Solomon i khulym 6:11 - Khumi Common Language Bible

¹¹ Kai ly leaunghawi ra y awm nai keung katheangchi ai py, kreip keungchi sai ampho nai ai py, thaitleung keungchi pau amthym nai ai py, khen ai nai baden keungchi sala mang kasatla prei bo.

Solomon i khulym 6:11 ပူးပေါင်းရင်းမြစ်များ

ATITI AWM ANGCHEI NAI 2:9

Mymy ly khen apu parai nai dengkeaung keungchi hawi cha kahawi thengthai keung cheaungkhang py prau hai bo. Akho um pareaung y ly hengra pei nai dengkeaung keung, hawi nai hawi y nai pany thai nai dengkeaung keung prau hai.

ATITI AWM ANGCHEI NAI 40:10

huni kreip keung ly changpi thomrei awm nai ne. Kra y nai sala y ngamchi hawi pauchi theu; athaichi py athai i myn bo.

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

Solomon i khulym 6:12

Kai ly kaso theu naimy awm bo; tavai thau ai nai paleung apei parai nai tavai ka-ri lu kamta, nang hawi akhrei ahawi ai nai, nang ly kai i paleung awn hai na bo.

Solomon i khulym 6:2

Kai i khrei nai keung ly thengmui keungchi prau nai mymy i akho mang y chei nai ne. Ni ly mymy i beram kanghuchi ai akho theung y teicha patlai iy, jeupawm pauchi jaw.

Solomon i khulym 7:12

Ani ly khawn angthodyh ang thau iy, kreip keungchi pau mo, pau y mo, nanai py, pauchi angdai mo, angdai y mo, nanai py, thaitleung keungchi pau mo, pau y mo, nanai py khen hawi sina. Huni meingtym y nang teng y kai i khrei nai kang pei ai.

Solomon i khulym 7:13

Nang ly khuma athai mui amseaung nai pany ai nai ne. Ani i takun katheu pa-kho sahawi y tui parai nai thengthai athai cheaungkhang awm. Paleung jyn y khrei nai awi, kaimy nang i vui thengthai athai cheaungkhang pateung achu pi bo.

MARKA 11:13

Naibaly mymy ly thaidu keung ngam awm nai kamlora y niu iy, athai niu na mo, nanai chei tapai; naibaly tym iy thaidu athai ai nai neng ny y nai deaungkho y, ngam ny y baly ati sai py niu y.

LUKA 13:7

Naibaly mymy ly kreip angjyn kry nai keung teng y ly, “khen cham, saneng thomrei sala y hini thaidu keung y kai athai hau ai nai jeu i, ha py niu y; paliu veng, ati mana nai y meingtym py aawi cheng nai awm jojo mo?” napi.

JOHAN 15:16

Nangchi my kai ai vawi nai ny y leang, kaimy nangchi ai vawi nai teu; nangchi ly kai i amyn y Ampo teng y ati cheaungkhang hnei nai ngierei ly ang pei ai nai, nangchi ly chei iy athai ai nai hawi, nangchi i athai awm jo ai nai py kaimy kang khai takhra bo.

AMTAW 15:36

Naibaly kani majirei mo awm nai bo y ly Pawla my Barnaba teng y, “Vai chei hawi bi sina ly, ani i Areng i leu thui nai meingtym tleirei y amjo amnauchi ai de prei iy, mymychi ly mana mana awm mo, nanai khen hawi sina,” napi.