TANGAM NAI LEU 1:14 - Khumi Common Language Bible

¹⁴ “Mymy ly kai i kamngo bawibawichi pany pi jo nai ne. Hunichi ai pateungchup iy, kai i kaneaung y awi hai i, kai ly kamngo myn ji parai nai deaungkho y, atho bai na bo. Areng ly kai ai paleung ka-echi teng y au bo; kaimy py nichi ai tlau teang pajau y.

TANGAM NAI LEU 1:14 ပူးပေါင်းရင်းမြစ်များ

LEU KACHENG 5:22

Khumi hawi y nai i sa nai kamngochi ly deaung hawi atawm; huni khumi ly my i kamngo paleupy ra y man reng nai ne.

ISAIA 14:25

Kai ly kaimy i Israela pri theung i Asuria chengchi ai tamyh pawn iy, kai i mawi aheungchi salo y nichi ai chiu piupa ai. Kai i khumichi ai Asuria chengchi pho hai nai myn kaji hawi kamtang myn kajichi ra i nai lawi hai ai.

ISAIA 47:6

Kai ly kaimy i khumichi ai kado theu hai nai deaungkho y, kai i khumichi ny y nai kamta kapalawn nai ne. Nang i sa thai naira anui y khai bo. Na i py nang ly huni khumichi tlang tleaung y, pahen nai paleung khai y; miteaung kehchi ai malawn py, pahyp y nai ana u nai ne.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 27:12

Kai ly Juda samrang Zedekiah teng y py, hina nai kamta amti pi teang nai ne. “Nang ly Babulon samrang i peang nai anui y tamawi aseih ba. Huni samrang hawi ni i chengchi i miseaung y awm baly tlamsa naira nga ai.

JEREMIA 27:8

Na i py mani khumi cheng, ti y baly mani pri ly huni samrang i peang nai anui y awm y baly, huni khumi chengchi ai Nebukhadnezar my taphra y ryrei ly tavai ka-jeira, tahum takang hawi no kanghawichi hawimy kai ly pajeng ai.

JEREMIA 28:13

ananiah teng y chei ly “Nang ly dengkeaung hawi sa nai tamtleang khei vui pajau teu i py, mymy ly tamo tamtleang hawi theng ali teang ai.

JEREMIA 28:14

Israela chengchi i Tameuh, ati cheaungkhang sa thai nai keung Areng ly khumi cheng cheaungkhangchi tlang tleaung y tamo tamtleang ang tleang ai i, nichi ly Babulon samrang Nebukhadnezar i miseaung y awm u ai, nanai leu ang pei bo. Areng my daichi mawichi malawn py Nebukhadnezar i miseaung achei hai ai, nanai leu pei yb bo,” nanai thui hai nai ne.

JEREMIA 32:3

Samrang Zedekiah ly hu y kai ai theaung pala nai bo y, “Hini mary ai Babulon samrang teng y kapei ai; ni ly hini mary ai peang vui ai.

JEREMIA 32:5

Zedekiah ai ly Babulon pri y hawi vui ai i, ni ai chih y ryrei ly huni mary y awm jo ai. Ni ly Babulon chengchi ai tiu ali teu i py eaung ai ny y. Hini ly kai, Areng i thui nai leu ne,” nanai ati mana nai y thui lawh mo, na iy ang thui tamawn nai ne.

JEREMIA 37:17

Naibaly samrang Zedekiah ly kai ai samrang yhm y palau i, “Areng teng i leu pei nai sai sairei awm a?,” nanai kangviu y angdeang. Kaimy, “Awm chy, nang ly Babulon samrang i kiu y tym ai,” nanai kapathang pi.

Ezekiela 11:9

Nangchi ai mary angam mang y patheu iy, pri takhra i khumichi kiu y au ai. Kai ly nangchi ai dei pa-rei kang pajeng bo.

Ezekiela 21:31

Kai ly mai kangveaung kamta kai i kado theu naira ly nang i tlang tleaung y kang tym hai ai. Nang i tlang tleaung y pahyp y naimy ana nai keung, kataphra kawp nai khumichi teng y kang au ai.

Ezekiela 23:28

Sa thai naira angym nai Areng my leu pei nai ly “Kai ly nang i niu ngai y nai hawi paso nai khumichi kiu y, nang ai kang au ai.

Ezekiela 25:4

Huna nai nangchi amo theu nai molam y kai ly nisi mang i nupaichi teng y nangchi ai tiu hai ai. Nichi ly nangchi i pri y awmra taichi sa iy khuteng cha u ai. Nangchi i cha nai thengthaichi cha iy nangchi nei nai kanu py nei u ai.

Ezekiela 25:7

Ati mana nai mo na baly kai i kiu pheu iy nangchi ai tiu ai nai khumi takhrachi i kiu y kaimy pei ai. Kai ly nangchi ai tamyh pyn ai nai pa-rei kasa ai i, nangchi ly nangmychi i saleaung y awm ai nai nga u ai ny y. Khumi cheng harei kamta py angdo u pajau ai ny y. Huna nai khala kai ly Areng ne, nanai nangchi pany u ai,” napi.

HOSEA 5:14

Kai ly khrangsi kamta Israela khumichi hawi Juda khumichi ai tiu ai. Kaimy kypkyp my nichi ai dei lawm na pa-rei sei piupa iy khai su ai. Kai ly nichi ai ryh vui nai khala y, ami py nichi ai atleu pajau ai ny y.

MIKHA 2:3

Hunai deaungkho y Areng my, “Nangchi patang naira avum ai nai kaimy sa ai. Huni patangra i nai nangchi law tleaung pajau ai ny y. Nangchi ly patang naira avum u ai. Huna nai khala nangchi ly amlyh am-e u pajau ai ny y.

Leu Thui Nai 28:48

Hunai deaungkho y Areng my nangchi ai tiu ai nai pato nai paleung ka-echi i kalopchi nangchi sa u lawh ai. Nangchi ly kajeu kanglam, tui kanghai hawi tlang ka-keu naimy awm u ai i, cheaungkhangra y avaw u ai. Nangchi tama ai nai pa-rei Areng my nangchi ai ana kalikachi hai ai.