Solomon i khulym 2:14 - Khumi Common Language Bible

¹⁴ Nang ly lengseaung sala y abyh nai amprym buhu hawi atawm. Khrei ai hawi parai nai nang i meimai khen kyh rai si; raawi kahawi tangai kyh rai si.

Solomon i khulym 2:14 ပူးပေါင်းရင်းမြစ်များ

JOBA 9:16

Mymy ly kai ai huna nai kamta, ahui ai nai pei teu i py, kai i ahui nai tangai pi ai, nanai kai ym y.

SAM 110:3

Paleung ka-echi ai nangmy tiu nai kani y, nang i khumichi ly alyly naimy, nang hawi vanrei thau u ai. Khawn mang y tla nai kadam kamta, atho awm nai khumi ka-cheang neangneangchi ly nang i awm nai mawi kachai salo y ang tym u ai.

SAM 22:3

Na i py nang ly Israela chengchi my areng atehra salo y tahm pasang nai leaungrei awm khyh nai, chai parai nai keung ne.

SAM 45:11

Nang i hawi parai nai mo-cha ly samrang my nang ai khrei hai keh ai mang. Samrang ly nang i areng ne nai deaungkho y, nang ly ni i leu tangai ai nai tla.

SAM 45:12

Turu pri khumichi ly nang teng y langseaungchi syn pi ai. Nang chawn nai khumichi ly nang teng i meimai nga ai nai atho sa u ai.

SAM 50:23

Kawn nai leu thui nai ly kai ai tahm khai nai ne. Kai i leu tangai nai khumi bawibawichi ai meitang khyp, kaimy atleu ai,” nanai leu pei bo.

SAM 68:13

Huni vawnsaichi ly muku sadi iy, pakhi muichi awm nai tangka hawi mym nai buhu mynchi ne. (Nangchi phyrei ly tavai atiu nai kani y, ati mana nai beram hai theung y awm u mo?)

SAM 74:19

Nangmy i khumi nuro nukaichochi ai ly pahyp y naimy ana nai paleung ka-echi teng y khai su moh kyh ba; Ana patang naira avum nai nang i khumichi ai ly tami moh kyh ba.

THEU NAI 3:6

Kai ly nang i amsi pajochi i Tameuh, Abraham i Tameuh, Isaka i Tameuh, Jakob i Tameuh ne,” napi. Mosi ly Tameuh ai khen vam y i, mymy i mei atamym cheng vui bo.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

Solomon i khulym 1:15

Kai i khrei nai awi, nang ai khen nai khri pa-rei hawi; nang i meichi ly khrei ai hawi nai sangso ko na ly!

Solomon i khulym 1:5

Jerusalem mary i neampachychi awi, kai ly tlang panum teu i py, mo-cha ly hawi; Keda khutaha daichi ka-vymra i kanih tangbeung kamta panum na teu i py, Samrang Solomon yhm i jang nai kanih ali hang nai kamta apu parai nai ne.

Solomon i khulym 1:8

Khrei ai hawi keh nai neampachy awi, huni meingtym nang pany y a? Beram kanghu nithun abang ly beram typ nai keungchi i kani tangbeungchi sahawi y nangmy i mi-ichi i vui teicha patlai nai meingtym hau ba.

Solomon i khulym 5:2

Kai ly i nem teu i py, kai i paleung ly i y. Kai i amang mang y khrei nai keung my katheu takheih nai thai. Kai i paleung jyn y khrei nai, kai i amprym buhu, kamngo by y nai kai i khrei nai awi, kai ai kun ai nai pei ba. Kai i lu ly kadam hawi py, kai i sam ly kadam tui hawi py suipa na bo.

Solomon i khulym 8:13

Kai i khrei nai awi, akho theung i dengdairei, nang i raawi thai ai nai pei kyh; nang i leu raawi ai ly kai i ahawichi py kano patheung u nai ne.

ISAIA 2:21

Khaileaung amchyh hai ai nai Areng jeu nai khala y, khumichi ly mymy i kado theu nai, sa thai naira hawi nang parai naira i nai law tleaung ai nai khaileaung angawmchi hawi lengseaung tapiuchira y aheu u ai.

ISAIA 51:3

“Kai ly Jerusalem mary hawi huni mary i phra seaungkhrang nai yhm hlaura y awm nai khumichi ai kapahen ai. Jerusalem mary ly daichi ka-vym lawm teu i py, kai ly huni ai Eden akho kamta, Areng i akho lawm hai ai. Huni meingtym y awm nai khumichi ly amo theu naimy, palo nai khulym thui nai tarawi y, kai ai kawn nai leu thui u ai.

