Solomon i khulym 5:16 - Khumi Common Language Bible

¹⁶ Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

Solomon i khulym 5:16 ပူးပေါင်းရင်းမြစ်များ

2 SAMUELA 1:23

“Lyh ai hawi parai iy paleung ka-no hawi nai Sawla hawi Jonathan nini ly heng vanrei, dei vanrei, Ahmtlau tleaung y rang iy, khrangsichi tleaung y atho awm keh.

SAM 119:103

Nang i thui parip nai saichi ly kai i palai kadeaung y khri pa-rei tui na; khawi hang tleaung y malawn py tui nai ne.!

SAM 148:13

Hunichi ly Areng i amyn palo u sy! Mymy i amyn ly amyn awm nai ngiereichi theung y len keh nai ne; mymy i nang parai nai sai py, khaileaung hawi kani salo y awm.

SAM 19:10

Hunichi ly muku tleaung y hawi, hawi keh nai muku tleaung y py khrei ai nai hawi parai. Hunichi ly hawi keh nai khawi hang tleaung y py tui keh.

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

SAM 89:6

Aw Areng, kani pri mang y nang hawi atawm nai ami awm mo? mani kanicho ly nang hawi pata pajau ai mo?

Solomon i khulym 1:16

Kai i khrei keh nai awi, nang ly khri pa-rei mo-cha hawi nai deaungkho y, khri pa-rei khrei ai hawi parai na ly! Ani ly heng-a nai acha bai ai amyni i ira palawn ai nai py,

Solomon i khulym 1:2

Kai ly nangmy pachawm nai avawrei avum nai ne; nang i khrei nai ly kreip hang tleaung y py hawi keh.

Solomon i khulym 1:5

Jerusalem mary i neampachychi awi, kai ly tlang panum teu i py, mo-cha ly hawi; Keda khutaha daichi ka-vymra i kanih tangbeung kamta panum na teu i py, Samrang Solomon yhm i jang nai kanih ali hang nai kamta apu parai nai ne.

Solomon i khulym 2:1

Kai ly Sharon adym ra prau nai daichi kaseaung pau hawi, mawi leaunghawira y prau nai jeupawm pau ne.

Solomon i khulym 2:16

Kai i khrei nai ai ly kaimy peang; kai ai py ni my ang peang teang.

Solomon i khulym 2:3

Kai i khrei keh nai ai takhra neampachochi hawi pata cham baly, ni ly daichi thengreung theung i dengkeaung keungchi sala y prau nai apple keung hawi atawm. Kai ly ni i ka-khui anui y anawn ai nai nga; huni i athai kacha i, tui parai nai ne.

Solomon i khulym 4:3

Nang i labeaungtengchi ly ribbon kamsen hawi atawm iy, leu katheu nai khala y khrei ai hawi parai nai ne. Nang i tangbeng pahathyp nai ly meimai atleangra theung mang avang na.

Solomon i khulym 6:3

Kai i khrei nai keung ai kaimy peang, kai ai py nimy angpeang teang. Ni ly mymy i beram kanghuchi ai jeupawm reaung y teicha patlai reng nai ne.

Solomon i khulym 7:9

nang i labeaung ly tuikeh nai kreip hang hawi py atawm, nanai kai athang khai. Huna lawh baly huni kreip hang ly kai i khrei nai nang i labeaungteng hawi, hochi sala i nai tao aleaung mang hawihai palai leaung jo sy.

JEREMIA 15:16

Nangmy leu pei nai khala y kai ly hawihai palai tangai nai ne. Nang i leu pei naichi ly kai i paleung ai kawn hai nai hawi amo theu hai naira ne. Ati cheaungkhang sa thai nai Areng Tameuh, kai ly nang i amyn apu nai ne.

JEREMIA 3:20

Na i py aw Israela, nang ly ka-ym by y nai aju kamta, kai i leu tangai y lawh bo. Hini ly kai Areng i thui nai leu ne.”

HOSEA 3:1

Huni bo y Areng my kai teng y, “Nang ly chei iy tavawi hawi paleaung nai neampachy ai khrei ba, Israela khumichi ly tameuh takhrachi ai chiu iy, kreip athai kajeichi talam u teu i py, kai ly nichi ai tamen nai kamta, nang ly huni neampachy ai tamen ai nai tla,” napi.

KALATIA 2:20

Kai ly Krista teng y tahen nai awm bo; na i py kai ly heng nai ne; na i py kai ly ny y leang bo, Krista kaimy y heng nai ne; naibaly vai kai i tlang heng nai ly ym naira y kaheng nai ne, Tameuh i Chapo my kai ai ang tamen nai kai i jeng y apei nai keung ai ym naira y.

PHILIPI 3:8

Ne khyp, kai i Areng, Krista Isu ai pany naira ly atiti bawibawi tleaung y hawi keh nai deaungkho y ati cheaungkhang py chau naira y kapalawn nai ne.

JAKOB 2:23

naibaly Abraham ly Tameuh ai ym i, huni ym naira my ly hawi naira y palawn, nanai Tameuh i leu tym bo; naibaly mymy ai Tameuh i ahawi pathi bo.

JAKOB 4:4

Nangchi pajang sa nai nuchi awi, khaileaung pri hawi amrawi nai sai ly Tameuh ai paleung ka-e sa nai ne, nanai ly pany u y nai sai a? Ami py khaileaung pri hawi amrawi nai ngierei ly Tameuh hawi paleung ka-e lawn bo.