TANGAM NAI LEU 1:11 - Khumi Common Language Bible

¹¹ Ni i khumichi ly teicha teinei hau naimy, kani tleirei tangam u bo. Nichi ly mymychi heng ai nai yhmtheaung katuichi ai, teicha teinei hawi katheung u bo. Huni mary my, “Aw Areng, kai ai khen kyh cha; kai i paleung mawn nai sai khen kyh ba,” nanai aeu naimy takeng bo.

TANGAM NAI LEU 1:11 ပူးပေါင်းရင်းမြစ်များ

2 ARENG KEH 6:25

Samari mary theung y cha nei takang. Keaungngo kano kasau lu harei nai y tangka chang vui tajarei, buhu eisirei nai y tangka chang tlau pangrei hawi van ai nai tla bo.

SAM 79:4

Tengpang sahawi y awm nai prichi my ly panui hai iy thui preaung u nai ne.

JEREMIA 15:19

Huna nai takeng nai khala y Areng my, “Nang ly kamngo uikheih ai nabaly, nang ai kawn leaung ai. Nang py kai i miseaung lawm ali teang ai. Nang ly vang teng y nai leu katheu y naimy tahm awm nai leu katheu lawh baly, kai i amo lawm ali teang ai. Khumi mipuichi ly nang teng y vawi u teang ai. Nang ly nichi teng y chei ai nai aly ngai y leang bo.

JEREMIA 19:9

Paleung ka-echi ly mary katanmeuh iy nichi ai tleh ai nai atho sa u ai. Nichi ly mychi tengtawi acha u ai. Mychi i cho chanauchi ai malawn py cha u ai,” nanai leu thui pi ai nai kai ai leu pei nai ne.

JEREMIA 38:9

“Samrang awi, hini khumichi i sa naichi ly tamang bo. Nichi ly Jeremia ai tuikan theung y pala u veng bo. Ni ly kajeu kanglam y dei angchi ai. Mary theung y py teicha teinei by y bo,” napi.

JEREMIA 52:6

Huni saneng palyh lo, kani takawrei kani y khri pa-rei cha nei takang nai deaungkho y, khumichi ly teicha teinei pipi by y bo.

TANGAM NAI LEU 1:8

Ni i tahm awm nai ly tama vui bo; ni ly tlang ka-keu hawi amso ngailai nai lawm bo. Ni ly tangam i, kaji nai deaungkho y, my i meimai tamym bo. Jerusalem mary ly hawi y keh nai kamngo sa nai deaungkho y, mymy ai mymy naimy chai hai y nai ne.

TANGAM NAI LEU 1:9

Ni i chai y nai sai niu hawihai pajau teu i py, ni ly my i avum nai khym taham ai dawndan y. Ni i phra nai sai ly ka-jei hawi parai na. Ami my py awmnem naira pei pajau y. Ni ai paleung ka-echi my pajau vui nai deaungkho y, ni ly pahen naira nga ai nai Areng teng y hnei takeng bo.

TANGAM NAI LEU 2:11

Kai i meichi ly vo ala nai deaungkho y, pajai na bo; kai i paleung phailo py, khri pa-rei patang parai bo. Kai ly kaimy i khumichi myh kang pawn nai molam y, paleung si parai naimy atho py bai na bo. Deaungdichi hawi deaungdi chymplei naichi ly mary theung i lamchira y paleung veang y naimy atlym u bo.

TANGAM NAI LEU 2:12

Nichi ly kajeu alam, tui ahai nai deaungkho y, amhmchi teng y vo u. Nichi ly tamochi nga nai kamta, lamchira y atlym u i, amhmchi i paleung tleaung y dei u dudu bo.

TANGAM NAI LEU 2:20

Aw Areng, khen cham rai! Nang ly kaichi ai, ati mana nai y hina tanrei pajeng lawh mo? Neampachychi ly mychi i khrei nai cho chanauchi i ngan cha u bo he! Pathyp pi nai keungchi hawi amochi ai py, Achura yhm theung y padei u pawn na bo ly!

TANGAM NAI LEU 5:1

Aw Areng, kaichi teng y tym naichi ly ati mana nai leaungsaichi mo, nanai pany pi jo kyh ba. Kaichi ai khen kyh ly kaichi i tahm anem nai sai niu pi kyh ba.