ISAIA 6:5

Kaimy py, “Kai teng y athang khai naira by y leang bo. Kai ly taham si parai na ly! Ati mana nai mo nabaly kai i labeaung mang theu nai leu ngiereichi ly chai y i, chai y nai leu naini katheu reng nai khumichi theung y kaawm nai ne. Na i py vai, kai ly ati cheaungkhang sa thai nai Areng! napi nai samrang ai kaniu lawh bo,” napi.

ISAIA 60:8

Tamaichi kamta py, i-avym nai apryn buhuchi kamta py, tuisang y so prei naimy ang jeu nai samphochi ly ati samphochi mo?

JEREMIA 48:28

“Moba khumichi awi, nangchi ly nangmychi mary i nai theu u! Tahi tangam mang y chei ly awm u! Amkeu sala y tabu sa reng nai apryn buhuchi kamta so u.

JEREMIA 49:16

Nangchi i amlyh am-e naira my, nangchi ai ang tapawp bo. Nangchi i athang khai nai kamta, ami py nangchi ai jei u y leang. Nangchi ly mawi saleungra i lengseaung ka-sang salo y awm u nai ne. Na i py hunai kamta ahmtlau tanrei ka-sang y awm u teu i py, Areng ly nangchi ai pala kathiu ai. Hini ly Areng i thui nai leu ne.

Ezekiela 7:16

Heng rai nai khumichi ly apryn buhu kamta tangam naimy leaunghawi theung i dengdairei, mawi mang y preang u ai. Khumi bawibawichi ly mymychi i kamngo molam y vo u ai.

DANIELA 9:7

Aw Areng, nang ly kateng sa jojo nai ne. Na i py kaichi ly kaimychi ai kangji nga hai bo. Juda pri y py, Jerusalem mary y py, awm nai khumichi hawi nang i leu tangai y nai deaungkho y, kamlo kang sa prichi mang y ahei akyhkyh nai Israela cheng bawibawichi py, huna nai kamta mymychi ai mychi naimy tahm anem hai u bo.

OBADIA 1:3

Nang i paleung len nai ly nangmy ai ang tapawp bo. Nang i mary pui ly lengseaung hawi sa nai khaw parai nai mary ne i, nang i awm naira ly asang parai nai mawi salo y ne nai deaungkho y, ‘kai ai ami my atheu kathiu pajau ai mo?’ nanai nangmy tlairei katheu reng nai ne.

MATTHAI 10:16

“Khen cham, kasuichi theung y beram awm nai kamta kang pato nai bo he: hunaibaly pavui kamta cheng iy, buhu kamta hawi y naira so y naimy awm u.

MATTHAI 3:16

Naibaly Isu ly baptisma nga pajau bo nabaly mymy ly tui theung i dengdairei theu praw: naibaly khen cham, kani am-eaung iy Tameuh i Phailo ly buhu ka-tawm kathiu i, mymy i tlang tleaung y chym nai niu.

EPHESI 5:27

mymy ly palau takhra kamkawm ly anyng akau y nai hawi, aneaung y nai hawi, hunai kamta atitichi den py awm y naimy, chai nai hawi meimai cheh ai by y nai awm iy, amymy ai palau takhra kamkawm tahm asang parai nai apei amang thai ai nai py, huni i jeng y apei nai bo.

KOLOSA 1:22

na i py vai ly nangchi ai ly mymy i mo y chai parai nai hawi, meimai cheh ai by y nai hawi, thui ai by y nai angdo hai ai nai, mymy i ngan i tlang y ly dei naira i saho y nangchi ai aly hai nai bo:

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

HEBRAI 4:16

Hunaibaly achi ly pahenra nga thai ai nai hawi, aly aeang nai neng khala y pahenra i sabawm naira nga thai ai nai py, pahen naira areng atehra mang y vam parai naimy kasa u sina.

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.

JUDA 1:24

Hunaibaly atlym y ai nai pa-rei nangchi ai ang typ thai ai nai hawi, ni i nang parai naira mo y khrikhri pa-rei amo theu hai iy, chai y naira akau y naimy ang tym hai nai keung, achi ai Paheng nai keung Tameuh leaungrei awm khyh nai teng y ly,

AMTENG HAI NAI 5:8

Naibaly cha-iu aeang la phai la baly, heng nai amjy palyhrei hawi, miteaung keh apom phai palyhreichi ly taro hawi pakhyh nai rimui kawi nai muku khau py syn bawibawi naimy, Beram Cho i mo y ly kheukhudi iy meung u bo; huni rimui ly khumi kachaichi i chiu sa nairachi ne.