TANGAM NAI LEU 1:1 - Khumi Common Language Bible

¹ Vaichi khala y khumi neangneang kawi nanai Jerusalem mary ly mymy tlairei awm jo khyh na bo ly! Vaichi khala ly khaileaung pri vereichi my, tahm pasang naira avum teu i py, vai ly neampachy lumai hawi atawm veng bo. Mary leilachi theung y tahm awm keh nai mary ly miseaungra ang vum lawh bo.

TANGAM NAI LEU 1:1 ပူးပေါင်းရင်းမြစ်များ

1 ARENG KEH 4:21

Solomon ly Euphrat tavo dengdairei Philistin pri hawi Aikupta pri khujyh khrairei awm nai pri bawibawichi ai peang nai ne. Huni prichi ly samrang teng y kahm pei u iy, samrang heng nai ryrei ly ni i anui y awm nai prichi lawm bo.

2 ARENG KEH 23:33

Aikupta samrang Neko ly ni ai patiu i, Hamath pri Riblah mary theaung y khai vui iy, Juda pri i tangka kaji sie 55,25rei hawi, muku kaji sie 55rei kahm palawn iy hnei. Huna khala i dengdairei Joaha i peang nai ly deung tlum nai ne.

2 ARENG KEH 23:35

Samrang Jehojakim ly Aikupta samrang my hnei nai kahm tangka pei pajau ai nai khumi mipuichi teng y mychi i ko nai kamta, phy pajyh iy cheaung bo.

2 NENG SATANG 9:26

Solomon ly Euphrat tavo dengdai Philistia pri hawi Aikupta pri khujyh khrairei, meingtym tleirei i samrangchi ai peang bo.

EZARA 4:20

Phum-ang len nai samrangchi ly huni mary y peang iy, Euphrat tavo pui nidym ka-peang verei y kahm tangka cheaung nai ne.

NEHEMIA 5:4

Takhra khumichi my, “Kaichi ly li kahm hawi kreip akho kahm pei pajau ai nai, tangka kalai kala u bo.

NEHEMIA 9:37

Kaichi ly kamngo sa tamang nai deaungkho y, hini pri i theu nai amti amjangchi ly kaichi ai nangmy peang hai nai samrangchi my amtym u veng nai ne. Huni samrangchi ly kaichi hawi kaichi i tawnbawichi ai, mymychi ngaingai teaung u. Hunai deaungkho y kaichi ly khri pa-rei patang u nai ne.

SAM 122:4

Hini mary ly Areng my leu pei nai kamta, mymy ai kawn naimy palo ai nai Israela cheng theaungchi angym achu nai meingtym ne.

ISAIA 14:12

Aw khutawimo cho Babulon samrang, angvang phang nai khawn tempo, nang ly kani mang dengdairei tla vui lawh bo! Vaichi i neng khala nang ly khumi cheng cheaungkhangchi ai tiu bo. Na i py vai i neng y ly khaileaung y aphi su nai avum lawh bo.

ISAIA 22:2

Mary verei py khyh tukulu iy khumichi paleung ahyn naimy, aeu nai katyn phui na bo. Nang i khumichi ly tavai atiu nai tarawi y dei u nai ny y.

ISAIA 3:26

Mary apai katheuchi ly vo tangam naimy, mary pui py tlang ka-keu naimy, khaileaung y ateh nai neampachychi hawi atawm ai.

ISAIA 49:21

Naibaly nang ly amymy ai, ‘Kai ly hini cho chanauchi ai ami hawi nga nai mo? Kai i cho chanauchi ly dei pawn nai iy, kai ly cho chanau by y leang bo. Kai ly kamlora y pri pala nai avum i, hini cho chanauchi ai ami my, tleaungri pacheang pi mo? Kai ly kaimy leaungrei naini kaawm khyh bo. Hini cho chanauchi ly ma mang i nai tym u nai mo?,” nanai ang deng ai.

ISAIA 50:5

Areng ly kai ai pany thai naira pei nai deaungkho y, kai ly mymy ai tiu ai ny y. Mymy teng i nai py amphri vui y ai.

ISAIA 52:2

Aw Jerusalem mary! Nangmy my ai atho sa iy, law tleaung ai nai so. Spryh theung i nai ang thau iy, nangmy i areng atehra y ateh ba! Langheng y hawi nai Zion mary i khumichi awi! nangchi ai ang kawm nai sengkrychi su u pawn jau.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

ISAIA 54:4

Jei moh, nang ly kangji ngo bi y leang bo. Cheh nai py avum ai ny y. Nang ly anglo deaungdi nai khala y, ka-ym by y nai aju lawm vai nai py, neampachy lumai kamta, jeaungmang nanai pa-rei avum nai py, tami veng ai.

