Solomon i khulym 1:13 - Khumi Common Language Bible

¹³ Kai i khrei nai ly kai i paleung tleaung y aseaung nai thym khala, ni teng i mura mui katui kai teng y amseaung na bo.

Solomon i khulym 1:13 ပူးပေါင်းရင်းမြစ်များ

ATITI AWM ANGCHEI NAI 43:11

Hunaibaly Ampo my nichi teng y, “Hina nai kamta so u; hini pri i theu nai atiti kahawichi napi nai maicha katli maidenrei, khawi hang maidenrei, mui katuichi, mura katli, tavau athai hawi baden athaichi paiso theung y lum iy, samrang i bangtang kalen i vui langseaung syn pi u.

SAM 45:8

Nang i ateaungchi ly mura, akjaw, sinamon mui katuichi mui amseaung na bo. Katyn kapau beu kawp naichi ly kasai nuh samrang yhmchira y, nang ai ang beu pi nai ne.

Solomon i khulym 2:7

Jerusalem mary i neampachychi awi, nangchi ly kaini i akhrei nai paka ai ny y, nanai leu adeu u; angpreng rang nai sisiu sikhichi ai tau iy vaineng abeu u bo.

Solomon i khulym 3:5

Jerusalem mary i neampachychi awi, nangchi ly kaini i akhrei nai ai taphra y leang mang, nanai leu adeu u. Angpreng rang nai sisiu sikhichi ai tau iy vaineng abeu u.

Solomon i khulym 3:6

Mura hawi kathan ka-pai sa nai keungchi i jo nai mui katuichi patawi nai khala theu nai maikhyhchi kamta, khutaha daichi ka-vym mang y jeu nai ly ati mo?

Solomon i khulym 4:14

Huni akho theung y nardu keung hawi deang keung, nardu rimui keung, saffron keung, kalamas keung, sinamon keung, rimui keung cheaungkhang, khri pa-rei mui hawi parai nai kulataruchy keung katheangchi ly aly ngai nai by y na pa-rei prau nai ne.

Solomon i khulym 4:16

Tosyh ali awi, aho jau; tokalawi ali awi, kai i akho mang y aho ly mui kahawichi hawimy amseaung ba. Kai i khrei nai keung ly mymy i akho theung y kun iy, hawi keh nai athaichi cho sy.

Solomon i khulym 4:6

Khawn mang ali theu pryn iy kaveng tama nai neng tym pa-rei, mura mui hawi lawban mawi salo y kai awm ai.

Solomon i khulym 5:1

Kai i aju angam nai khrei nai awi, kai ly kaimy i akho theung y kun bo. Kai ly rimui hawi mura pakym achu bo; kai ly khawi hang hawi khawi byn cha iy kreip hang hawi kanu kanei nai ne. Khrei naichi awi, cho u, nei u; khrei nai hawimy pavui na pa-rei nei u.

Solomon i khulym 5:13

Ni i tangbengchi ly asi keungchi, mui katui keungchi hawi kawi nanai akho kamta khen apu parai. Ni i labeaungtengchi ly mura asituichi pajui nai jeupawm pauchi hawi atawm.

Solomon i khulym 5:5

Kai ly khrei nai keung i vui katheu paeaung ai nai ang thau nai khala y, kai i kiura i mura asitui ly suipa bo; kai i kiu pajeungchira i mura asitui ly katheu sengtleng tleaung y leaung bo.

JOHAN 19:39

Naibaly angchei kha y vum y Isu teng y chei nai Nikodema ly mura hawi, alo katlen nai angchi sie vui pangrei mo syn iy chei teang.

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,