TANGAM NAI LEU 1:15 - Khumi Common Language Bible

¹⁵ “Areng ly kai ai asa hai nai, atho ham parai nai risa bawibawichi ai panui hai. Mymy ly kai i thawndeangchi ai, tamyh pawn ai nai tavaimi kamkawm pato bo. Mymy ly kai i khumichi ai kreip hang nip ra theung i kreip athaichi kamta, teih hai pui nai ne.”

TANGAM NAI LEU 1:15 ပူးပေါင်းရင်းမြစ်များ

2 ARENG KEH 9:33

Jehu my nichi teng y, “Tuni neampachy ai nui praw!,” napi. Naibaly nichi my Jezabela ai ly nui praw i, thichi ly samrang yhm angpang y hawi keaungngochi salo y achen khrikhra na bo. Jehu ly Jezabela i veu salo y my i tavai ka-ri hawi amli iy,

SAM 119:118

Nang ly reita leuchi tangai y nai khumi bawibawichi ai khai su bo; huni khumichi i tapawp nai ka-dawnchi ly tyhtyh teu bo.

ISAIA 28:18

Nangchi ly dei areng hawi amsawi amnai asa nai taphra iy, tavau pri hawi ka-lyra nga nai py, taphra pawn ai nai tla. Ka-jeira ang tym nai khala y nangchi ly sum u ai.

ISAIA 41:2

Nisi pri mang i tavai eaung nai samrangai ami my hawi nai mo? Tym nai meingtym tleirei y ni ai ami my eaung ai nai pei mo? Ni ai samrang leilachi tleaung y py, khumi cheng cheaungkhangchi tleaung y py, ami my eaung ai nai pei nai mo? Ni i haisau ly paleung ka-echi ai spryh y ateng nai kamta ateng reng nai ne. Ni i thailihochi my py, huni khumichi ai ali my pakheang nai choh-ali kamta ahei hai reng nai ne.

ISAIA 5:5

“Kai ly huni kreip akhobai ai hina nai kasa ai. Huni akhobai apai taphra vui iy, lengseaung apai py panawi vui ai. Daichi mawichi tlai hai iy chiu hai piupa ai.

ISAIA 63:3

Areng my, “Kai ly khumi cheng cheaungkhangchi ai kreip athaichi kamta, ati piu veng bo. Ami py kai ai sabawm ai nai jeu y. Kai ly kado theu nai deaungkho y, nichi ai ati piu naira y kai i ateaungchi ly nichi i thi abawi nai ne.

JEREMIA 13:24

Areng ly khutaha daichi ka-vym mang ali aho nai theung y akheang nai choh ali kamta, nangchi ai ahei hai phro ai.

JEREMIA 14:17

Kai i paleung mawn nai sai khumichi teng y, hina nai thui pi ai nai Areng my leu pei nai ne. “Kai i meichi ly vum kani avaw y naimy, meikatui tlo na sy. Kai i chengchi ly khri pa-rei tamo kalem nga iy, khri pa-rei no patang nai deaungkho y, mana khala py vo nai anawn y naimy awm sy.

JEREMIA 18:21

Na i py aw Areng, Nang ly nichi i cho chanauchi ai kajeu kanglam y dei hai ly nichi ai tavai keung y sum hai ba. Neampachychi ai mymychi i juvochi, cho chanauchi hawi amprei hai ba. Neampachochi ai dei hai iy thawndeang ka-cheangchi ai tavai keung y sum hai ba.

JEREMIA 37:10

Nangchi ly nangmychi ai tiu nai Babulon tavaimichi vereichi ai tiu pajau iy tamo kalem nga naichi naini, mychi i kanih yhm y awm khyh bo na lawh teu i py, huni khumichi ly ang thau u iy, hini mary ai mai leng vui ai,” napi.

JEREMIA 50:26

Huni mary ai cheaungkhangra mang tiu u. Chohpaichi taphra u! Tiu lawmra i nga nai vawnsaichi ai, choh pakheng achu nai kamta pakheng achu u! Mary py taphra u! Ati sai py khai moh!