JEREMIA 31:7

Areng my, Khumi cheng cheaungkhangchi theung y len keh nai Israela chengchi i vui amo theu parai naimy khulym thui u. ‘Areng ly mymy i khumichi ai atleu nai ne. Israela cheng theung i heng rai naichi ai atleu bo,’ nanai palo nai khulym thui u.

JEREMIA 40:9

Huna nai khala y Kedalia my, “Nangchi ly Babulon chengchi teng y kasum apei ai nai jeira by y, nanai nangchi teng y kai leu adeu mang. Hini pri y saleaung khuteng pala iy, Babulon samrang i kalop so u. Nangchi i vui cheaungkhangra y hawi ai.

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

JEREMIA 44:2

Israela chengchi i Tameuh, ati cheaungkhang sa thai nai keung Areng my, “Jerusalem mary hawi takhra Juda marychi ai kaimy ka-jeira tym hai nai ly nangmychi kypkyp my niu chum bo. Huni marychi ly vaini khrairei phra seaungkhrang iy khumi angso savai tlang jo nai ne.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 50:23

Babulon mary my khaileaung pri verei ai tamo chaki hawi atum nai ne. Na i py vai huni tamo chaki ly tleu piupa veng lawh bo! Khumi cheng cheaungkhangchi ly Babulon mary i avum nai leaungsai niu i, athengra nai kaso theu u nai ne.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 1:19

“kai ly kaimy i amsawi amnaichi teng y kasabawmra hnei teu i py, nichi ly akhi u nai ne. Pathyp pi nai keungchi hawi mary i lu sa nai keungchi ly mymychi heng ai nai i vui y teicha teinei hau u nai thym y, lamchira y dei u bo.”

TANGAM NAI LEU 2:1

Ar ly kado theu nai deaungkho y, Zion mary ai kaveng khiu hai vui bo. Huni mary i sareaung hawi nai sai ly kani mang dengdai khaileaung y khrairei tla iy phra seaungkhrang veng bo. Mymy i kado theu nai neng khala y ly mymy i Achura yhm py khai su nai ne.

TANGAM NAI LEU 2:10

Jerusalem mary i miteaungchi ly paisiu kanih akhiu naimy mymychi i lu tleaung y spryhchi aprawn iy, khaileaung y tynteng y naimy ateh u bo. Mary i anglochi py khaileaung y lu meung naimy awm u nai ne.

TANGAM NAI LEU 4:1

Amchai nanai muku ly amchai y veng bo. Achura yhm i lengseaungchi py, lamchira y ahei pawn bo.

TANGAM NAI LEU 5:16

Kaichi i amlyh ai naira ly ha py by y leang bo. Kaichi ly kamngo sa tamang nai deaungkho y, taham si.

Ezekiela 26:16

Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai.

Ezekiela 26:2

Mymy ly “Nang khumicho awi, Turu mary i khumichi my, ‘Jerusalem mary i katheu pa-kho ly phra vui bo! Huni mary i katheuchi ly am-eaung naimy awm bo! Huni mary ly kaichi hawi acham nai mary ny y leang bo!,” nanai amo theu naimy aeu u nai ne.

Ezekiela 5:5

Sa thai naira awm nai Areng my, “Jerusalem mary ai khen cham; kai ly huni mary y pri neangneangchi ai taki teungtareung hai iy, khaileaung pri i umtang y khai bo.

Levi 26:31

nangchi i marychi kataphra pawn iy nangchi i chiu nai meingtymchi py phra hai ai. Nangchi i kapathyprachi py kang kawn pi ai ny y.

Levi 26:33

Kai ly nangchi teng y tavai takai tym hai iy, nangchi ai pri takhra mang y ahei hai ai. Nangchi i pri ly khumi angso by y iy nangchi i marychi py phra seaungkhrang ai.

ZEPHANIAH 2:15

Hini ly amymy ai sa thai naira awm bo, nanai py, chymme naira awm bo, nanai py, athang khai nai mary i avum ai nai khym taham ne. Huni mary i khumichi ly mymychi i mary ai, khaileaung pri y len keh, nanai athang khai u bo. Huni mary ly daichi tawnbawichi anawnra lawm iy, mana tanrei khumi angso savai tlang na ai mo? Huni sahawi mang tako nai khumi bawibawichi ly athengra iy, nithun mang y anaw u vui na ai.

AMTENG HAI NAI 18:7

Mymy ly huna tanrei apalo nai hawi tlamsa ala nai kamta ly, huna tanrei no patang naira hawi paleung mawn naira py vawitheung tha teang ai nai tla; ati mana nai mo nabaly mymy ly paleung y ly, ‘Kai ly samrang nu y ka-teh nai ne, kai neampachy lumai ny y leang, kai ly paleung mawn naira tlen py kaniu ai ny y,’ nanai thui bo.