Solomon i khulym 5:1 - Khumi Common Language Bible

¹ Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

Solomon i khulym 5:1 ပူးပေါင်းရင်းမြစ်များ

ATITI AWM ANGCHEI NAI 37:25

Nichi ly biu cha u nai thym y, rimiu cheaungkhang hawi Murachi kula-iu tleaung y tang naimy Kilead pri dengdairei Aikupta pri mang y khuleaung chei nai Ismaela cheng kamkawm harei ai niu u nai ne.

SAM 147:11

Na i py mymy ai jei naimy tahm khai naichi, khaw parai nai tamen naira ai ym nai khumichi ai aly ngai nai ne.

SAM 16:3

Areng ai ka-ym awm nai khumi ly khri pa-rei hawi parai na lawh ly! Kai i ngai keh nai ly huni khumichi hawi vanrei awm ai nga nai ne.

LEU KACHENG 24:13

Deang awi, khawi hang cho ba; huni ly hawi parai. Khawiphira i hang ly nang i palai ai tui hai nai kamta,

LEU KACHENG 9:5

“Kai i pawi yb nai teicha teinei hawi, kai i katlen yb nai kreip hang cha nei ai nai jeu u.

Parip nai leu 2:5

Kai ly akhochi theung y thengthai keung cheaungkhangchi kaui.

Solomon i khulym 1:13

Kai i khrei nai ly kai i paleung tleaung y aseaung nai thym khala, ni teng i mura mui katui kai teng y amseaung na bo.

Solomon i khulym 4:16

Tosyh ali awi, aho jau; tokalawi ali awi, kai i akho mang y aho ly mui kahawichi hawimy amseaung ba. Kai i khrei nai keung ly mymy i akho theung y kun iy, hawi keh nai athaichi cho sy.

Solomon i khulym 4:8

Kai i aju angam nai anglo awi, nang ly kai hawi vanrei Lebanon mawi i nai abang ba. Kai hawi vanrei Lebanon i nai abang ba. Khrangsichi, takai kheangchi awm nai Heramon mawi saleung, Senira mawi saleung hawi, Amana mawi saleungchi dengdairei satlo kathiu ba.

Solomon i khulym 6:11

Kai ly leaunghawi ra y awm nai keung katheangchi ai py, kreip keungchi sai ampho nai ai py, thaitleung keungchi pau amthym nai ai py, khen ai nai baden keungchi sala mang kasatla prei bo.

Solomon i khulym 6:2

Kai i khrei nai keung ly thengmui keungchi prau nai mymy i akho mang y chei nai ne. Ni ly mymy i beram kanghuchi ai akho theung y teicha patlai iy, jeupawm pauchi jaw.

Solomon i khulym 8:1

Kai ly nang ai kaimy i amhm kanu tui nei nai khumi, Kai i ampro kypkyp palawn ai nai ngai parai nai ne. Naibaly kai ly nang hawi lam y avum iy nang ai pachawm lawh baly, khumichi my thui tamawn ai ny y.

Solomon i khulym 8:13

Kai i khrei nai awi, akho theung i dengdairei, nang i raawi thai ai nai pei kyh; nang i leu raawi ai ly kai i ahawichi py kano patheung u nai ne.

ISAIA 23:18

Ka-sum ka-pai sa naira i nga nai tangkachi ai Areng teng y talam ai. Hunichi ai pakym achu iy khai ai ny y. Areng ai chiu nai khumichi py, huni tangkachi hawi mychi i ngai nai teicha teineichi, ateaungchi van u ai.

ISAIA 5:1

Tangai ba, kai i ahawi hawi ni i kreip akhobai molam y hini khulym ly nang ai kaimy kang thui pi ai. Khri pa-rei paitiu khuta hawi nai mawi salo y kai ahawi i kreip akhobai awm.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 58:11

Kai py nangchi ai lam patei jojo iy, kani kabi jengha nai meingtymra y cha nei pawichi hawi kajeu kawi hai ai. Nangchi ai noso aho hai iy ham hai ai. Nangchi ly tui nga hawihai nai akhobai kamta py, mana khala py tui kang vai y nai tavo micheaung kamta py lawm ai.

ISAIA 61:11

Tichi ly pato iy keung prau nai kamta, Areng ly mymy i khumichi ai meitang khyp atleu ai. Khumi cheng cheaungkhangchi my py, mymy ai palo u ai.

ISAIA 65:13

Hunai deaungkho y kai i leu tangai iy, kai ai chiu naichi ly cholei neilei y iy, nangchi ly kajeu alam naimy tui py ahai u ai. Kai i miseaungchi ly amo theu iy nangchi ly kangji nga u ai, nanai nangchi ai kai, Areng my kang thui pi nai ne.

ISAIA 66:14

Hina naichi niu nai khala y nangchi ly amo theu u iy, tlang atho awm ai. Naibaly Areng ly mymy i leu tangai nai khumichi ai sabawm iy, paleung ka-echi ai ly kado theu naira tym hai bo, nanai nangchi pany u ai,” napi.

MATTHAI 25:40

Naibaly Samrang my ly nichi teng y, ‘Meitang khyp kang thui pi, hini kai i amjo amnau theang keh naichi theung y leaungrei i tlang tleaung y sa u nai ly kai i tlang tleaung y sa u nai ne,’ napi nai pathang ai.

LUKA 12:4

“Naibaly ahawichi awi, kang thui pi, Tlang y padei iy, huni bo y ati takhra so bi thai y naichi ai ly jei u moh;

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

AMTAW 11:29

Hunaibaly abangnaichi leaung leaungrei ly mymy i kamjau ryrei Judai pri y awm nai amjo amnauchi teng y sabawm nai pa ai nai tau;

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

AMTENG HAI NAI 22:17

Naibaly Phailo hawi deaung vawi nai anglo my, “Jeu ly,” ang napi. Thai nai khumi py, “Jeu ly,” tapi sy. Tui ahai nai khumi ly jeu sy: ngai nai khumi ly heng naira tui jawm my lo sy.

TARA CHIH NAI KEUNGCHI 14:11

Avang saleaung i khumichi my ni ai niu baly, thawndeang deaungdi leaung phaireichi ai, ni hawi vanrei pawira abawi hai ai nai pato bo.

TARA CHIH NAI KEUNGCHI 14:20

Naibaly my i aju ai ly apom nai khala y angdo hai nai neampacho hawi apom hai vui nai ne.