Solomon i khulym 4:6 - Khumi Common Language Bible

⁶ Khawn mang ali theu pryn iy kaveng tama nai neng tym pa-rei, mura mui hawi lawban mawi salo y kai awm ai.

Solomon i khulym 4:6 ပူးပေါင်းရင်းမြစ်များ

SAM 66:15

Kai ly maicham salo y leng patlum ai nai beram kang talam ai; kai ly si hawi mi-ichi apathyp ai; leng patlum nai kapathypra i maikhyh ly kani mang y lyn kalau ai.

THEU NAI 20:24

Apathyp ai nai vui y khaileaung hawi maicham sa ai nai tla; huni maicham salo y nang i beram, si, mi-i tawnbawi bom verei ai py, leunghawi kapathypra py, leng patlum ai nai tla. Kai ai chiu ai nai khai takhra nai meingtym tleirei y kang jeu iy amtheaung hai ai.

THEU NAI 30:8

Ni ly dym mang y maisichi thawn nai khala py, rimui mui katui patawi ai nai tla. Nang i katu chanau deungrei rimui mui katui talam nai ly Areng i mo y avaw by y pa-rei sa jojo ai nai tla.

THEU NAI 37:29

Ni ly tahm palyn nai asitui kachai hawi rimui mui katui tangcheng sa nai ne.

Solomon i khulym 2:17

Ni ly khawn mang ali theu pryn iy kaveng tama nai neng tym pa-rei, mymy i beram kanghuchi ai jeupawm reaung y sui tla hai bo. Kai i khrei nai nang ly sakhi katai kamta py, Bether mawichisalo i sisiu kataichy kamta py, jeu ali teang ba.

Solomon i khulym 3:6

Mura hawi kathan ka-pai sa nai keungchi i jo nai mui katuichi patawi nai khala theu nai maikhyhchi kamta, khutaha daichi ka-vym mang y jeu nai ly ati mo?

Solomon i khulym 4:14

Huni akho theung y nardu keung hawi deang keung, nardu rimui keung, saffron keung, kalamas keung, sinamon keung, rimui keung cheaungkhang, khri pa-rei mui hawi parai nai kulataruchy keung katheangchi ly aly ngai nai by y na pa-rei prau nai ne.

Solomon i khulym 8:14

Kai i khrei nai keung awi, sikhicho kamta py, rimui keung cheaungkhang prau nai mawi salo i, sisiu beaungjeaung katai kamta py, kai teng y jeu jau ba.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

MALAKHI 1:11

Khaileaung katemra y khrairei, khumichi ly kai ai tahm khai nai palo u bo. Nichi ly meingtym tleirei y mui katuichi patawi iy, paleung ka-nora hawi nai kapathyprachi kai teng y talam u. Nichi bawibawi py kai i amyn palo u bo!

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

LUKA 1:78

Mymy i khumichi teng y pahengra leu pany hai ai nai py, Areng i mo y nang tako ai;

II PETERA 1:19

Naibaly kaichi ly thui rym nai leu khaw nai tleaung y khaw ra nai nga nai bo; khutawi iy khawn tempo ly nangchi i paleung y si y ryrei ly kaveng meingtym y angvang nai maisi ai dawn pi u nai kamta, huni ai dawn pi u ai nai aly len parai:

I JOHAN 2:8

Ne mang ly leu pei nai kangtha katajiu pi bo, kaveng ly tama dudu nai deaungkho y hawi, kangvang tatang ly vai ly angvang nai deaungkho y py, huni ly mymy y hawi nangmychi y py meitang ne.

AMTENG HAI NAI 22:16

Kai, Isu ly, palau takhra kamkawmchi i vui y hini atitichi nangchi teng y pany hai ai nai, kai i kani pri i amtaw thau nai ai kang pato veng bo. Davida i tangjyn kadeu hawi kangpreang, khawn tempo avang parai nai kai ne.

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.