TANGAM NAI LEU 1:12 - Khumi Common Language Bible

¹² Ni ly tengpang sahawi i aki aleaung nai khumi lutengchi teng y, “Kai ai khen u cham! Hina nai kamtang ly awm vai reng a? Kai kamta patang nai ly leaungrei py by y leang. Hini kamtang ly Areng my kado theu i, kai ai avum hai nai patangra ne.

TANGAM NAI LEU 1:12 ပူးပေါင်းရင်းမြစ်များ

SAM 88:16

Nang i khri pa-rei kado theu nai ly kai ai tama hai bo; nang i ka-jei awm nai tiu naichi ly kai ai tama hai bo.

ISAIA 13:13

Ati cheaungkhang sa thai nai keung kai, Areng my kado theu hai nai khala, kani khusang ly amchyh neung ai i, khaileaung py awm kari ra i nai asyh vui ai.

JEREMIA 10:19

Jerusalem mary i khumichi my, “Kaichi ly khri pa-rei patang naira avum u bo! Kaichi i tamo kalemchi ly hawi lei ai ny y. Na i py patang naira ly kham pajau ai, nanai kaichi kadawn u lawh!

JEREMIA 18:16

Nichi ly hini pri y khumi angso savai tlang nai pri hawi, amso ngai hawi jojo nai pri lawm hai bo. Huni sahawi mang tako prei nai khumi bawibawichi ly dawn tamang tyh iy mychi i lu heng u ai.

JEREMIA 30:23

Mymy i kado theu nai ly khumi kamngochi i lu y aho nai ali kamchai hawi atawm. Huni kado theu naira ly mymy i sa ai tau nai ngiereichi so angym pajau y ryrei ly rym ai ny y. Hinichi ai mymy i khumichi ly mo mang i neng kani y, chaipyn naimy pany u ai.

JEREMIA 30:7

Ka-jei awm nai neng kani ly ang tym dudu bo; takhra mani kani py, huni kani hawi ly pata pajau y. Huni kani ly Jakob cheng ngari kamtang avum ai nai kani ne. Na i py nichi ly dei y naimy heng u ai,” napi.

JEREMIA 4:8

Hunai deaungkho y paisiu akhiu iy vo tangam u. Ati mana nai mo nabaly Areng i khri pa-rei kado theu nai ly Juda pri mang y patyp jo rai nai deaungkho y ne.

JEREMIA 48:27

Aw Moba pri, Israela pri khumichi ai nangmy mana tanrei panui hai mo, nanai pany jo ba. Nang ly nichi ai kangviu sara, damra kamkawm hawi vanrei patiu nai palawn iy ana nai ne.

TANGAM NAI LEU 1:18

“Na i py Areng ly leu meitang adyh adawi nai ne. Kai ly mymy i leu pei nai tangai y. Meingtym tleirei y awm nai khumichi awi, kai i leu tangai u; kai i patang nai khen u cham. Kai i chapo thawndeangchi hawi chaniu anglochi ly langheng y hawi nai avum u bo.”

TANGAM NAI LEU 2:1

Ar ly kado theu nai deaungkho y, Zion mary ai kaveng khiu hai vui bo. Huni mary i sareaung hawi nai sai ly kani mang dengdai khaileaung y khrairei tla iy phra seaungkhrang veng bo. Mymy i kado theu nai neng khala y ly mymy i Achura yhm py khai su nai ne.

TANGAM NAI LEU 2:13

Aw Jerusalem mary, kai khrei keh nai mary, kai ati kathui ai mo? Awmnem naira mana kapei ai mo? Ami py huna nai kamta patang naira ly avum vai y leang. Nang i patang naira ly suida pangli kamta, pata ai nai by y na pa-rei kau parai; athang khai naira py by y leang bo.

DANIELA 9:12

Nang ly nangmy i leu pei nai kamta, kaichi hawi kaichi ai peang nai khumichi ai kamngo pajeng bo. Jerusalem mary ai khaileaung pri i takhra marychi tleaung y, khri pa-rei kamngo pajeng nai ne.

JOELA 2:2

Huni kani ly veng khiu nai kani, veng cheng naimy khupanym kawi nanai kani ne ai. Mawi aheungchi ai khiu nai kaveng kamta, akhutama kanghu pui ly mo mang ang jeu dudu bo. Hina nai kamta ly mana khala py tym vai y; mo mang i neng y py tym vai ai ny y.

MATTHAI 24:21

huni neng khala y ly patang nai khri pa-rei awm ai; huna tanrei nai ly khaileaung palum angchei khala i dengdairei vai khrairei tlen py awm vai y rai, ne, awm py awm ali bi ai ny y leang bo.