Solomon i khulym 2:3 - Khumi Common Language Bible

³ Kai i khrei keh nai ai takhra neampachochi hawi pata cham baly, ni ly daichi thengreung theung i dengkeaung keungchi sala y prau nai apple keung hawi atawm. Kai ly ni i ka-khui anui y anawn ai nai nga; huni i athai kacha i, tui parai nai ne.

Solomon i khulym 2:3 ပူးပေါင်းရင်းမြစ်များ

SAM 45:2

Nang ly khumi neangneangchi tleaung y mo-cha hawi nai ne. Vang teng nai leu katheu reng. Hunai deaungkho y Tameuh teng i amtheaung naira nga jojo nai ne.

SAM 45:3

Sa thai naira len parai nai keung awi, haisau atai ba; samrang ly sa thai naira hawi phum-ang kawi angym nai ne.

SAM 57:1

Kai ly nang teng y abyh ai nai ahihawi nai ne; hunai deaungkho y kai ai pahen kyh ba; aw Tameuh pahen kyh ba. Ali pui khu pui theu nai aham nai ryrei, kai ly nang i pakhi ka-khuira y abyh nai ne.

SAM 89:6

Aw Areng, kani pri mang y nang hawi atawm nai ami awm mo? mani kanicho ly nang hawi pata pajau ai mo?

SAM 91:1

Areng teng y abyh ai nai ahihawi nai khumi py, ati cheaungkhang sa thai nai keung i ama hai nai anui y awm nai khumi py,

Solomon i khulym 1:16

Kai i khrei keh nai awi, nang ly khri pa-rei mo-cha hawi nai deaungkho y, khri pa-rei khrei ai hawi parai na ly! Ani ly heng-a nai acha bai ai amyni i ira palawn ai nai py,

Solomon i khulym 2:5

Kai ly khrei nai paleung molam y atho bai na bo! Kai ai kreip athai kajeichi pacho iy atho pei ba. Apple athaichi pacho iy atho kangtha ngo hai bo.

Solomon i khulym 4:13

Huni akho theung i dengkeaung keungchi ly kaba bai theung i keungchi kamta prau mang iy, athai kahawi athai reng.

Solomon i khulym 4:16

Tosyh ali awi, aho jau; tokalawi ali awi, kai i akho mang y aho ly mui kahawichi hawimy amseaung ba. Kai i khrei nai keung ly mymy i akho theung y kun iy, hawi keh nai athaichi cho sy.

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

Solomon i khulym 7:13

Nang ly khuma athai mui amseaung nai pany ai nai ne. Ani i takun katheu pa-kho sahawi y tui parai nai thengthai athai cheaungkhang awm. Paleung jyn y khrei nai awi, kaimy nang i vui thengthai athai cheaungkhang pateung achu pi bo.

Solomon i khulym 8:11

Samrang Solomon teng y Bala Hamon napi nai meingtymra y akho harei awm. Samrang ly akho kry nai keungchi ai vawi takhra iy akho pheaung alai ai nai pei bo; nichi ly samrang teng y leaungrei nai y tangka chang sangrei pei ai nai tla.

Solomon i khulym 8:12

Samrang Solomon ly mymy i nga ai avo nai tangka chang sangrei ai py, samrang i akho kry naichi ly mymychi i phy nga nai tangka chang chungvairei ai py la pajau nai ne. Kai ly kaimy i peang nai akho ai, kaimy teng y akhai nai ne!

Solomon i khulym 8:5

Mymy i khrei nai khumi hawi kiu asyn iy daichi ka-vym mang jeu nai ly ami mo? Kai ly khrei nai keung i tapen nai meingtym apple keung anui y, ni ai i kapalaw nai ne.

ISAIA 25:4

Khumi kamawnchi hawi jeaungmang nai khumichi ly nangmy teng y abyh u nai deaungkho y, patang naira tym nai neng khala y chymme naira nga u nai ne. Nang ly nichi ai alipui khupuira i nai ama hai nai py, khri pa-rei kabi ango naira i abyh ai nai ka-khui ka-ji py pei bo. Pahyp y naimy ana nai khumichi i tiu naira y kaseih ali kaho hawi py,

ISAIA 32:2

Nichi bawibawi py ali hawi alipui khupuira i nai abyh nai meingtym kamta lawm ai. Nichi ly khutaha meingtymra y leaung nai tavo micheaungchi hawi py, ati sai py prau y nai kani kabira y awm nai lengseaung pui ka-khui hawi py atawm ai.

ISAIA 4:2

Areng ly hini pri theung y dengkeaung katheang kalen bawibawichi ai keung pui cheang iy, ngam sai heng-up nai neng tym hai ai. Dei kamthum Israela cheng bawibawichi ly hini pri i theu nai thengthaichi molam y amo theu u ai.

ISAIA 4:6

Mymy i nang parai nai ly mary pui y kani kabi kangngo ang nai deng hai iy, alipui khupui aho hai y naimy, chymme naira lawm hai ai.

Ezekiela 47:12

Huni tavo micheaung peang nyhreira y ly cha nei ai athai nai keung amjy cheaungkhangchi prau ai. Huni keungchi ly mana khala py ngam ajawi vai y, mana khala py athai avaw ai ny y. Huni keungchi ly Achura yhm dengdairei leaung nai tavo micheaung tui nga nai deaungkho y, lo tleirei athai kahawi athai ai. Huni keungchira i athaichi ly cha ai nai ne iy, huni i ngamchi ly khumichi no hawi ai nai teaung ai,” nanai ang napi.

JOELA 1:12

Kreip angjyn keungchi hawi thaidu keungchi ly a-au jawn iy deirawm veng bo. Thengthai keung bawibawichi ly jeirawm iy dei be bo. Khumichi py amo theura by y leang bo.

HEBRAI 12:2

naibaly achi i ym naira sa nai hawi angym hai nai keung Isu mang y khen iy, achi i mo y awm nai angpreng acham naira y ly kham tanga pa-rei angpreng u veangveang sina; ni ly my i mo y amo theu naira awm nai deaungkho y amthang leaung naira sai py tahm khai y naimy kraws tleaung y patang i, Tameuh i areng atehra lamtang mang y ateh bo.

TARA CHIH NAI KEUNGCHI 9:15

Aleng phreung my ly ‘nangchi ly kai ai meitang khyp, nangchi i tlang tleaung y samrang sa ai nai ngai hai nabaly, kai i ka-khuira jeu iy abyh u; huna nai abyh y lawh baly kai i changpichi sala mang maikhyh theu iy, Lebanon Seda keungchi ai kang hai pawn ai,’ nanai pathang.