JEREMIA 51:34

Babulon samrang ly Jerusalem mary ai ateng piupa iy cha vui bo. Ni ly huni mary ai chy-y kamta pakeu vui iy, tuireng nam kamta pajawn vui bo. Ni ly mymy i ngai nai ngierei la iy huni bo i nai ly aphi su nai ne.

JEREMIA 6:11

Aw Areng, kai ly nang i kado theu naira my kawi i, am-yh pajau y na bo,” napi. Naibaly Areng my, “Kai i kado theu naira ai, lam y awm nai deaungdi tlang tleaung y py, tleaungri ka-cheangchi amkheng achu nai tlang tleaung y py tym hai ba. Aju juvochi hawi khri pa-rei miteaung acheang nai khumichi ly tleaung u ai ny y.

TANGAM NAI LEU 2:21

Miteaung deaungdichi ly lam y atlym iy dei u. Thawndeang anglochi ly paleung ka-echi i haisau tamo y dei u. Nang ly kado theu nai kani y pahen y naimy, nichi ai tleh chauchau bo.

TANGAM NAI LEU 3:34

Achi theaung tla iy paleung ka-dawn phra nai thym khala py, mymy ly pany pi nai ne.

DANIELA 3:13

Naibaly samrang ly khrikhri pa-rei kado theu nai deaungkho y, huni khumi leaung thomreichi ai mymy teng y, jeu hai ai nai leu pei.

JOELA 3:13

Nichi ly khri pa-rei khumi hawi y naichi ne; choh tyn nai neng khala y chohpui chomaw ai tyn nai kamta, nichi ai py so u. Kreip athaichi hawi kawi nanai athai nip nai angawmra i kreip hangchi lem nanai pa-rei, kreip athaichi ai ati nai kamta, huni khumichi ai ati u,” napi.

MIKHA 7:10

Huna nai khala, “Nangchi i Areng Tameuh ly ma mang y awm mo?,” nanai panui hai naimy deng u nai, kaichi i paleung ka-echi ly hinichi niu i, kangji nga u ai. Nichi ly sum u nai deaungkho y, lamra i aneaung kapan kamta chiu piupa nai, kaichi niu ai.

MALAKHI 4:3

Kai i tara chih ai nai neng kani khala y, khumi hawi y naichi ai eaung naira nga u ai. Nichi ly nangchi kheu padawi anui i spryh kamta lawm ai.

LUKA 21:24

Naibaly nichi ly haisau bo y dei ai i, cheng cheaungkhangchi teng y miseaung y hawi ai; naibaly Cheng Takhrachii neng angym y ryrei ly Cheng Takhrachi my Jerusalem ai ly chiu nai tli ai.

Leu Thui Nai 28:33

Nangchi kalop sa akawm parai naimy pati nai amti amjang bawibawichi ai pri takhra i khumichi my la pi vui ai. Nangchi ly ana panang nai bo baly ati sai py ngo u y ai.

HEBRAI 10:29

hunaibaly Tameuh i Chapo ai kheu anui y chiu nai, mymy ai chai hai nai leu maikawm thi ai ly atiti rumrang y palawn lawh iy, pahenra Phailo ai pangaw hai nai keung i tlang tleaung y ly mana tanrei pajeng naira ty keh nai patang ai nai ataing, nanai mana dawn u mo?

AMTENG HAI NAI 19:15

Naibaly cheng cheaungkhangchi ai tamo nga hai ai nai, mymy labeaung i dengdairei haisau kachiu theu bo; naibaly mymy ly nichi ai tamo cheaungvawi y peang ai: ni ly Atiti py Sa Thai Nai Tameuh i kado theu nai ka-teng ny y nai kreip athai ati nai angawm y ly ati nai ne.

TARA CHIH NAI KEUNGCHI 10:8

Nichi ly Jordan tavo nisi mang, Amori khu ka-peang Kilead pri y awm nai Israela chengchi ai, saneng holainyh ryrei ana u.