Solomon i khulym 2:8 - Khumi Common Language Bible

⁸ Kai ly khrei nai keung i raawi thai bo. Ni ly mawi katheang kalenchi kan iy kai teng y ang jeu bo.

Solomon i khulym 2:8 ပူးပေါင်းရင်းမြစ်များ

2 SAMUELA 6:16

Pawm ai mary theung y angjeaung u nai thym khala y, Sawla i chaniu Mikhala ly thaibeng pa-kho mang angdeang i, samrang Davida ai achaw naimy lam nai niu baly, samrang ai kaji hai bo.

Solomon i khulym 2:17

Ni ly khawn mang ali theu pryn iy kaveng tama nai neng tym pa-rei, mymy i beram kanghuchi ai jeupawm reaung y sui tla hai bo. Kai i khrei nai nang ly sakhi katai kamta py, Bether mawichisalo i sisiu kataichy kamta py, jeu ali teang ba.

Solomon i khulym 4:16

Tosyh ali awi, aho jau; tokalawi ali awi, kai i akho mang y aho ly mui kahawichi hawimy amseaung ba. Kai i khrei nai keung ly mymy i akho theung y kun iy, hawi keh nai athaichi cho sy.

Solomon i khulym 5:2

Kai ly i nem teu i py, kai i paleung ly i y. Kai i amang mang y khrei nai keung my katheu takheih nai thai. Kai i paleung jyn y khrei nai, kai i amprym buhu, kamngo by y nai kai i khrei nai awi, kai ai kun ai nai pei ba. Kai i lu ly kadam hawi py, kai i sam ly kadam tui hawi py suipa na bo.

ISAIA 35:6

Kheu kangbaichi ly achaw u ai; leu ka-achi py amo theu naimy aeu u ai. Daichi ka-vymra y tuino achawn iy, micheaung tui leaung ai.

ISAIA 44:23

Nangchi kani khusang awi, amo theu naimy aeu u! Khaileaung thiu parai nairachi awi, aeu u! Mawichi hawi thengreung theung i dengkeaung keungchi awi, amo theu naimy aeu u! Areng ly mymy i khumi Israela chengchi ai atleu iy, mymy i nang parai nai patei pi bo.

ISAIA 52:7

Aly nai satang kahawi syn pi nai keung, savai leaungrei mawi aheung tako prei nai ai niu nai ly khri pa-rei apu parai na ly! Huni savai ly atleu nai satang thai hai iy Zion mary ai, “Nang i Tameuh ly samrang ne!,” napi.

JEREMIA 48:27

Aw Moba pri, Israela pri khumichi ai nangmy mana tanrei panui hai mo, nanai pany jo ba. Nang ly nichi ai kangviu sara, damra kamkawm hawi vanrei patiu nai palawn iy ana nai ne.

LUKA 6:23

Huna nai kani y ly kawn u ly, amo theu naimy achaw u; khen cham, kani pri mang y nangchi i kawn nai vang ka-teng ny y nai awm; huna nai kamta teang nichi i amsi sangumchi ly amochi i tlang tleaung y sa reng nai ly.

JOHAN 10:27

Kai i beramchi ly kai i raawi thai, kai py nichi ai kapany, nichi py kai teng y abang u i,

JOHAN 3:29

Aju la nai keung ly neampachy ai nga nai keung ne: na i py angdo iy ni i leu thai nai aju la nai keung i ahawi ly, aju la nai keung i raawi deaungkho y khrikhri pa-rei kawn; hunai deaungkho y hini kai i kawn naira ly tym angym nai bo he.

AMTAW 14:10

Naibaly mymy ly angthau i kheu y tako bo.

AMTAW 3:8

Naibaly mymy ly tlenrei khyh my angthau iy angdo i, tako amteaung bo. Naibaly tako iy achaw ryry naimy Tameuh ai palo prei nai tarawi y nini hawi achura yhm kalen pui y kun teang.

AMTENG HAI NAI 3:20

Khen cham, kai ly katheu ahawi y angdo i katakhei: ami py kai i raawi thai iy katheu paeaung pi baly, kai ly mymy teng y kun iy mymy teng y biu cha ai i, mymy py kai teng y cha teang ai.