Solomon i khulym 3:11 - Khumi Common Language Bible

¹¹ Zion mary i neampachychi awi, jeu u ly Samrang Solomon ai khen u. Ni ly mymy i apom nai kanih hawi amo theu nai kani y amhm my pei nai samrang lukhym adeung nai ne.

Solomon i khulym 3:11 ပူးပေါင်းရင်းမြစ်များ

SAM 48:11

Zion mary i khumichi ly amo theu u sy! Mymy ly leu meitang naimy tara chih bo; Juda pri mary kalenchira y amo theu naira awm sy!

SAM 9:14

Huna nai khala naini kai ly Jerusalem mary khumichi i mo y angdo iy, nang i nang parai nai sai bawibawi amteng hai pajau ai. Nang i atleu pi nai sai molam y kai ly amo theu ai.

Solomon i khulym 1:5

Jerusalem mary i neampachychi awi, kai ly tlang panum teu i py, mo-cha ly hawi; Keda khutaha daichi ka-vymra i kanih tangbeung kamta panum na teu i py, Samrang Solomon yhm i jang nai kanih ali hang nai kamta apu parai nai ne.

Solomon i khulym 2:7

Jerusalem mary i neampachychi awi, nangchi ly kaini i akhrei nai paka ai ny y, nanai leu adeu u; angpreng rang nai sisiu sikhichi ai tau iy vaineng abeu u bo.

Solomon i khulym 7:11

Kai i paleungjyn y khrei nai keung awi, jeu jau ba; li prangchi mang y chei hawi sina, avangchi theung y vum jei hawi sina.

Solomon i khulym 8:5

Mymy i khrei nai khumi hawi kiu asyn iy daichi ka-vym mang jeu nai ly ami mo? Kai ly khrei nai keung i tapen nai meingtym apple keung anui y, ni ai i kapalaw nai ne.

ISAIA 4:4

Areng ly Israela chengchi ai tara chih iy, sa thai naira hawimy chai hai ai. Jerusalem mary i kamngo py, huni mary y leaung nai thichi py, pachai pi ai.

ISAIA 53:11

Ni ly no patangra i nai amo theu naira nga ali teang ai. Mymy i patang nai ly jawm ny y, nanai pany ai. Ni ly kai i miseaung kahawi ne iy, mymy i tlang tleaung y kawn parai. Khumi neangneangchi i kamngo mynji pho iy, huna nai sa nai molam y, huni khumichi i kamngo kaimy pahen ai.

ISAIA 62:5

Mymy ly nang ai deaung vawi nai anglo kamta pom ai. Deaung vawi nai anglo ai, aju palyn nai keung my khrei nai kamta, Tameuh my nang ai tamen ai.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 2:2

“Nang ly Jerusalem mary y chei iy, huni mary y awm nai khumi bawibawichi teng y hini satang thui pi,” Nangchi ly deaungdi khala y, ati mana ka-ym awm u mo, nanai kai pany. Nang ly deaung vawi nai anglo kamta kai ai khrei bo. Nangchi ly ati sai py pati y nai daichi ka-vym jeungrei tako prei iy, kai i nithun abang u nai ne.

JEREMIA 32:41

Nichi teng y hawi naira pei ai naini kangai khyh; hini pri y awm jojo ai nai meingtym sa pi ai.

ZEPHANIAH 3:17

Nang i Areng Tameuh ly nang hawi vanrei awm; mymy i sa thai naira hawimy, nang ly eaung naira nga ai. Areng ly nang i tlang tleaung y amo theu naira nga ai. Mymy ly mymy i tamen naira hawi nang ai deung kangthaang pei ai. Mymy ly nang i molam y, amo theu nai khulym thui ai.”

ZEKHARIAH 6:11

Nichi my pei nai muku, tangkachi hawi areng lukhym harei sa iy, Jehozada i chapo pathyp pi nai keung kalen keh Josua i lu y amym hai ba.

MATTHAI 12:42

Tokalawi mang i samrang nu ly tara chih nai neng khala y ly vai deung i kangthauchi hawi vanrei angthau ai i, nichi ai sum hai ai; ati mana nai mo nabaly mymy ly Solomon i cheng naira tangai ai nai malawn py khuteng taki i dengdairei jeu be; naibaly khen cham, Solomon tleaung y len keh nai ly hi y awm na a.

LUKA 15:32

amo theu nai kawn parai naimy awm ai nai tla chy bo; hini ngamnau ly dei nai heng teang nai na a; tama nai niu teang nai na a,’ napi,” nanai thui pi.

JOHAN 15:11

Kai i kawn naira nangchi teng y awm jo ai nai hawi, nangchi kawn angym ai nai py hini leu kang thui pi bo.

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

KOLOSA 1:18

naibaly mymy ly ati cheaungkhangra y salo keh lawn thai ai nai, mymy ly pakeung, kadeichi theung i dengdairei tapen manme nai ne.

HEBRAI 13:13

Hunaibaly achi ly mymy ai tahm khai y naira ai pho iy, avang yhm meaungteng y mymy teng y chei u sina.

HEBRAI 2:9

Na i py kani pri i amtaw thau naichi i tleaung y anui y panem nai Isu ai ly Tameuh i pahenra saho y khumi leaung leaungrei i vui y dei naira pateng hai ai nai, dei naira y patang nai deaungkho y nang parai naira hawi tahm khai naira amym hai nai achi my niu lawh veng.

AMTENG HAI NAI 1:7

Khen u cham, mymy ly khupanym theung y ang jeu ai bo; naibaly mei bawibawi hawi, ni ai thun naichi py mymy ai niu ai; naibaly khaileaung pri cheng cheaungkhangchi ly mymy deaungkho y vo hang u ai. Ne sy. Amen.

AMTENG HAI NAI 19:12

Mymy i mei ly mai ka-veaung kamta ne, mymy i lu y ly areng lukhym neangneang awm; naibaly mymy harei khyh ny y baly ami py pany y nai amyn tajiu angchi khai nai ne.

AMTENG HAI NAI 19:7

Amo theu iy khri pa-rei kawn u sina, mymy ai ly palo u sina; Beram Cho aju la ai nai neng tym bo i, deaung vawi nai my ly angveirym bo: