Solomon i khulym 3:1 - Khumi Common Language Bible

¹ Kai ly ira tleaung y ka-i nai thym khala y vum tlei tleirei kaimy i khrei nai keung ai amang amang bo. Kai ly ni ai hau teu i py niu pajau y.

Solomon i khulym 3:1 ပူးပေါင်းရင်းမြစ်များ

SAM 22:2

Kai i Tameuh, kanithun khala y nang ai kang palau; na i py nang ly pathang y. Kai ly vum y kang palau bo; na i py kai ly paleung awmnem naira ngo y.

SAM 4:4

Nangchi ly jei hyn naimy kamngo so y ai nai amkyn u; nangchi ly ira salo y nangmychi tlairei dawn amcheng iy, hini ai ka-dawn thiu parai naimy dawn patyp u.

SAM 6:6

Kai ly paleung si paleung mawn nai molam y paha naimy awm bo. Dym tleirei kavo nai deaungkho y, ira ly sui be na bo. Kai i lutleang ly meikatui suipla naimy awm bo.

Solomon i khulym 1:7

Kai i khrei nai awi, nang i beram kanghu ai mani meingtym y teicha patlai ai mo, nanai py, kani thun nai khala mani meingtym y anawn hai ai mo, nanai py kai ai thui pi ba. Kai ly ati mana nai y nang ai takhra beram typ nai keungchi i beram kanghuchi theung y hau ai mo?

Solomon i khulym 5:6

Kai ly kaimy naimy khrei nai keung ai katheu paeaung pi teu i py, ni ly by y vui bo. Kai ly ni i raawi thai ai nai ngai parai na ly! Ni ai hau i py niu y; kapalau i py pathang y bo.

Solomon i khulym 5:8

Jerusalem mary i neampachychi awi, kai i khrei nai keung ai nangchi avum u lawh baly, kai ly khrei phi nai paleung akawm naimy awm jo bo, nanai amti pi ai nai leu adeu u ba.

ISAIA 26:9

Vum y kai ly nang ai paleung hawi verei kadeaung bo; khaileaung hawi khaileaung pri i khumichi ai nang ly tara chih nai khala y, adyh adawi naira, nanai ly ati mo, nanai nichi pany u ai.

ISAIA 55:6

Areng ly vai, nangchi sahawi y awm; mymy mang y hi iy hnei takeng u.

LUKA 13:24

Naibaly ni my ly mymychi teng y, “Katheu pa-kho kamcheira y ly kun tanga ai nai tau u; kang thui pi, khumi neangneangchi ly kun ai nai tau ai i, kun thai ai ny y.

JOHAN 11:29

Naibaly mymy ly huni satang thai baly angthau praw iy mymy teng y chei.

JOHAN 21:17

Naibaly pa-thom ni teng y, “Simon, Johan i chapo, nang ly kai ai khrei a?” napi. Naibaly tlen thomrei ni teng y, “Nang ly kai ai khrei a?” napi veangveang nai deaungkho y Petera ly paleung mawn i ni teng y, “Areng, nang ati cheaungkhang pany, kai ly nang ai khrei nanai py nang pany chy bo,” napi. Isu my ni teng y, “Kai i beramchi ai pacho.

I PETERA 1:8

Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;