common Language Bible

⁶ Jerusalem mary i sareaung hawi nai sai ly jangni deung i awm nai sai harei kamta lawh khyh bo. Ni i lu sa nai keungchi ly musychi kiu i tleaung ai nai angpreng nai sisiuchi hawi atawm. Nichi ly atho kheihvi na bo i, teicha tlai ai nai sui tlai naira hau pajau y na bo.

TANGAM NAI LEU 1:6 ပူးပေါင်းရင်းမြစ်များ

2 ARENG KEH 19:21

Areng my leu pei nai ly “Nang Sennakheri awi, Jerusalem mary ly nang ai khen iy panui hai bo.

2 ARENG KEH 25:4

Huna nai khala tavaimi risa bawibawichi ly mary apai taphra iy, vum y preang u. Nichi ly samrang i akho bai lam mang tako prei nai, mary apai nyhrei sala i katheu pa-kho mang theu u iy, Jordan leaunghawi mang y angpreng u.

2 ARENG KEH 25:5

Na i py Babulon tavaimichi ly hui u nai, Jeriko mary sahawi i adymra y kai i, samrang Zedekiah ai patiu bo. Zedekiah i tavaimi risa bawibawichi ly mymychi i yhmkeung ai khai su iy angpreng u bo.

SAM 50:2

Tameuh ly khrikhri pa-rei apu parai nai mary pui, napi nai Zion mawi mang dengdairei kangvang sangso ko bo.

SAM 96:9

Chai parai nai keung ang jeu nai khala y, mymy i mo y lu meung u; khaileaung pri khumi bawibawichi awi, mymy i mo y jei kaji u!

ISAIA 1:21

Vaichi khala ka-ym awm nai mary ly vai i neng y bimanu kamta lawm veng lawh bo ly! Vaichi khala huni mary theung y khumi kahawichi awm u nai ne teu i py, vai ly khumi ai padei naichi naini awm khyh bo.

ISAIA 12:6

Zion i khumi bawibawichi ai palo nai khulym thui hai u! Israela chengchi i chai parai nai Tameuh ly nang parai nai ne iy, mymy i khumichi theung y awm nai ne.”

ISAIA 4:5

Naibaly Zion mawi hawi huni meingtym y awm achu nai khumi bawibawichi tlang tleaung y, Areng ly kanithun y tamai, vum y maikhyh hawi maiteaung pato pi ai. Tameuh i nang parai nai ly mary verei y khiu iy ama hai ai.

JEREMIA 13:18

Areng ly kai teng y, “Samrang hawi my i amhm i apu parai nai areng lukhymchi ly mychi lu i nai tla pawp veng bo i, nichi teng y mymychi i samrang atehra i nai satlo u sy, nanai thui pi.

JEREMIA 29:4

“Israela chengchi i Tameuh, ati cheaungkhang sa thai nai keung Areng ly Jerusalem mary i dengdairei, Babulon mary mang y pri pala nai khumichi teng y,

JEREMIA 47:3

Nichi ly keaungngo muiken katynchi hawi keaungngo ka-ri amli nai katynchi thai u ai. Ampochi ly mychi i cho chanauchi ai khen ali y. Nichi i kiuchi py atho kheih i, tla thlawi pawn ai.

JEREMIA 48:41

Marychi hawi amtangrachi ai ly peang vui ai. Huni kani y Moba tavaimichi ly deaungdi tapen ai nai achai nai neampachy kamta, jei hyn u ai.

JEREMIA 52:11

Hunaibaly Zedekiah i meichi tha hai iy, ni ai Babulon mary mang y hawi ai nai sengkry hawi pakheng hai bo. Zedekiah ly dei pa-rei, Babulon mary i theaung theung y awm nai ne.

JEREMIA 52:13

Ni ly Achura yhm hawi samrang yhm ai py, Jerusalem mary y aly len nai khumi bawibawichi i yhmchi ai py, mai leng pawn nai ne.

Ezekiela 24:21

mymy ly mymy i leu pei nai ai nangchi Israela chengchi teng y thui pi ai nai kai ai pato nai ne. Nangchi ly Achura yhm khaw nai ai amlyh u bo. Achura yhm khen ai nai ngai, Achura yhm y chei ai nai ngai; na i py Areng ly huni Achura yhm y chai hai y ai. Jerusalem mary y awm rai nai nangchi i yhm dengtheung cho chanauchi py, tavai keung y dei u ai.

Ezekiela 24:25

Areng my, “Nang khumicho awi, vai kai ly nichi i amlyh ai naira, paleung amo theu ai naira lawm nai khaw parai nai Achura yhm ai nyn kava vui ai. Nichi ly huni Achura yhm khen ai nai hawi, huni Achura yhm mang y chei ai nai ngai u bo. Nichi i cho chanauchi ai py la pi vui ai.

Leu Thui Nai 28:25

“Areng my nangchi i paleung ka-echi ai eaung hai ai. Nangchi ly paleung ka-echi ai lam harei mang tiu i py tavai sum nai deaungkho y, lam takhrakhra mang preang u akyhkyh ai. Khaileaung pri verei i khumi bawibawichi ly nangchi i tlang tleaung y huna naichi tym nai niu khala, nangchi ai jei u ai.

Leu Thui Nai 32:30

Khumi leaung sangreichi ai leaungrei my, khumi leaung meaungkateaungreichi ai leaung nyhrei my ati mana nai tiu pajau nai mo? Nichi i Areng Tameuh my nichi ai khai su nai deaungkho y, nichi i ati cheaungkhang sa thai nai Tameuh my nichi ai sum hai nai deaungkho y ne.